Magkat-on

Unsa ang “Hidden” Job Market?

Oras:I-set ang timer sa 60 minutos alang sa seksyon nga Magkat-on.

Tan-awa:“Look Where There Is Less Competition” (Walay video? Basaha ang pahina 48.)

Basaha:Dunganon nato sa pagbasa ang mga pulong sa fishing diagram sa ubos. Ang isda nagrepresentar sa mga trabaho. Bantayi kon asa ang daghang isda, o asa makita ang daghang trabaho.

Hisguti:Kinsa ang makakubit og pinakadaghang isda? Lingini kana nga tawo. Asa ang “hidden” job market?

Basaha:Adunay mas daghang oportunidad sa hidden job market kaysa tradisyonal nga job market. Asa kita mangita og trabaho? Asa kita angay mangita og trabaho?

Ang trabaho nga gibutang diha sa mga ad o sa Internet		Ang tanan nasayud kabahin sa trabaho—grabe ang kompetisyon
Ang trabaho nga anaa sa gobyerno o sa pribadong job-placement services		Daghang tawo ang nasayud sa trabaho—dili kaayo grabe ang kompetisyon
Ang kompaniya nagplano nga mag-hire apan wala gipahibalo sa daghan		Pipila lang ang nasayud—wala kaayoy kompetisyon
Ang trabaho tingali wala pa mapahibalo sa tanan o gipahibalo lang sa usa ka tawo kinsa may kaila		Walay nasayud—walay kompetisyon

Basaha:PANGUTANA SA SEMANA—Unsaon nako sa pag-access sa “hidden” job market?

BUHATUNON SA SEMANA—Pagbaton og miting nga mag-atubangay sa potensyal nga mga employer.

Panahon niini nga miting, kita magkat-on ug magpraktis og mga kahanas aron pagtabang nato sa pagtubag niining pangutana ug mobuhat niining importante nga aksyon.

Asa ang hidden job market?

Tan-awa:“Most Productive Sources” (Walay video? Basaha ang pahina 48.)

Basaha:Pipila sa mga estratehiya sa pagpangita og trabaho mas epektibo kaysa uban. Sa pipila ka nasud, ang gidaghanon sa mga tawo nga nangita og trabaho sa pipila ka pamaagi mahimong susama sa tsart sa ubos. Kini mahimong lahi sa imong dapit.

Praktisa:Isip grupo, tubaga kining mga pangutana.

1. Niini nga tsart, unsa ang pamaagi nga gibuhat sa kadaghanang mga tawo sa pagpangita og trabaho?

2. Unsa ang pinakaepektibo nga pamaagi sa pagpangita og trabaho?

   PAMAAGI	ASA ANG MGA TAWO MIGAHIN OG PANAHON SA PAGPANGITA OG TRABAHO	ASA ANG MGA TAWO SA TINUORAY NAKAKITA OG TRABAHO
   Mga Advertisement/Internet	65%	14%
   Gobyerno o mga pribadong job placement service	27%	21%
   Personal nga kontak sa mga kompaniya	3%	30%
   Word of mouth (personal nga mga kontak ug mga referral)	5%	35%

   Kini ang hidden job market. Pag-focus dinhi ug likayi ang 92% sa kompetisyon!

   Apan ayaw ibaliwala kini nga mga opsyon, o imong mataligam-an ang 35% sa trabaho!

Unsaon nako sa pag-access ang hidden job market?

Basaha:Anaa na kanato ang mga sekreto niining hidden job market! Kini nagkinahanglan og personal nga mga kontak. Ug atong maangkon ang pinakamaayong personal nga mga kontak pinaagi sa paggamit sa (1) “pagpresentar sa akong kaugalingon sa 30 segundo” ug atong (2) mga power statement pinaagi sa atong (3) nagkalambo nga network. Sama sa atong nakat-unan sa milabayng miting, ang atong network naglakip sa mga tawo nga atong kaila ug mga tawo nga ilang kaila.

Ikaw

Mga tawo nga imong kaila

Mga tawo nga ilang kaila

Tan-awa:“Building Your Network” (Walay video? Basaha ang pahina 49.)

Hisguti:Imo ba nga gigamit ang “pagpresentar sa akong kaugalingon sa 30 segundo” ug mga power statement sukad sa atong milabay nga miting? Imo ba nga gihangyo ang imong mga kontak nga sultian ang ilang mga kontak para nimo?

Mga Tip sa Networking

1. Pangutan-a ang mga kontak og mga giya, impormasyon, ug mga ideya sa pagpanarbaho.

2. Kanunay mohangyo og dugang mga referral.

3. Paghimo og maayo nga mga rekord ug pag-follow up.

Praktisa:Ang atong grupo mao ang atong unang tinubdan sa networking. Atong sugdan sa pagpalapad sa atong network karon! Basaha ang mga instruksyon sa ubos ug dayon sugdi:

1. Barug ug atubanga ang imong tupad.

2. Himoa ngadto sa imong katupad ang “pagpresentar sa akong kaugalingon sa 30 segundo” ug tapusa gamit niining duha ka pangutana: “Si kinsa ang imong kaila nga makatabang nako sa pagpangita og mga kontak?” “Mahimo ba nga imong istoryahan sila ug mohangyo sa ilang panabang?”

3. Isulat ang mga kontak diha sa lista sa network diha sa sunod nga pahina ug hangyoa ang tawo sa pagdugang niini sa dili pa ang sunod nga miting samtang maghunahuna sila kanila.

4. Dayon mag-ilis og paris ug buhaton kini pag-usab.

5. Pagbalhin-balhin og pwesto ug buhata kini sa ubang mga sakop sa grupo.

6. Isulat kutob sa gidaghanon nga mahimo ang mga kontak sa sunod nga pahina.

7. Human sa atong miting, buhata kini sa mga tawo nga imong kaila.

8. Sa kolum sa Prayoridad, numeruhi ang kada tawo nga imong kontakon gikan sa 1 hangtud 20.

LISTA SA NETWORK
Pangalan	Impormasyon sa Pagkontak (numero sa telepono, address, email)	Prayoridad

Basaha:Sa dili pa ang atong sunod nga miting, atong kontakon kining mga tawhana, ingon man ang uban natong kaila ug ang ilang mga kontak. Padayunon nato og dugang ang lista. Samtang atong kontakon kining mga tawhana, atong gamiton ang atong mga power statement sa pagpakita kanila sa tanan natong mahimo para kanila!

Kita makaistorya niining mga tawhana ug sa uban pa!

• Mga higala

• Mga paryente

• Mga silingan

• Mga miyembro sa atong Simbahan

• Atong mga kadula sa sports

• Kauban sa trabaho sa una

Unsaon nako sa pakighimamat sa mga manager kinsa mo-hire sa mga tawo?

Basaha:Ang networking makagiya kanato sa mga negosyo nga nag-hire. Apan kinahanglan natong pangitaon ang tawo nga modesisyon kinsa ang i-hire.

Praktisa:Atong praktison isip grupo.

1. Pag-assign og usa ka tawo nga maoy nagpangita og trabaho. Kini nga tawo kinahanglang andam sa “pagpresentar sa akong kaugalingon sa 30 segundo,” usa ka pangutana, ug power statement ngadto sa employer.

2. Pag-assign og duha ka tawo nga mahimong mga empleyado: empleyado 1 ug empleyado 2.

3. Pag-assign og laing tawo nga maoy manager.

4. Pabaruga silang upat. Ang facilitator mobasa sa unang linya niining drama-drama. Dayon ang uban mobasa sa ilang mga linya.

• Facilitator: Kining nangita og trabaho mosulod sa usa ka tindahan o opisina diin gusto niya nga motrabaho. Siya nakig-istorya sa unang empleyado nga iyang nakita.

• Nangita og Trabaho: Hello. Si kinsa ang manager nga nagtrabaho karon?

• Employee 1: O, si Mr. Valenzuela, apan wala ko kahibalo kon asa siya karon. Mahimo nimong pangutan-on ang iyang assistant nga naa didto.

• Nangita og Trabaho: Salamat. [Nag-atubang sa empleyado 2.]

• Nangita og Trabaho: Hello. Mahimo ba nga imo kong sultian kon asa si Mr. Valenzuela?

• Empleyado 2: Aduna lang siyay gikuha. Mobalik siya dayon. O, naa ra siya.

• Nangita og Trabaho: Swerte. Salamat. [Nag-atubang ni Mr. Valenzuela.]

• Nangita og Trabaho: Mr. Valenzuela, maayong buntag. Ako si ________ [ngalan]. [Mihatag sa iyang“nagpresentar sa akong kaugalingon sa 30 segundo” ug gitapos og pangutana.] Sa unsang paagi ang akong kahanas makatabang sa imong negosyo?

• Manager: Sa tinuoray, nagsugod mi og pangita og usa ka tawo nga sama nimo. Aduna lang koy usa ka minuto. Dali sultii ko kabahin sa imong kaugalingon.

• Nangita og Trabaho: [Nagsulti og angay nga power statement.] Kahibalo ko nga busy ka. Kanus-a ta pwede nga mag-istorya nga mas dugay, karong hapon o ugma?

Hisguti:Kon ang manager moingon “dili” o “balik sa sunod” o “pagsulat og application,” unsay pinakamaayong isulti sa nangita og trabaho?

Basaha:Kinahanglan ta nga mo-adjust sa kada sitwasyon.

Praktisa:Barug ug paggrupo-grupo mo og tinagup-at. Balika ang drama-drama aron ang tanan adunay kahigayunan nga mahimong nangita og trabaho.

Nangita og Trabaho

Empleyado 1

Empleyado 2

Manager

Basaha:Karon kita adunay pipila ka epektibong mga tool nga gamiton sa atong mga kontak: “pagpresentar sa akong kaugalingon sa 30 segundo,” mga power statement, ug pakighimamat sa manager. Makakat-on usab ka sa paghimo sa mga negatibo nga mahimong positibo diha sa pahina 33.

Hisguti:Unsaon nimo paggamit kining mga tool aron makabaton og mabungahong mga miting sa sunod natong panagkita?

Praktisa:Paklia ngadto sa pahina 50 ug pagpuli-puli og basa kon unsaon pagsubay sa imong mga paningkamot sa pagpangita og trabaho. Dayon balik dinhi.