Alang sa mga Facilitator

My Job Search [Ang Akong Pagpangita og Trabaho]

Sa adlaw sa miting:

I-text o tawagi ang mga sakop sa grupo kon ikaw adunay makontak nga impormasyon nila. Pangutan-a sila kon sila motunga sa miting. Dapita sila nga mosayo og 10 minutos sa pag-abut aron makapirma sa attendance roll.
Andama ang mga materyal sa miting:
- Pagdala og kopya niining workbook ug booklet sa My Foundation: Principles, Skills, Habits para sa kada sakop sa grupo.
- Pagdala og lima ka sobrang kopya sa booklet nga My Path to Self-Reliance in kaso may mga sakop sa grupo nga wala makadawat og kopya.
- Pag-andam og paagi sa pagpakita sa mga video, kon mahimo.
- Walay mga libro o video? Imo kining makuha online sa srs.lds.org.

Pagbutang og mga lingkuranan libut sa lamesa aron magdug-ol ang tanan.
- Ang facilitator dili magbarug panahon sa miting ug dili molingkod sa may unahan sa lamesa. Ang facilitator dili mao ang sentro sa atensyon apan motabang sa mga sakop sa grupo nga mag-focus sa usag usa.

Abi-abiha ang mga sakop sa grupo inig-abut nila. Ilha ang ilang mga pangalan.
Pagpasa og usa ka piraso sa papel ug hangyoon ang mga sakop sa grupo sa pagsulat sa ilang kompletong pangalan, ward o branch, ug petsa sa pagkatawo (adlaw ug bulan, walay apil ang tuig). Human sa miting sa grupo, adto sa srs.lds.org/report ug sunda ang mga instruksyon sa pag-register sa tanang mga sakop sa grupo.
- Human sa unang miting, paghimo og lista sa pagkontak nga ipakigbahin sa grupo.
Pag-assign og timekeeper [tig-monitor sa oras] aron masunod ang eskedyul sa grupo. Hangyoa siya sa pag-set sa timer sumala sa instruksyon diha sa libro.
- Sama pananglit, imong makita sa instruksyon nga nag-ingon “Oras: I-set ang timer sa 60 minutos alang sa seksyon nga Magkat-on.” Ang timekeeper mo-set sa oras diha sa cellphone, relo, o bisan unsang anaa nga timer ug mosulti sa grupo kon human na ang oras. Dayon ang grupo modesisyon kon magsugod sa sunod nga seksyon o magpadayon sa ilang panaghisgot sa pipila pa ka minuto.

Moingon: “Welcome niining grupo sa self-reliance.”
Hangyoa ang mga tawo nga palungon ang ilang mga cellphone ug uban pang mga device.
Isulti ang mosunod:
- “Kini usa ka grupo sa self-reliance nga gitawag og ‘My Job Search.’ Kamo bang tanan anaa dinhi sa pagpangita o sa pagpalambo sa inyong trabaho?
- “Ang pagkadawat sa trabaho kabahin lang sa atong tumong sa self-reliance. Kon kita makatrabaho, kita magpadayon sa paglambo. Mopadayon ba mo nga motambong sa atong mga miting, bisan kon kamo aduna nay trabaho?
- “Kita magkita og 12 ka higayon. Ang kada miting molungtad og mga duha ka oras. Mogahin usab kita og mga usa hangtud duha ka oras kada adlaw aron pagtuman sa atong mga commitment nga makatabang nato nga makakita og trabaho. Inyo bang buhaton kini nga commitment sa panahon?”
Sugdi og pag-ampo (ug himno, kon gusto).
Isulti ang mosunod:
- “Kada higayon nga kita mag-miting, atong sugdan og usa ka hilisgutan gikan sa booklet nga My Foundation: Principles, Skills, Habits. Kini nga booklet makatabang kanato sa pagkat-on ug pagsunod sa mga baruganan, mga kahanas [skill], ug mga gawi [habit] nga mosangput ngadto sa espiritwal ug temporal nga self-reliance.”
I-set ang timer sa 20 minutos alang sa My Foundation.
Basaha ang pasiuna nga sulat sa Unang Kapangulohan diha sa pahina 2 sa My Foundation. Dayon kompletuha ang baruganan 1 niana nga booklet ug balik niining workbook.