Mga Kapanguhaan

Kada Adlaw nga Pagpangita og Trabaho: Istorya ni Alba

Pagpili og usa ka tawo nga mobasa sa mosunod.

Ang akong kadesperado sa kawalay trabaho migrabe pag-ayo, diin ang akong Langitnong Amahan lamang ang makatabang nako sa pagsulbad sa akong panginahanglan. Siya midasig og usa ka tawo nga moduol ug modapit nako sa pagbisita sa self-reliance center, diin ilang gisugdan ang programa sa pagpangita og trabaho nga gitawag og Pagpadali sa Pagpangita og Trabaho. Kini estratehiya nga nagtudlo kon unsaon nga daling makakita og trabaho. Pagkadakong panalangin!

Pinaagi niining paagiha, akong nakit-an ang mga kapanguhaan nga makakuha og permanente nga posisyon sa gobyerno. Gi-hire ko aron modumala sa departamento sa kumunikasyon. Wala ko magduhaduha nga kini nahimong posible pinaagi sa akong mga pag-ampo ug tubag sa Dios.

Balik sa pahina 81

Kada Adlaw nga Pagpangita og Trabaho: Mga Kapanguhaan

Pagpuli-puli og basa sa mosunod.

Pinaagi sa kasulatan, kita gitudloan nga ang “mga tawo kinahanglan nga matinguhaon nga moapil diha sa usa ka maayo nga katuyoan, ug mobuhat og daghan nga mga butang diha sa ilang kaugalingon nga gawasnon nga kabubut-on. … Kay ang gahum anaa kanila, diin sila mga tinugyanan ngadto sa ilang mga kaugalingon.” Ug kini nga sugo inubanan sa saad: “Tungod kay ang mga tawo nagbuhat sa maayo sila dili mawad-an sa ilang ganti” (D&P 58:27–28).

Ang epektibong mga nangita og trabaho nakasabut nga ang “gahum anaa kanila,” ug ang Dios motabang kanila samtang sila “matinguhaon nga moapil.” Kita sa partikular maghisgot og usa ka napamatud-ang estratehiya sa pagpangita og trabaho nga may tulo ka bahin. Gitawag kini og Pagpadali sa Pagpangita og Trabaho.

Una, ang malampusong nagpangita og trabaho magkat-on sa pag-ila og 15 ka bag-ong kapanguhaan kada adlaw. Ikaduha, sila naghimo og 10 ka kontak kada adlaw. Ug ikatulo, sila nagpahigayon og dili moubos og 2 ka nag-atubangay nga mga miting o interbyu kada adlaw.

Sa sinugdanan, ang pamaagi sa Pagpadali sa Pagpangita og Trabaho ingon og lisud gyud kaayo. Apan samtang tagsa-tagsa namong gihisgutan ang kada lakang, imong makita nga kini sa tinuoray posible—ug molampus!

Sugdan nato sa mga kapanguhaan. Unsa ang kapanguhaan? Ang kapanguhaan usa ka tawo, lugar, o butang nga makatabang sa paggiya sa nangita og trabaho ngadto sa usa ka potensyal nga oportunidad.

Ang mga tawo naglakip sa mga higala ug pamilya, mga sakop ug lider sa Simbahan, mga employer o kauban sa trabaho, mga magtutudlo sa eskwelahan ug tigtambag sa pangempleyo, mga tawo sa tindahan—si bisan kinsa nga makahatag og makatabang nga impormasyon sa trabaho ug dugang kapanguhaan.

Ang mga lugar naglakip sa mga chamber of commerce, lokal nga mga opisina sa pangempleyo, ug mga sibiko o propesyonal nga mga asosasyon. Ang matag usa niini nga mga dapit makahatag og impormasyon nga makatabang.

Ug ang mga butang nga makapadali sa imong pagpangita og trabaho naglakip sa mga directory sa negosyo ug telepono, mga web page sa kompaniya, ang Internet, mga trade journal ug mga magasin, mga newspaper, ug uban pang mga gamit sa media.

Paglista og dili moubos 15 niini kada adlaw!

Balik sa pahina 82

Kada Adlaw nga Pagpangita og Trabaho: Mga Kontak

Pagpuli-puli og basa sa mosunod.

Karon maghisgot ta kabahin sa mga kontak. Ang kontak dili lang ang pagpadala og resume o pagsulat og application. Gikan sa tanang mga kapanguhaan nga imong giila, kinahanglan lang nimo nga mohimo og 10 ka kontak nga may kalabutan sa pagpanarbaho.

Ang mga kontak naglakip sa bisan unsa nimong interaksyon ngadto sa mga tawo nga may kalabutan sa trabaho: pagpangita og trabaho; pagpadala og resume o mubong sulat sa pasalamat; pagpakig-istorya ngadto sa mga higala, pamilya, ug mga sakop sa Simbahan nga nangita ka og trabaho—mag-text o mag-e-mail kanila. Mahimo usab ka nga makig-interact sa ubang networking kontak ug siyempre, sa potensyal nga mga employer. Pangita og lain-laing mga oportunidad sa pakig-interact sa mga tawo ug pahibaloon sila nga ikaw nangita og trabaho. Kadaghanan sa mga tawo malipayong ipaila-ila ka sa ubang mga tawo nga ilang kaila. Kini nga mga koneksyon mosangpot sa mga interbyu, nga mosangpot sa pagkadawat sa trabaho!

Balik sa pahina 82

Kada Adlaw nga Pagpangita og Trabaho: Mga Miting

Pagpuli-puli og basa sa mosunod.

Sa katapusan, ang epektibong nangita og trabaho nakat-on sa bili sa tinuoray nga makig-miting og dili moubos duha ka tawo, nga nag-atubangay, kada adlaw. Mahimong kini ang imong pinaka bililhong buhatunon kada adlaw. Ngano? Ang mga miting o interbyu nga nag-atubangay makahimo og mas maayong komunikasyon ug pagsabut. Ang mga tawo kanunay “mamulong” kasagaran pinaagi sa ilang linihokan ug ekspresyon sa ilang dagway. Ug kining mga mensahe sa lihok dili mapadala pinaagi sa e-mail o masulti diha sa telepono. Kon mag-atubangay, ang mga tawo makakita ug mobati kon unsa gyud mo katalagsaon!

Usab, ang mga miting nga mag-atubangay makapahimo nimo nga makakita ug mobati sa palibut nga imo unyang trabahoan. Imong maobserbaran kon sa unsang paagi ang mga tawo mo-interact ug unsa sila ka mahigalaon o ka malipayon, ang kalampusan sa organisasyon, unsay mga kinahanglanon o mga oportunidad nga anaa, ug unsaon nimo pagtubag niadtong mga kinahanglanon. Ang mga interbyu sa bisan unsang matang kay mga talagsaong oportunidad!

Dili tanang kada adlaw nga mga miting nga nag-atubangay kinahanglang kauban ang potensyal nga mga employer. Mahimamat usab nimo ang ubang mga kontak, lakip ang mga higala ug pamilya, ug higala sa inyong mga higala, ingon man usab sa mga sektretarya o mga magtutudlo o mga magtatambag o ubang mga tawo kinsa nagtrabaho sa samang trabaho nga imong gusto. Pakighimamat lang sa mga tawo! Sultii sila sa “pagpresentar sa akong kaugalingon sa 30 segundo” ug gamita ang panapos nga pangutana sa paghangyo og posible nga trabaho ug dugang nga mga tawo nga mahimamat. Padayon sa pagpaningkamot, ipakita ang imong nakamahuan, ug pangayo og tabang ug tambag. Maayong mga butang mahitabo!

Busa kini ang Pagpadali sa Pagpangita og Trabaho! Kada adlaw, kon ikaw nag-ila og 15 ka mga kapanguhaan ug naghimo og 10 ka kontak, ang pagpahigayon og 2 ka miting nga mag-atubangay mahimong sayon. Kamo matingala kon sa unsang paagi kini nakapadali sa inyong pagpangita og trabaho! Buhata kini uban sa dakong pagtuo, ug ang mga oportunidad maanaa nga wala nimo damhang posible.

Balik sa pahina 82

Kada Adlaw nga Pagpangita og Trabaho: Paghiusa Niining Tanan

Pagpuli-puli og basa sa mosunod.

Ang tulo ka bahin sa Pagpadali sa Pagpangita og Trabaho dili managlahi nga mga kalihokan. Samtang imo kining gibuhat, imong makita nga ang mga kapanguhaan anaa bisan asa. Sugdi kada adlaw pinaagi sa pagdugang sa imong lista. Ug samtang imo kining buhaton, kamo makahunahuna og mga paagi sa pagkontak sa mga tawo, ug ang mga kontak sa kanunay mosangpot ngadto sa mga miting.

Ang imong grupo sa self-reliance usa ka dakong tinubdan sa mga kapanguhaan, kontak, ug mga miting. Mao usab ang mga kauban nga sakop sa Simbahan, mga silingan, o mga kauban sa trabaho. Padayon sa pagdugang og mga kapanguhaan sa imong mga kontak. Pangayo og dugang mga kontak kon kamo adunay mga miting nga mag-atubangay. Paghangyo og dugang mga interbyu sa tanan nga imong mahimamat.

Gamita ang imong pamahayag sa “pagpresentar sa akong kaugalingon sa 30 segundo”. Ang Pagpadali sa Pagpangita og Trabaho posible, ug kini makalingaw kon imo kining sugdan. Ayaw paglangay. Pakig-istorya sa tanan. Kanunay tinguhaa ang giya sa Espiritu Santo ug magpabiling takus. Paghimo og maayo nga mga rekord ug pag-follow up. Samtang imo kining buhaton, ang Ginoo mopakita sa paagi.

Balik sa pahina 82

Porma sa mga Kapanguhaan, mga Kontak, ug mga Miting

MGA KAPANGUHAAN (paghimo og listahan)	MGA KONTAK (telepono, email)	MGA MITING (mag-atubangay)

Porma sa Pagsubay sa Pagpadali sa Pagpangita og Trabaho

Tseki ang mga box ug pagdugang og mga note. Ipakita ang total kada adlaw.

ADLAW 1
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐ ☐ ☐	Total Kada Adlaw
Mubo nga mga sulat:

ADLAW 2
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐ ☐ ☐	Total Kada Adlaw
Mubo nga mga sulat:

ADLAW 3
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐ ☐ ☐	Total Kada Adlaw
Mubo nga mga sulat:

ADLAW 4
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐ ☐ ☐	Total Kada Adlaw
Mubo nga mga sulat:

ADLAW 5
Mga Kapanguhaan: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Kontak: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Total Kada Adlaw
Mga Miting: ☐ ☐ ☐ ☐	Total Kada Adlaw
Mubo nga mga sulat:

Porma sa Pag-Follow Up sa Kontak

Tawo o organisasyon:

Telepono:

Address:

Email:

Gi-refer ko ni:

Akong gikontak kini nga tawo

• Oo

• Wala

Petsa:

Mga item nga gihisgutan:

1.

2.

3.

Mga kalihokan sa pag-follow up:

1.

Kompletuha sa (petsa):

2.

Kompletuha sa (petsa):

3.

Kompletuha sa (petsa):

Bag-ong mga referral:

1. Pangalan:

Telepono:

Fax:

Email:

Address:

2. Pangalan:

Telepono:

Fax:

Email:

Address:

Mubo nga mga sulat