Magkat-on

lightbulb-purple

Unsaon nako pagpadali ang akong pagpangita og trabaho?

Oras:I-set ang timer sa 60 minutos alang sa seksyon nga Magkat-on.

Basaha:Kita aduna nay pipila ka epektibong mga tool sa pagtabang sa atong pagpangita og trabaho:

• “Pagpresentar sa Akong Kaugalingon sa 30 segundo”

• Mga power statement

• Paghimo sa negatibo nga mahimong positibo

• Pagtubag sa mga pangutana nga lakipan og pangutana

• Pagtubag sa komon nga mga pangutana sa interbyu

• Pagkompleto og mga application

• Pagpalambo sa panagway ug kinaiya

Sa miting karon, kita magkat-on kon unsaon paggamit kining mga tool aron makatabang sa pagpadali sa atong pagpangita og trabaho!

Hisguti:Unsay imong gibati karon nga anaa na kining mga tool sa pagtabang sa imong pagpangita og trabaho?

Basaha:PANGUTANA SA SEMANA—Unsaon nako sa pagpadali sa akong pagpangita og trabaho?

BUHATUNON SA SEMANA—Mapadaghan gyud ang akong mga kapanguhaan, mga kontak, ug mga miting nga mag-atubangay.

Pipila sa atong grupo mahimong nagbuhat na sa Accelerated Job Search [Pagpadali sa Pagpangita og Trabaho]. Sa miting karon atong mapadali ang atong pagpangita og trabaho.

Pagpangita og trabaho kada adlaw

Basaha:Karon mao ang panahon nato sa paggamit niining mga tool ug mapadali ang atong kalampusan sa pagpangita og trabaho.

Tan-awa:“Rafael: Job in 6 Days!” (Walay video? Basaha ang “Daily Job Search: Alba’s Story” sa pahina 88.)

Hisguti:Unsay nakatabang ni Rafael o Alba nga nagmalampuson sa Pagpadali sa Pagpangita og Trabaho?

Praktisa:Ang Pagpadali sa Pagpangita og Trabaho usa ka epektibong estratehiya sa pagpangita og trabaho kada adlaw. Sa pipila ka dapit, kini nga paagi nakapakunhod sa panahon sa pagpangita og trabaho gikan sa 200 ka adlaw ngadto sa 20 ka adlaw! Kini nagkinahanglan og dakong paningkamot—gikan sa duha ngadto sa upat ka oras sa usa ka adlaw o sobra pa. Kini naglakip og tulo ka kalihokan kada adlaw:

1. Pag-ila og 15 ka bag-ong mga kapanguhaan.

2. Paghimo og 10 ka kontak gikan niadtong mga kapanguhaan.

3. Pagpahigayon og 2 ka miting nga mag-atubangay o interbyu niadtong mga kontak.

Tan-awa:“Daily Job Search: Resources” (Walay video? Basaha ang pahina 88.)

Praktisa:Sugdi sa pagsulat karon sa table sa sunod nga pahina pinaagi sa paglista sa daghang kapanguhaan nga imong mahunahunaan sa unang kolum. Kini ang mga tawo, mga lugar, ug mga butang nga adunay impormasyon sa pagtabang kanimo! Ang pipila ka mga example gihatag. Dugangi pa og sulat sa dili pa ang atong sunod nga miting pinaagi sa paggamit sa porma sa pahina 91. Paghimo og mga kopya sa blangko nga porma samtang magpadayon ka sa pagdugang sa imong lista sa kapanguhaan.

Tan-awa:“Daily Job Search: Contacts” (Walay video? Basaha ang pahina 89.)

Praktisa:Karon, sa sunod nga pahina, paglista og mga tawo kutob sa imong mahimo nga imong kontakon sa dili pa ang atong sunod nga miting. Hinumdumi—ayaw kaulaw. Pangita og paagi nga makakontak ka og 10 kada adlaw!

Tan-awa:“Daily Job Search: Meetings” (Walay video? Basaha ang pahina 89.)

Basaha:Karon, sa sunod nga pahina, paglista og mga tawo kutob sa imong mahimo nga imong kontakon sa dili pa ang atong sunod nga miting. Hunahunaa kon kanus-a ug asa kamo magkita. Ayaw kalimot sa paggamit sa “pagpresentar sa akong kaugalingon sa 30 segundo” kada miting.

Tan-awa:“Daily Job Search: Putting It All Together” (Walay video? Basaha ang pahina 90)

Praktisa:Karon, tan-awa ang table sa sunod nga pahina. Unsay una nimong buhaton? ikaduha? ikatulo? Paghimo og plano sa pagpangita og mga kapanguhaan, paghimo og mga kontak, ug pagpahigayon og mga miting nga mag-atubangay kada adlaw. Desisyuni kon kanus-a nimo kini buhaton ug hangyoa ang imong pamilya o action partner sa pagtabang nimo. Pag-ampo para sa giya sa Ginoo.

Porma sa mga Kapanguhaan, mga Kontak, ug mga Miting

MGA KAPANGUHAAN (paghimo og listahan)	MGA KONTAK (telepono, email)	MGA MITING (mag-atubangay)
Mga site sa Internet	Mga sakop sa Korum o Relief Society	Potensyal nga mga employer
Mga newspaper	Mga tawo nga imong katrabaho sa una	Mga home teacher
Mga placement service	Mga magtutudlo	Mga sakop sa Simbahan
Self-reliance center	Mga tawo nga inyong nakaila sa tindahan

Porma sa Pagsubay sa Pagpadali sa Pagpangita og Trabaho

Basaha:Ania ang sampol sa Porma sa Pagsubay sa Pagpangita og Trabaho. Subaya ang imong mga kapanguhaan, mga kontak, ug mga miting gamit ang porma sa pahina 92. Paghimo og mga kopya kutob sa gikinahanglan.

(Tseki ang mga box ug pagdugang og mga note. Ipakita ang total kada adlaw.)

ADLAW 1
Mga Kapanguhaan: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Total Kada Adlaw  15
Mga Kontak: ☑ ☑ ☑ ☑ ☑ ☑ ☑ ☑ ☑ ☑ ☐	Total Kada Adlaw  10
Mga Interbyu: ☑ ☑ ☐ ☐	Total Kada Adlaw  2
Mubo nga mga sulat: Aduna nay nadawat sa trabaho nga cashier. Sila miingon nga sulayan ang market. Tingali sila nag-hire.

ADLAW 2
Mga Kapanguhaan: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Total Kada Adlaw  15
Mga Kontak: ☑ ☑ ☑ ☑ ☑ ☑ ☑ ☑ ☐ ☐ ☐	Total Kada Adlaw  8
Mga Interbyu: ☑ ☑ ☐ ☐	Total Kada Adlaw  2
Mubo nga mga sulat: Dili mahimong makigkita ni Jose karon. Siya miingon nga mobalik sa Huwebes.

ADLAW 3
Mga Kapanguhaan: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐ ☐	Total Kada Adlaw  14
Mga Kontak: ☑ ☑ ☑ ☑ ☑ ☑ ☑ ☑ ☑ ☑ ☐	Total Kada Adlaw  10
Mga Interbyu: ☑ ☑ ☑ ☐	Total Kada Adlaw 3
Mubo nga mga sulat: Sulati ang job application gikan ni Maria sa merkado.