Magkat-on

Unsaon nako nga molampus sa trabaho?

Oras:I-set ang timer sa 60 minutos alang sa seksyon nga Magkat-on.

Basaha:Kon kita madawat sa trabaho, kinahanglang ato kining ampingan [keep that job] ug molampus niini. Kita kinahanglang mahimong pinakamaayong empleyado kutob sa atong mahimo.

Basaha:PANGUTANA SA SEMANA—Unsaon nako nga molampus sa trabaho ug padayon nga magmalampuson?

BUHATUNON SA SEMANA—Ako (1) molampus sa trabaho, (2) mopakita sa akong bili ngadto sa akong employer, ug (3) moplano sa akong career.

Tan-awa:“That’s Not My Problem” (Walay video? Basaha ang pahina 108)

Hisguti:Nganong si Joseph, ang agalon, nagsugo nila ni Gloria ug Anthony sa pagsulbad sa ilang kaugalingong problema?

Tan-awa:“That Is My Problem” (Walay video? Basaha ang pahina 109)

Hisguti:Pinaagi sa pag-angkon sa responsibilidad, sila si Gloria ug Anthony nahimong mas bililhon sa ilang employer. Ngano?

Basaha:Kita molampus sa pagpanarbaho pinaagi sa pagpadayon og gamit sa tanang tools nga atong nakat-unan sa pagpangita og trabaho:

1. Paghimo og mga kontak ug pagpalambo sa atong network.

2. Pakig-istorya og klaro sa uban ug pagpakita og maayong kinaiya ug panagway.

3. Pagkugi ug pagpakita sa atong bili sa atong employer.

Unsaon nako pag-angkon sa responsibilidad sa pagtabang sa akong employer nga molampus?

Basaha:Ang mga employer mas hatagan og bili ang pipila ka mga empleyado kompara sa uban. Ang bililhong mga empleyado makahatag og mas daghang kinitaan o mas daghang mahimo para sa kompaniya kaysa gigasto sa kompaniya.

Hisguti:Sa unsang paagi kini makatabang nimo kon imong tabangan ang imong employer?

Praktisa:Paghunahuna niining tulo ka empleyado nga ingon og ikaw si Joseph, ang tag-iya sa kompaniya. Sa kada usa sa imong empleyado aduna kay magasto alang sa sweldo, ekipo, ug uban pa. Ug ang kada empleyado makahatag og kinitaan pinaagi sa paghimo sa produkto, pagbaligya, o pagserbisyo sa mga kustomer.

Benjamin

Makahatag og kinitaan: 50000

Nagasto sa kompaniya: 53000

Ginansya/Alkansi: -3000

Gloria

Makahatag og kinitaan: 26000

Nagasto sa kompaniya: 25000

Ginansya/Alkansi: 1000

Angela

Makahatag og kinitaan: 45000

Nagasto sa kompaniya: 25000

Ginansya/Alkansi: 20000

Ibalhin ang imong lingkuranan aron makig-istorya sa tawo nga imong katupad. Magtinabangay sa pagtubag niining mga pangutana:

1. Si kinsa ang pinakabililhon nga empleyado?

2. Si kinsa ang dili kaayo bililhon?

3. Kon ikaw adunay bonus nga 2000 nga ihatag sa tawo, kang kinsa nimo kini ihatag?

4. Kon ang dili kaayo bililhon nga empleyado dili molambo, imo ba siyang taktakon?

5. Kon ang laing kompaniya mo-hire sa imong pinakamaayo nga empleyado ug kuhaon siya, imo bang pasakaan ang iyang sweldo aron magpabilin siya?

Hisguti ang inyong mga tubag uban sa tibuok grupo.

Hisguti:Isip tibuok grupo, hisguti kon unsaon ninyo nga mahimong mas bililhon nga mga empleyado.

Praktisa:Ibalhin ang imong lingkuranan aron makig-istorya sa tawo nga imong katupad. Hisguti ang kada pangutana ug isulat ang inyong mga ideya.

Para sa imong trabaho karon o sa trabaho nga imong gusto, unsaon nimo:

1. Pagdugang og bag-ong mga kustomer sa negosyo?

2. Paghimo sa kasamtangang kustomer nga mas malipayon ug mas maunungon [loyal]?

3. Pagdasig sa kasamtangang kustomer nga mas mopalit og daghan?

4. Pagpasaka sa bili ug presyo sa produkto?

5. Pagtabang sa mga kustomer nga mas daling mobayad o gani advance nga mobayad?

6. Pagtabang sa kompaniya nga mosaka ang kinitaan sa bisan unsang paagi?

Unsaon nako pag-angkon sa responsibilidad sa pagtabang sa akong employer nga mapaubsan ang gasto?

Basaha:Isip bililhong mga empleyado, kita mangita usab og paagi nga mapaubsan ang gasto.

Hisguti:Unsay imong matabang nga mapaubsan ang gasto?

Basaha:Sa ikaduha nga video, si Anthony adunay maayong ideya: himoan og maintenance schedule ang makina. Siya nagkat-on nga maka-save ang iyang employer og kwarta. Kini nga tsart nagpakita sa kalainan. Ang ideya ni Anthony maka-save og dakong kwarta sa iyang employer—14500 sa lima ka tuig! Kon ipakita kini ni Anthony ngadto sa iyang agalon, ang employer klarong makakita sa bili ni Anthony!

	GASTO KON WALAY MAINTENANCE SCHEDULE		GASTO KON ADUNAY MAINTENANCE SCHEDULE
	Pag-ayo	Pailisan	Pagmentinar	Pag-ayo	Pailisan
Tuig 1	2000		100	0	0
Tuig 2	2000		100	500	0
Tuig 3		10000	100	0	0
Tuig 4			100	500	0
Tuig 5	2000		100	0	0
Total nga Gasto	16000		1500

Praktisa:Ibalhin ang imong lingkuranan aron makig-istorya sa tawo nga imong katupad. Pagpuli-puli. Tan-awa kon pila ang inyong matubag!

1. Ihulagway sa usag usa ang inyong trabaho o ang trabaho nga inyong gusto

2. Para sa kada trabaho, paghunahuna og mga ideya kon unsaon ninyo:

   • Pag-save sa oras

   • Pagpalambo sa proseso

   • Pag-amping og mas maayo sa mga makina o produkto

   • Pagpakunhod sa mga sayop

3. Isulat ang maayong mga ideya ug paningkamuti nga mahitabo kini sa dili pa ang atong sunod nga miting. Kon ikaw wala pay trabaho, ikonsiderar ang mga paagi nga imong maandam ang imong kaugalingon sa pag-implementar sa imong mga ideya kon ikaw aduna na unyay trabaho.

Unsaon nako pag-angkon sa responsibilidad sa akong career?

Basaha:Magdungan, basaha ang kasulatan nga anaa sa tuo.

“Kay ang Ginoong Dios miingon nga: Samtang kamo maghupot sa akong mga sugo kamo mouswag diha sa yuta.”

2 Nephi 4:4

Hisguti:Ang imo bang trabaho karon (o ang trabaho nga imong gusto) makatabang nimo nga mahimong self-reliant? Nagtuo ka ba nga ang Ginoo motabang nimo sa pag-andam og mas maayong trabaho? Unsaon Niya sa pagbuhat niini?

Tan-awa:“He Is Building a Palace” (Walay video? Basaha ang pahina 110)

Hisguti:Unsa ang imong nakat-unan niining video? Unsay imong gibati?

Praktisa:Ibalhin ang imong lingkuranan aron makig-istorya og laing tawo diha sa grupo.

1. Ihulagway ang imong trabaho o ang trabaho nga imong gusto

2. Ihulagway ang trabaho nga imong gusto sa duha ngadto sa upat ka tuig. Mao pa ba kini nga trabaho o lain na?

3. Hisguti kon unsa kahay mahitabo kon adunay igong kwarta nga moadto sa templo, magserbisyo og misyon, o motabang sa uban.

4. Isulat ang inyong nahisgutan sa mga box.

IMONG KAHIMTANG KARON	UNSAY IMONG GUSTO NGA MAMAHIMO

OPSYONAL NGA KALIHOKAN: UNSAON SA PAGPANGITA OG MENTOR NGA MAKATABANG NAKO NGA MOLAMPUS
(AYAW BUHATA KINI NGA KALIHOKAN PANAHON SA MITING.)
Kon gusto nimo, mahimo nimong buhaton kini nga kalihokan sa dili pa ang atong sunod nga miting:
Ang mentor makatabang nimo nga masayud sa wala masulat nga mga balaod ug ekspektasyon sa trabahoan. Tun-i ang pahina 111.)

Unsay mga tool nga akong gikinahanglan aron makab-ot ang akong mga tumong?

Basaha:Karon nga aduna na kitay ideya kon unsay atong gusto nga mamahimo, unsaon nato nga matuman kini? Atong basahon ang kasulatan nga anaa sa tuo.

 

Hisguti:Si Kristo nakapanalangin ba nimo sa temporal nga paagi? Kini ba naglakip sa pagtabang nimo nga madawat og trabaho, maampingan [keep] ang trabaho, ug molampus sa imong career?

Basaha:Ang Ginoo mohatag kanato og mga kasinatian sa atong trabaho aron pagtabang kanato nga makaangkon og mga kahanas ug kahibalo. Siya usab nagpaabut kanato nga makaangkon og kahibalo pinaagi sa pagtuon ug pagpangandam. Daghang trabaho ang anaa para sa partikular nga degree o sertipiko. Ang edukasyon makapahimo nato nga molampus sa trabaho ug mahimong mas bililhong empleyado.

Praktisa:Ilista ang mga kahanas ug kahibalo nga imong gikinahanglan para sa imong trabaho sa umaabut. Ilista ang mga pamaagi aron maangkon kini. Unsa ang inyong sunod nga mga lakang diha sa dalan? (Usa ka example gihatag.)

MGA POSISYON NGA IMONG GUSTO	MGA KAHANAS UG KAHIBALO NGA IMONG GIKINAHANGLAN	MGA PAMAAGI ARON MAANGKON ANG MGA KAHANAS UG KAHIBALO	SUNOD NGA LAKANG
Construction Manager	Mga kahanas sa engineering Mga kahanas sa pagplano Mga kahanas sa pagsulbad og problema Communication skills	Mga klase sa bokasyonal o teknikal nga eskwelahan o engineering degree sa kolehiyo	Moapil sa “Education for Better Work” nga grupo sa self-reliance sa pagplano sa akong sunod nga lakang.