Mo-report

circling arrows-red

Gituman ba nako ang akong mga commitment?

Oras:I-set ang timer sa 20 minutos alang sa seksyon nga Mo-report.

Hisguti:Basaha ang kinutlo nga anaa sa tuo. Sa unsang paagi nga magamit kini sa inyong grupo?

“Kon ang pagbuhat [performance] sukdon, ang pagbuhat molambo. Kon ang pagbuhat sukdon ug i-report, mas paspas ang paglambo.”

Thomas S. Monson, sa Conference Report, Okt. 1970, 107

Praktisa:Atong i-report ang atong mga commitment. Kadtong nagtuman sa ilang mga commitment, palihug og barug. (Atong pakpakan kadtong nagtuman sa tanan nilang mga commitment.)

Basaha:Karon, ang tanan mobarug. Kita kinahanglang maningkamot nga tumanon ang tanan natong mga commitment. Kini usa ka mahinungdanong gawi sa mga tawo nga self-reliant.

Samtang nagbarug pa ta, dungan natong isulti ang atong tema. Kini nga mga pamahayag nagpahinumdom kanato sa katuyoan sa atong grupo:

“Ug mao kini ang akong katuyoan sa paghatag sa akong mga santos, kay ang tanan nga mga butang akò.

Doktrina ug mga Pakigsaad 104:15

Uban sa hugot nga pagtuo ngadto sa Ginoo, kita magtinabangay nga mahimong self-reliant.

Basaha:Manglingkod ta.

Hisguti:Unsay imong nakat-unan sa pagtuman sa imong mga commitment? Sa unsang paagi kami makatabang? Magtinambagay ug magtinabangay kita sa atong pagpangita og trabaho. Kini ang pinakaimportanteng panaghisgot niini nga miting!

Unsay imong nakat-unan sa “pagpresentar sa akong kaugalingon sa 30 segundo” ngadto sa mga tawo? Imo ba kining napalambo? Imo bang gisulat ang imong mga kontak ug gi-follow up?

Aduna bay misulay sa Pagpadali sa Pagpangita og Trabaho? Unsay resulta?