Magkat-on

Unsay atong buhaton dinhi sa grupo?

Oras: I-set ang timer sa 60 minutos alang sa seksyon nga Magkat-on.

Basaha:Aron masabtan ang katuyoan niining grupo sa self-reliance, paklia ang sulod sa atubangang hapin niining workbook ug basaha ang pasiuna.

Kita anaa dinhi aron sa pagtinabangay sa usag usa aron makakita og bag-ong trabaho o mas maayo nga trabaho. Kita usab adunay mas dakong tumong: mahimong self-reliant aron kita makaserbisyo sa uban.

Praktisa:Kadtong mo-apply sa mga baruganan nga atong nakat-unan kasagaran dali nga makakita og trabaho. Busa angay lang gyud kini! Paklia ang Job Search Success Map diha sa katapusang pahina niining workbook ug pagpuli-puli og basa niini.

Basaha:Kada adlaw, atong mapalambo ang atong pagpangita og trabaho. Sugod karon, mag-focus kita sa pagtubag sa unom ka pangutana diha sa Job Search Success Map alang sa atong kaugalingon. Kita mohimo og mga commitment, molihok, ug dayon mo-report sa grupo. Kita dungan nga molampus!

Bisan nakakita na kita og trabaho, kita mopadayon sa pagtambong sa mga miting sa grupo aron sa pagkat-on ug pagpraktis sa mga baruganan sa Foundation. Kita makapadayon sa pagtabang sa atong mga kauban sa grupo ug makakuha og tabang gikan sa grupo sa mga hagit sa pagpangita og trabaho.

Ania ang mga pangutana ug buhatunon karong semanaha.

Basaha: PANGUTANA SA SEMANA—Unsaon nako sa pagpangita sa saktong mga oportunidad sa trabaho?

BUHATUNON SA SEMANA—Pag-andam ug pagpraktis sa pamahayag sa “pagpresentar sa akong kaugalingon sa 30 segundo” ug ipakigbahin kini sa tanan nga akong mahimo. Ikonsiderar sa pagbuhat sa Pagpadali sa Pagpangita og Trabaho (opsyonal nga kalihokan).

Ang nahabiling panahon sa miting makatabang nato sa pagtubag niining pangutana ug mobuhat niining mga buhatunon.

Praktisa:Atong himoon ang atong unang buhatunon isip grupo. Mogahin ta og lima ka minuto ug modesisyon unsay itawag sa atong grupo.

Isulat ang ngalan sa grupo sa ubos:

Unsay akong matanyag?

Hisguti:Naulaw ka ba sa pagsulti sa mga tawo nga nagkinahanglan ka og trabaho?

Basaha:Dili kita angay nga mabalaka! Ang tanan dunay panahon nga nagkinahanglan og trabaho. Kitang tanan adunay mga talento ug mga kasinatian. Dugang pa, kita mga anak sa Dios. Mahimo kitang magmalampuson! Kinahanglan natong sultian ang tanan nga kita nangita og maayong trabaho ug kita kwalipikado niini!

Praktisa:Bahina ngadto sa gagmay nga mga grupo nga may tagtulo ka tawo. Ibalhin ang inyong mga lingkuranan aron kamo mag-atubangay, ug buhata ang mosunod nga mga kalihokan.

1. Usa kaninyo ang mosulti sa uban kabahin sa usa ka nakab-ut [accomplishment]. Muboa lang! Makasulti ka: “Ako gihatagan sa ganti sa ‘pinakamaayong moserbisyo’ sa trabaho,” o “Nakaserbisyo ko og misyon” (o uban pang calling sa Simbahan), o “Ako usa ka inahan.”

2. Karon, kutob sa pinakapaspas nga ilang mahimo, ang laing duha mosulti kanimo unsay mga kahanas ug abilidad ang gikinahanglan aron makab-ut kana. Kon ikaw mosulti, “Nakaserbisyo ko og misyon,” ang uban mahimong mosulti dayon og, “Ikaw isug, maayo nga estudyante, kugihan, lider, social worker, tigmugna og tumong, maayo sa katawhan, magtutudlo, maayong tigplano, ug makahimo sa lisud nga mga butang.”

3. Balika kining proseso sa kada tawo diha sa inyong grupo.

Hisguti:Unsay imong gibati samtang ang uban naghisgot kabahin sa imong mga talento ug kahanas?

Basaha:Niini nga box, lingini ang imong mga nakab-ut ug sulati pa og dugang. Ayaw kaulaw. Dayon lingini ang imong mga abilidad, kahanas, ug kinaiya ug sulati pa og dugang. Tan-awa ang imong kaugalingon sama sa pagtan-aw sa Langitnong Amahan kanimo!

MGA ACCOMPLISHMENT (Lingini ug sulati pa og dugang)
Calling sa Simbahan
Misyon
Ginikanan
Mga ganti sa trabahoan
Edukasyon
Pagpangulo
Mga ganti sa pagserbisyo
Midumala sa mga miting
Nakabaligya og usa ka butang
Nakamugna og usa ka butang
Mihatag og pakigpulong

MGA ABILIDAD, MGA KAHANAS, MGA KINAIYA (Lingini ug sulati pa og dugang)
Matinuoron	Kugihan
Kahanas sa pagbaligya	Maayo nga tigpaminaw
Masaligan	Mabination
Kahanas sa Pagpanglimpyo	Mekanikal
Komunikasyon	Tigmugna og tumong
Magtutudlo	Mapaagihon
Intelihente	Pagmentinar
Konstruksyon	Mapailubon
Mamugnaon	Buotan
Daling makat-on	Tiglig-on sa grupo
Tigplano	Positibo

Unsaon nako pagsulti sa uban kabahin sa akong kaugalingon?

Basaha:Karon nasayud na ka nga daghan ka og matanyag! Aron makakuha og maayong trabaho, kinahanglan nimong sultian ang mga tawo kon unsaon nimo paggamit ang imong mga kahanas sa pagtabang nila—ug kinahanglan nimong sultian sila sa paspas ug epektibo nga paagi. Uban sa tibuok grupo, pagpuli-puli og basa sa “Pagpaila ni Sofia.”

Pagpaila ni Sofia

Hello! ¹ Akong ngalan kay Sofia Gonzalez, ug ² gusto ko og trabaho nga magtudlo sa pribadong eskwelahan. ³ Ako adunay lima ka tuig nga kasinatian sa pagtudlo ug sertipiko sa edukasyon. Ang akong mga estudyante nakakuha og dagkong eskor sa test. ⁴ Ako makalingaw nga magtutudlo, ug ang mga estudyante mopakita sa ilang labing maayong paningkamot kanako.

¹ Pangalan ² Tumong ³ Mga Kwalipikasyon ⁴ Mga Kinaiya

Praktisa:Karon, paghimo og pagpaila sa imong kaugalingon gamit niining upat ka bahin. Isulat sa linya sa ubos. Paggahin og 2–3 ka minutos. Ilakip ang:

1. Imong pangalan

2. Ang trabaho nga imong gusto (tumong)

3. Nganong angay ka nianang trabahoa (mga kwalipikasyon)

4. Pipila sa mga kinaiya o kahanas nga makatabang kanimo nga magmalampuson niana nga trabaho

“Pagpresentar sa Akong Kaugalingon sa 30 segundo” Pahinumdom: Muboa lang! Ang mga tawo maminaw lang sulod sa pipila ka segundo.

Kini nga matang sa pagpaila gitawag og pamahayag sa “pagpresentar sa akong kaugalingon sa 30 segundo”. Tagsa-tagsa, barug ug ipaila ang inyong kaugalingon gamit ang “pagpresentar sa akong kaugalingon sa 30 segundo.” Himoa kini sulod sa 30 segundo. Kita mamakpak ug magdasigay sa usag usa!

Basaha:Ang “pagpresentar sa akong kaugalingon sa 30 segundo” talagsaong paagi sa pagpaila sa atong kaugalingon, ilabi na kon kini detalyado. Kini mas epektibo kon kita modugang og pangutana sa katapusan nga direkta ngadto sa tawo nga atong gikaistorya. Si Sofia nag-praktis og dugang mga pangutana sa iyang pagpaila, mag-agad sa tawo nga iyang nahimamat:

Higala, pamilya: Kinsa nga mga magtutudlo o tag-iya sa eskwelahan ang inyong kaila?

Sekretarya: Imo ba kong mapaila-ila ni Mrs. Gomez, ang tag-iya?

Empleyado: Sa unsang paagi ang akong kasinatian makatabang nimo?

Kinahanglan natong ipaila-ila ang atong kaugalingon sa daghang tawo kutob sa mahimo aron sila masayud nga kita nangita og trabaho.

Praktisa:Paggahin og pipila ka minuto sa pagsulat sa “pagpresentar sa akong kaugalingon sa 30 segundo” pag-usab. Paninduta kini. Dugangi og partikular nga mga kwalipikasyon ug kinaiya. Dugangi og pangutana nga imong magamit kon makig-istorya sa employer.

Pangutana:

Praktisa:Isip grupo, buhata ang mosunod nga kalihokan. Dili gyud kini mosobra og lima ngadto sa unom ka minuto.

1. Tanan mobarug ug mobalhin sa hawan nga lugar. Ang matag usa kinahanglang mag-atubang og laing tawo.

2. Isulti ang “pagpresentar sa akong kaugalingon sa 30 segundo” ngadto sa imong paris.

3. Dayon ang imong paris mosulti sa iyang “pagpresentar sa akong kaugalingon sa 30 segundo” nganha nimo.

4. Dayon ihatag kining feedback sa usag usa:

   • Anaa ba ang tanang upat ka bahin? (ngalan, tumong, kwalipikasyon, kinaiya)

   • Kini gitapos ba og pangutana?

   • Kini ba tinuoray ug mapasaligon? Kini ba makamugna og pagsalig?

   • Ang tawo ba mipahiyom?

   • Gusto ba nimong i-refer kining tawhana o hatagan siya og trabaho?

5. Dayon mag-ilis og paris ug buhaton kini pag-usab. Ug usab!

6. Ayaw paglangan hangtud ang tanan makasulay niini sulod sa lima ka higayon.

Basaha:Sukad karon, dili na ta maulaw sa pagsulti sa mga tawo nga kita nangita og trabaho. Kita mobuka sa atong ba-ba ug mosulti sa tanan nga kita andam motrabaho ug unsa kita ka kwalipikado!

Andam na ba ta nga mogawas ug mosulti sa “pagpresentar sa akong kaugalingon sa 30 segundo” sa tanan nga atong mahimamat sa dili pa ta magkita sa sunod nga miting? Ato ba kining buhaton?

OPSYONAL NGA KALIHOKAN: PAGPADALI SA PAGPANGITA OG TRABAHO
(AYAW KINI BUHATA PANAHON SA MITING.)
Sa atong ikalima nga miting, kita magkat-on og paagi sa pagpadali sa atong pagpangita og trabaho. Apan, kon gusto nimo nga mapadali ang imong pagpangita og trabaho karon, mahimo na nimong buhaton kining sobra nga kahilokan sa wala pa ang miting. Mahimong imo kining buhaton nga ikaw lang o dungan sa uban.
Aron mas daling molampus, mahimo nimong tun-an ang “Pagpadali sa Pagpangita og Trabaho” sa seksyon sa Mga Kapanguhaan, mga pahina 15–20. Hisguti ug pagkat-on uban sa imong pamilya, sakop sa grupo, o sa ubang higala. Lakaw ug buhata kini—pagpangita og kapanguhaan, paghimo og mga kontak, ug pakigsabut og mga miting sa daghang tawo kutob sa imong mahimo. Kini morag molungtad og mga duha ngadto sa upat ka oras sa usa ka adlaw.
Ang pagpangita og trabaho usa ka trabaho! Kon ang mga tawo mosunod niining sundanan, mas paspas silang makakuha og trabaho.
Kon mobuhat ka niining kalihokan, balik ug i-report kini sa grupo pagkahuman. Ang imong kasinatian makatabang sa ubang mga sakop sa grupo!

Unsaon nako pagdumala sa akong pinansyal sa maalamong paagi?

Basaha:Ang pagkahimong self-reliant naglakip sa paggasto og ubos kaysa atong kinitaan ug adunay kwarta nga tinigom. Ang tinigom makatabang kanato nga may mabayad sa wala damhang mga gasto o makatabang kanato sa pagsangkap sa atong kaugalingon ug sa atong pamilya kon ang atong kinitaan mas gamay kaysa atong gidahuman. Isip kabahin niining grupo, kita mo-commit nga magtigom kada semana, bisan sinsilyo lang.

Hisguti:Sa pipila ka dapit, maayo nga ideya nga magtigom og kwarta sa bangko. Sa ubang dapit, dili kini maayo nga ideya, kon ang nasud taas og inflation o kon ang mga bangko dili kasaligan. Sa imong dapit maayo ba nga magtigom diha sa bangko? Asa nga bangko ang nagtanyag og pinakamaayong rate sa pagtigom?

Basaha:Laing bahin nga mahimong self-reliant mao ang walay personal nga utang. Ang personal nga mga loan gigamit sa paggasto nga sobra pa kaysa atong kinitaan. Ang mga propeta nagtambag kanato nga likayan ang personal nga utang, ug samtang kita magkahimong self-reliant atong paubsan ug wad-on ang bisan unsang personal nga utang (hinoon ang utang para sa negosyo mahimong maalamon sa pipila ka sitwasyon).

Mga emerhensya sa medikal sa kanunay makamugna og dakong mga problema sa pinansyal. Ang insurance ug mga programa sa healthcare sa gobyerno makatabang niining problemaha. Ang pagkuha og insurance o programa sa medikal sa gobyerno importante nga bahin sa atong dalan paingon sa self-reliance.

Hisguti:Pipila sa matang sa insurance (sama sa health insurance ug life insurance) mas anaa ug mas makatabang kaysa ubang matang sa insurance. Pipila sa mga kompaniya sa insurance mga maayo ug ang pipila dili kasaligan. Unsa ang pinakamaayong opsyon sa insurance sa imong dapit?

Nganong gusto sa Manluluwas nga kita mahimong self-reliant?

Hisguti:Nganong gusto sa Manluluwas nga kita mahimong self-reliant?

Basaha:Basaha ang kinutlo nga anaa sa tuo.

“Ang pagpahinungod mao ang paggahin o paghalad og usa ka butang nga ingon ka sagrado, gihalad alang sa balaanong mga katuyoan.”

D. Todd Christofferson, “Mga Hulagway sa Gipahinungod nga Kinabuhi,” Ensign o Liahona, Nob. 2010, 16

Hisguti:Sa unsang paagi ang atong mga paningkamot nga madawat og trabaho magsilbi nga “balaanong katuyoan,” sama sa giingon ni Elder Christofferson?

Basaha:Ang Ginoo adunay gahum sa pagtabang kanato nga mahimong self-reliant. Siya miingon, “Tan-awa, Ako mao ang Dios; ug Ako mao ang usa ka Dios sa mga milagro” (2 Nephi 27:23). Samtang atong ipahinungod, ang atong mga paningkamot nga magmalampuson sa atong trabaho ngadto sa balaanong katuyoan aron mahimong self-reliant, ang Ginoo mogiya kanato pinaagi sa inspirasyon. Samtang atong ipakita ang atong pagtuo pinaagi sa pagpaminaw ug pagsunod sa Iyang mga pagdasig, ang Ginoo mobuhat sa Iyang mga milagro ug mopalapad sa atong paningkamot kaysa atong mahimo nga kita lang.