Mga Kapanguhaan

BUHAT ug Commitment

Pagpili og mga tahas [role] ug i-drama ang mosunod.

GROUP MEMBER 1: Kami nagtuo sa paghimo ug pagtuman og mga commitment. Sa among grupo sa self-reliance, ang tanan namong gibuhat natukod sa paghimo og mga commitment ug pag-report.

GROUP MEMBER 2: Sa pagtapos sa miting sa grupo, among ribyuhon ang among mga buhatunon sa semana ug mopirma aron ipakita ang among commitment. Mopili usab kami og “action partner.” Ang action partner mopirma sa among workbook sa pagsaad nga mosuporta. Kada adlaw sa dili pa ang sunod nga miting, among kontakon ang among action partner aron moreport sa among mga buhatunon ug aron makakuha og tabang kon gikinahanglan.

GROUP MEMBER 3: Sa dili pa ang sunod nga miting, among isulat ang among paglambo diha sa workbook ug gamiton ang giandam nga mga tool, sama sa mga worksheet o uban pang mga porma. Ug kon kami nagkinahanglan og dugang tabang, kami makatawag sa among mga pamilya, mga higala, o sa facilitator.

GROUP MEMBER 4: Sa sinugdanan sa among sunod nga miting, kami mobalik ug mo-report sa among mga commitment. Kini kinahanglang komportable, epektibo nga kasinatian para sa tanan. Samtang ang kada sakop sa grupo mo-report, hunahunaa kon sa unsang paagi siya natabangan pinaagi sa paghimo og mga commitment ug pagreport sa kalamboan.

GROUP MEMBER 1: Sa unang higayon nga mi-report ko sa akong mga commitment, naghunahuna ko, “Lahi kini.” Nganong ang mga sakop sa akong grupo magpakabana man sa akong gibuhat? Apan akong nasayran nga sila nagpakabana gyud diay. Ug kana nakatabang nako.

GROUP MEMBER 2: Nakaamgo ko nga dili nako gusto nga pakyason ang akong grupo. Busa nagkugi ko nga matuman ang akong mga commitment. Wala koy nahibaloan nga laing paagi nga regular ko nga molambo. Ang pag-report kada miting nakatabang nako sa akong mga prayoridad.

GROUP MEMBER 3: Kon maghunahuna ko sa akong dalan paingon sa self-reliance, nahadlok ko kay dako kini nga buluhaton. Apan ang mga miting sa grupo nakatabang nako nga buhaton kini sa hinay-hinay nga mga lakang. Ug akong gi-report ang kada lakang ngadto sa akong grupo. Nakahimo ko og tinuoray nga paglambo. Sa akong hunahuna kini nga kalampusan miresulta gumikan sa pagmugna og bag-ong mga gawi.

Balik sa pahina 13

Pagpadali sa Pagpangita og Trabaho (Opsyonal nga Kalihokan)

Tun-i ug i-apply kini nga mga materyal aron mapadali ang imong pagpangita og trabaho! Mahimo nimo kining buhaton uban sa imong pamilya, sakop sa grupo, o laing higala o mentor.

Tan-awa:“Rafael: Job in 6 Days!” (Aron motan-aw sa video, adto sa srs.lds.org.)

Hisguti:Unsay nakatabang ni Rafael nga siya nagmalampuson sa pagpangita og trabaho?

Basaha:Ang Pagpadali sa Pagpangita og Trabaho usa ka epektibong estratehiya sa pagpangita og trabaho kada adlaw. Sa pipila ka dapit, kini nga paagi nakapakunhod sa panahon sa pagpangita og trabaho gikan sa 200 ka adlaw ngadto sa 20 ka adlaw! Kini nanginahanglan og dakong paningkamot. Kini naglakip og tulo ka kalihokan kada adlaw:

• Pag-ila og 15 ka bag-ong mga kapanguhaan.

• Paghimo og 10 ka kontak.

• Pagpahigayon og 2 ka nag-atubangay nga mga miting o interbyu.

Tan-awa:“Daily Job Search: Resources” (Aron motan-aw sa video, adto sa srs.lds.org, o basaha ang mosunod.)

• Pinaagi sa kasulatan, kita gitudloan nga ang “mga tawo kinahanglan nga matinguhaon nga moapil diha sa usa ka maayo nga katuyoan, ug mobuhat og daghan nga mga butang diha sa ilang kaugalingon nga gawasnon nga kabubut-on. … Kay ang gahum anaa kanila, diin sila mga tinugyanan ngadto sa ilang mga kaugalingon.” Ug kini nga sugo inubanan sa saad: “Tungod kay ang mga tawo nagbuhat sa maayo sila dili mawad-an sa ilang ganti” (D&P 58:27–28).

• Ang epektibong mga nangita og trabaho nakasabut nga ang “gahum anaa kanila,” ug ang Dios motabang kanila samtang sila “matinguhaon nga moapil.” Kita sa partikular maghisgot og usa ka napamatud-ang estratehiya sa pagpangita og trabaho nga may tulo ka bahin. Gitawag kini og Pagpadali sa Pagpangita og Trabaho.

• Una, ang malampusong nagpangita og trabaho magkat-on sa pag-ila og 15 ka bag-ong kapanguhaan kada adlaw. Ikaduha, sila naghimo og 10 ka kontak kada adlaw. Ug ikatulo, sila nagpahigayon og dili moubos og 2 ka nag-atubangay nga mga miting o interbyu kada adlaw.

• Sa sinugdanan, ang pamaagi sa Pagpadali sa Pagpangita og Trabaho ingon og lisud gyud kaayo. Apan samtang tagsa-tagsa natong gihisgutan ang kada lakang, imong makita nga kini sa tinuoray posible—ug molampus!

• Sugdan nato sa mga kapanguhaan. Unsa ang kapanguhaan? Ang kapanguhaan usa ka tawo, lugar, o butang nga makatabang sa paggiya sa nangita og trabaho ngadto sa usa ka potensyal nga oportunidad.

• Ang mga tawo naglakip sa mga higala ug pamilya, mga sakop ug lider sa Simbahan, mga employer o kauban sa trabaho, mga magtutudlo sa eskwelahan ug tigtambag sa pangempleyo, mga tawo sa tindahan—si bisan kinsa nga makahatag og makatabang nga impormasyon sa trabaho ug dugang kapanguhaan.

• Ang mga lugar naglakip sa mga chamber of commerce, lokal nga mga opisina sa pangempleyo, ug mga sibiko o propesyonal nga mga asosasyon. Kini makahatag og impormasyon nga makatabang.

• Ug ang mga butang nga makapadali sa imong pagpangita og trabaho naglakip sa mga directory sa negosyo ug telepono, mga web page sa kompaniya, ang Internet, mga trade journal ug mga magasin, mga newspaper, ug uban pang mga gamit sa media.

• Paglista og dili moubos 15 niini kada adlaw!

Praktisa:Bahina ang usa ka piraso sa papel ngadto sa tulo ka kolum. Isulat ang “Mga Kapanguhaan,” “Mga Kontak,” ug “Mga Miting” sa ibabaw sa kolum. Sugdi sa pagsulat niining papel karon pinaagi sa paglista sa daghang kapanguhaan nga imong masulat sa unang kolum. Kini ang mga tawo, mga lugar, ug mga butang nga adunay impormasyon sa pagtabang kanimo! Ania ang pipila ka mga example. Imong sulatan unya ang ubang mga kolum.

MGA KAPANGUHAAN (paghimo og listahan)	MGA KONTAK (telepono, email)	MGA MITING (mag-atubangay)
Mga site sa Internet	Mga lider sa Korum o Relief Society	Potensyal nga mga employer
Mga newspaper	Mga tawo nga imong katrabaho sa una	Mga home teacher
Panarbaho	Mga magtutudlo	Mga miyembro sa Simbahan
Self-reliance center	Mga tawo nga inyong nakaila sa tindahan

Tan-awa:“Daily Job Search: Contacts” (Aron motan-aw sa video, adto sa srs.lds.org, o basaha ang mosunod.)

• Karon, maghisgot ta kabahin sa mga kontak. Ang kontak dili lang ang pagpadala og résumé o pagsulat og application. Gikan sa tanang mga kapanguhaan nga imong giila, kinahanglan lang nimo nga mohimo og 10 ka kontak nga may kalabutan sa pagpanarbaho.

• Ang mga kontak naglakip sa bisan unsa nimong interaksyon ngadto sa mga tawo nga may kalabutan sa trabaho: pag-apply og trabaho; pagpadala og résumé o mubong sulat sa pasalamat; pagpakig-istorya ngadto sa mga higala, pamilya, ug mga sakop sa Simbahan nga nangita ka og trabaho—mag-text o mag-e-mail kanila. Mahimo usab ka nga makig-interact sa ubang mga kontak sa network ug siyempre, sa potensyal nga mga employer. Pangita og lain-laing mga oportunidad sa pakig-interact sa mga tawo ug pahibaloon sila nga ikaw nangita og trabaho. Kadaghanan sa mga tawo malipay nga ipaila-ila ka sa ubang mga tawo nga ilang kaila. Kini nga mga koneksyon mosangpot sa mga interbyu, nga mosangpot sa pagkadawat sa trabaho!

Praktisa:Karon gamita ang imong papel sa paglista og mga tawo kutob sa imong mahimo nga imong kontakon sa dili pa ang atong sunod nga miting. Hinumdumi—ayaw kaulaw. Pangita og paagi nga makakontak ka og 10 kada adlaw!

Tan-awa:“Daily Job Search: Meetings” (Aron motan-aw sa video, adto sa srs.lds.org, o basaha ang mosunod.)

• Sa katapusan, ang epektibong nangita og trabaho nakat-on sa bili sa tinuoray nga makig-miting og dili moubos duha ka tawo, nga nag-atubangay, kada adlaw. Mahimong kini ang imong pinaka bililhong buhatunon kada adlaw. Ngano? Ang mga miting o interbyu nga nag-atubangay makahimo og mas maayong komunikasyon ug pagsabut. Ang mga tawo kanunay “mamulong” kasagaran pinaagi sa ilang linihokan ug ekspresyon sa ilang dagway. Ug kining mga mensahe sa lihok dili mapadala pinaagi sa e-mail o masulti diha sa telepono. Kon mag-atubangay, ang mga tawo makakita ug mobati kon unsa gyud ka katalagsaon!

• Usab, ang mga miting nga mag-atubangay nagtugot nimo nga makakita ug mobati sa palibut nga imo unyang trabahoan. Imong maobserbaran kon sa unsang paagi ang mga tawo mo-interact, unsa sila ka mahigalaon o ka malipayon, ang kalampusan sa organisasyon, unsay mga kinahanglanon o mga oportunidad nga anaa, ug unsaon nimo pagtubag niadto nga mga kinahanglanon. Ang mga interbyu sa bisan unsang matang mga talagsaong oportunidad!

• Karon, dili tanang kada adlaw nga mga miting nga nag-atubangay kinahanglang kauban ang potensyal nga mga employer. Mahimo usab nimong himamaton ang ubang mga kontak, lakip ang mga higala, pamilya, ug higala sa inyong mga higala, ingon man usab sa mga sekretarya, mga magtutudlo, mga magtatambag, o ubang mga tawo kinsa nagtrabaho sa samang trabaho nga imong gusto. Pakighimamat lang sa mga tawo! Sultii sila sa “pagpresentar sa akong kaugalingon sa 30 segundo” ug gamita ang panapos nga pangutana sa paghangyo og posible nga trabaho ug dugang nga mga tawo nga mahimamat. Padayon sa pagpaningkamot, ipakita ang imong nakamahuan, ug pangayo og tabang ug tambag. Maayong mga butang mahitabo!

• Kini ang Pagpadali sa Pagpangita og Trabaho! Kada adlaw, kon ikaw nag-ila og 15 ka mga kapanguhaan ug naghimo og 10 ka kontak, ang pagpahigayon og 2 ka miting nga mag-atubangay mahimong sayon. Kamo matingala kon sa unsang paagi kini nakapadali sa inyong pagpangita og trabaho! Buhata kini uban sa dakong pagtuo, ug ang mga oportunidad maanaa nga wala nimo damhang posible.

Praktisa:Karon gamita ang imong papel sa paglista og mga tawo kutob sa imong mahimo nga atubangon sa dili pa ang atong sunod nga miting. Hunahunaa kon kanus-a ug asa mo magkita nila. Ayaw kalimot sa paggamit sa “pagpresentar sa akong kaugalingon sa 30 segundo” kada miting.

Tan-awa:“Daily Job Search: Putting It All Together” (Aron motan-aw sa video, adto sa srs.lds.org, o basaha ang mosunod.)

• Ang tulo ka bahin sa Pagpadali sa Pagpangita og Trabaho dili managlahi nga mga kalihokan. Samtang imo kining gibuhat, imong makita nga ang mga kapanguhaan anaa bisan asa. Sugdi kada adlaw pinaagi sa pagdugang sa imong lista. Ug samtang imo kining buhaton, makahunahuna ka og mga paagi sa pagkontak sa mga tawo, ug ang mga kontak natural lang nga mosangpot ngadto sa mga miting.

• Ang imong grupo sa self-reliance usa ka dakong tinubdan sa mga kapanguhaan, kontak, ug mga miting. Mao usab ang mga kauban nga sakop sa Simbahan, mga silingan, o mga kauban sa trabaho. Padayon sa pagdugang og mga kapanguhaan samtang naghimo ka og mga kontak. Pangayo og dugang mga kontak kon kamo adunay mga miting nga mag-atubangay. Paghangyo og dugang mga interbyu sa tanan nga imong mahimamat.

• Gamita ang imong pamahayag sa “pagpresentar sa akong kaugalingon sa 30 segundo”. Ang Pagpadali sa Pagpangita og Trabaho posible, ug kini makalingaw kon imo kining sugdan. Ayaw paglangay. Pakig-istorya sa tanan. Kanunay tinguhaa ang giya sa Espiritu Santo ug magpabiling takus. Paghimo og maayo nga mga rekord ug pag-follow up. Samtang imo kining buhaton, ang Ginoo mopakita kanimo sa paagi.

Praktisa:Karon tan-awa ang imong papel. Unsay una nimong buhaton? Paghimo og plano sa pagpangita og mga kapanguhaan, paghimo og mga kontak, ug pagpahigayon og mga miting nga mag-atubangay kada adlaw. Hukmi kon kanus-a nimo kini buhaton, ug hangyoa ang imong pamilya o action partner sa pagtabang nimo.

Subayon ang imong kalamboan gamit ang tsart sa sunod nga pahina. Subayon ang imong kontak gamit ang Porma sa Pag-Follow Up sa Kontak sa pahina 20. Paghimo og ubay-ubay nga mga kopya.

Porma sa Pagsubay sa Pagpangita og Trabaho

I-tsek ang mga box kon imong nakompleto ang buhatunon ug pun-i og mga mubong sulat.

ADLAW 1
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐	Total Kada Adlaw
Mubo nga mga sulat:

ADLAW 2
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐	Total Kada Adlaw
Mubo nga mga sulat:

ADLAW 3
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐	Total Kada Adlaw
Mubo nga mga sulat:

ADLAW 4
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐	Total Kada Adlaw
Mubo nga mga sulat:

ADLAW 5
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐	Total Kada Adlaw
Mubo nga mga sulat:

Porma sa Pag-Follow Up sa Kontak
Kontak

Tawo o organisasyon:

Telepono:

Address:

Email:

Gi-refer ko ni:

Akong gikontak kini nga tawo

• Oo

• Wala

Petsa:

Mga item nga gihisgutan:

1.

2.

3.

Mga kalihokan sa pag-follow up:

1.

Kompletuha sa (petsa):

2.

Kompletuha sa (petsa):

3.

Kompletuha sa (petsa):

Bag-ong mga referral:

1. Pangalan:

Telepono:

Fax:

Email:

Address:

2. Pangalan:

Telepono:

Fax:

Email:

Address: