Mga Kapanguhaan
Ang Interbyu
Pagpili og mga tahas ug i-drama ang mosunod.
TIG-INTERBYU: Unsay imong masulti ngari nako kabahin sa imong kaugalingon?
KANDIDATO 1: Buot nimong ipasabut unsay akong gustong buhaton? Wala ra kaayo. Sa tinuoray ako wala kaayoy mga kalingawan o interes. Wala ra gyud kaayo koy gibuhat.
KANDIDATO 2: Umm … nan, ako …
KANDIDATO 3: O, ako ganahan. Kon imong makita, migahin ko og daghang panahon sa pag-alsa og mga weight. Unta motambong ko usab sa anger management class. Apan kinsa man ang ganahan moadto didto? Kahibalo ba mo unsay akong gipasabut?
KANDIDATO 1: O ang imong ipasabut kon unsa ko kon magtrabaho? Wala pa gyud ko magdugay og usa ka trabaho. Dali ra ko nga laayon ug dili na motungha. … Dili to angay nakong isulti.
KANDIDATO 2: Umm …
KANDIDATO 3: Buot nakong ipasabut, ang lalaki nga nagtudlo sa anger management class, … pwede nako siyang balion. Busa, si kinsa man ang akong agalon? Ikaw? Hoy, dili ka ang matang sa agalon nga kanunay magsusi kanamo kon kami busy, dili ba? Daw sama kami sa gagmayng mga bata? Gibuhat kini sa miagi nakong agalon, ug wala ko maganahi niini.
TIG-INTERBYU: Nganong amo ka nga i-hire?
KANDIDATO 2: Imo gyud ko nga i-hire tungod … um …
KANDIDATO 1: Nan, nagkinahanglan ko og trabaho. Abi nako nga ang akong mama mianhi na ug nakig-istorya nimo kabahin niini kagahapon. Siya miingon nga kinahanglan ko nga madawat sa trabaho. Dili ba?
KANDIDATO 3: Sayop gyud ka kon dili ko nimo i-hire. Sa akong pagsulod nakamatikod ko nga may mga butang nga angay usabon dinhi. Makapatingala nga anaa gihapon mo sa negosyo. Matarung nako kining tanan. Oo. Magpasalamat mo nako sa pagluwas sa inyong negosyo.
KANDIDATO 2: Tungod kay … um …
TIG-INTERBYU: Unsa ang imong pinakahuyang?
KANDIDATO 3: Wala koy mga kahuyang. Unsa may imoha? Dili gyud ko ganahan og mga pangutana sama ana.
KANDIDATO 2: Mga kahuyang? Hmm …
KANDIDATO 1: Umm … pagpangawat. Buot nakong ipasabut, dili pagpangawat, sa tinuoray. Dili kadto pagpangawat. Taas kaayo kini nga istorya. Buot nakong ipasabut ako kadtong iuli. Abi nako og pahulamon ko og kadiyot sa akong agalon.
Balik sa pahina 24
Unsaon Nako Paghimo sa mga Negatibo nga Mahimong Positibo? (Opsyonal nga Kalihokan)
-
Hisguti:Unsaon nimo pagtubag kini nga pangutana: “Unsa ang imong pinakahuyang?” Basaha ang tubag ni Gloria.
-
Basaha:Bantayi nga si Gloria:
-
Mipakigbahin og kahuyang nga komon sa daghang tawo.
-
Mihulagway kon sa unsang paagi nga iyang nabuntog ang kahuyang.
-
Midugang og impormasyon gikan sa power statement.
-
-
Praktisa:Sulayi kini uban sa usa ka sakop sa pamilya o higala. Papangutan-a sila nimo og negatibo nga pangutana. Tubaga pinaagi sa pagpakigbahin og kahuyang nga komon sa daghang tawo. Ihulagway kon sa unsang paagi nga imong nabuntog kini nga kahuyang. Idugang ang impormasyon gikan sa power statement.