Miaging mga Edisyon
Magkat-on

Magkat-on

lightbulb-blue

Unsaon nato pagtinabangay sa pagsulbad sa mga hagit sa trabaho?

Oras:I-set ang timer sa 40 minutos para lang niini nga pahina (dili sa tibuok seksyon nga Magkat-on).

Basaha:Pipila kanato adunay trabaho ug ang pipila mahimong nangita pa og trabaho, apan ang tanan moatubang sa mga hagit sa trabaho. Pipila ka mga example mao ang:

  • Wala pa ko kakita og trabaho.

  • Ang akong agalon morag wala malipay sa akong trabaho.

  • Aduna koy trabaho, pero dili paigo ang sweldo.

  • Dili ko kahibalo unsay buhaton sa korupsyon sa akong trabaho.

  • Nakaistorya ko og daghang mga tawo, pero walay mo-hire nako.

  • Lisud nga magmatinuoron sa akong employer.

  • Dili ko ganahan sa akong mga kauban sa trabaho.

  • Dili ko magdugay sa trabaho.

Kita mahimong mas self-reliant samtang kita magtinambagay ug magpraktis sa pagbuntog sa mga hagit.

Praktisa:Ang kada sakop sa grupo mosulat sa iyang pinakalisud nga hagit sa trabaho diha sa board. Isip grupo, pagpili og tulo sa mga hagit diha sa board. Ang inyong praktis karon mao ang paghisgut ug pagplano og mga solusyon.

Ang pagribyu sa nangaging mga praktis, panaghisgot, ug mga video niining workbook makatabang. Mahimong aduna usab moy kaila nga wala sa inyong grupo nga makatabang ninyo sa pagbuntog sa hagit. Kini nga tawo mahimong dapiton aron makatabang sa inyong sunod nga miting sa grupo.

Ako ba nahimong mas self-reliant?

Oras:I-set ang timer sa 20 minutos para lang niining pahina.

Basaha:Ang atong tumong mao ang self-reliance, sa temporal ug espiritwal. Ang paglampus sa atong trabaho kabahin lang nianang tumong.

Hisguti:Unsay mga kausaban ang imong nakita sa imong kinabuhi samtang nagpraktis ug nagtudlo ka sa mga baruganan sa My Foundation ?

Praktisa:Abliha ang imong booklet nga My Path to Self-Reliance sa blangko nga self-reliance assessment (anaa sa luyo). Kompletuha ang mga lakang.

Kon mahuman na ka, paggahin og tulo ka minuto sa pagpamalandong sa mosunod:

Mas nahibalo ka na sa imong mga gasto? Makatubag ka na ba og “kasagaran” o “kanunay” niining mga pangutanaha? Mas kampante ka ba sa kantidad nga imong gitakda isip imong self-reliant income? Hapit na ba nimo makab-ot ang imong self-reliant income? Unsa ang imong buhaton aron molambo?

My Path to Self-Reliance cover