Magkat-on

lightbulb-orange

Unsaon nako pagpakita sa employer nga ako gyud ang angay pilion?

Oras:I-set ang timer sa 60 minutos alang sa seksyon nga Magkat-on.

Tan-awa:“What Is He Looking For? Part I” (Walay video? Basaha ang pahina 66.)

Hisguti:Unsay gustong mahibaloan sa mga employer panahon sa interbyu o kon sila mohatag nimo og application? Unsa kaha kon ang imong mga tubag makatabang nimo sa pagpakita sa employer nga ikaw gyud ang angay pilion?

Basaha: PANGUTANA SA SEMANA— Unsaon nako pagpakita sa employer nga ako gyud ang angay pilion?

BUHATUNON SA SEMANA—Paghatag og talagsaong mga tubag sa mga pangutana sa interbyu ug application.

Atol niini nga miting, kamo makakat-on sa pagtubag sa mga pangutana sa interbyu ug pagkompleto sa application sa paagi nga mapakita sa employer nga ikaw gyud ang angay pilion!

Unsaon nako pagpangandam sa interbyu?

Basaha:Kita ba mahadlok og mga interbyu? Kita ba naghunahuna kon unsay ipangutana sa tig-interbyu o unsa gyuy ilang gusto nga masayran?

Sa tinuoray, kita mahimong masayud. Kadaghanan sa mga tig-interbyu mangutana og komon nga mga pangutana. Isip grupo, magpuli-puli kita sa pagbasa niining tsart.

KOMON NGA MGA PANGUTANA	UNSAY GUSTONG MAHIBALOAN SA TIG-INTERBYU	MGA TOOL SA PAGTUBAG
Unsay imong masulti ngari nako kabahin sa imong kaugalingon?	Makaistorya ba siya og tarung? Siya ba andam?	“Pagpresentar sa Akong Kaugalingon sa 30 segundo”
Unsay imong mga kalig-on?	Ang iyang kasinatian makatubag ba sa among mga panginahanglan?	Power statement
Nganong gusto nimo nga motrabaho ngari namo?	Aduna ba siyay klaro nga tumong?	Power statement
Unsay imong hunahuna sa imong kinaulahian nga agalon?	Siya ba motahud sa mga lider?	Power statement
Unsaon nimo pag-atubang ang pressure?	Iya ba nga angkunon ang mga problema?	Power statement
Unsay imong ekspektasyon sa pag-sweldo nimo?	Resonable ba ang iyang mga ekspektasyon?	Tubaga og usa ka pangutana

Tan-awa:“What Is He Looking For? Part II” I-pause ug apil sumala sa paggiya. (Walay video? Basaha ang mga pahina 67–68.)

Hisguti:Kanus-a ang imong “pagpresentar sa akong kaugalingon sa 30 segundo” epektibo nga tabang sa interbyu? Kanus-a ang imong mga power statement nahimong sakto nga mga tool? Nakita ba nimo kon giunsa paghimo sa negatibo nga mahimong positibo?

mga paris sa mga porma og tawo

Praktisa:

Paggahin og unom o pito ka minuto sa pagbuhat sa mosunod nga “paspas nga praktis.”

• Barug ug atubang sa laing sakop sa grupo.

• Usa kaninyo mao ang employer; ipangutana ang komon nga pangutana sa tsart sa ibabaw.

• Ang kaparis mao ang nangita og trabaho; tubaga ang pangutana gamit ang imong mga tool.

• Pagbali mo og role ug buhaton kini pag-usab. Paghatagay og makatabang nga feedback sa usag usa!

• Kon nahimo na kamo nga employer ug nangita og trabaho, balhin og laing paris. Balika kini hangtud mahurot ang oras.

Padayon sa pagpraktis human sa atong miting uban sa imong pamilya o mga higala. Tan-awa ang tsart sa pahina 69 kon adunay dugang mga pangutana.

Unsaon nako pagtubag ang mga pangutana nga lakipan og pangutana?

Basaha:Unsa kaha kon wala ta masayud unsay gusto sa tig-interbyu? O kita nagkinahanglan og dugang impormasyon? Usahay mahimong tubagon nato og usa ka pangutana.

Basaha:Tan-awon nato kining duha ka komon nga mga pangutana. Atong basahon ang kada pangutana ug dayon ang impormasyon sa tuo niini.

KOMON NGA MGA PANGUTANA	UNSAY GUSTONG MAHIBALOAN SA TIG-INTERBYU	MGA TOOL SA PAGTUBAG	TUBAGA OG USA KA PANGUTANA
Pilay imong gusto nga sweldo?	Igo ba gyud siya nga mapasaligon sa pag-negotiate?	Tubaga og usa ka pangutana	Sa kasarangan pila ang inyong ibayad para niining posisyon?
Aduna ka bay mga pangutana?	Nakasabut ba siya sa trabaho?	Tubaga og usa ka pangutana	Unsa ang pinakanindot nga butang sa pagtrabaho dinhi?

Hisguti:Kanus-a ang maayong higayon nga tubagon ang pangutana og usa ka pangutana? Kanus-a man kini dili maayo nga ideya? Unsaon nimo pag-andam og maayong mga pangutana sa usa ka interbyu?

Tip:

Pagkat-on kon kanus-a mangutana ug dili mangutana. Ayaw pasobrahi ang pagtubag og mga pangutana gamit ang laing mga pangutana.

Pagsensitibo sa pagbati sa tig-interbyu. Ayaw paghatag og impresyon nga agresibo ka kaayo.

Basaha:Sa wala pa ang interbyu, kinahanglan natong tun-an ang employer ug pag-andam sa pagpangutana og maayong mga pangutana. Makaandam usab kita sa pagdugang og pangutana sa “pagpresentar sa akong kaugalingon sa 30 segundo” o sa power statement. Sama pananglit: “Unsa pay ubang mga kahanas nga gusto nimong akong hisgutan?”

Ang maayong mga pangutana makamugna og nindot nga panag-istoryahanay!

interview diagram

Ikaw

Interesado kaayo ko sa inyong mga produkto. Giunsa ninyo kini pagbuhat?

Tig-interbyu

Nalipay ko nga nagpakabana ka! Una among pundukon ang mga raw material. Dayon, among …

OPSYONAL NGA KALIHOKAN: UNSAON NAKO PAG-NEGOTIATE OG TRABAHO NGA MAKATUBAG SA AKONG MGA PANGINAHANGLAN?
(AYAW KINI BUHATA PANAHON SA MITING.)
Kon gusto nimo, sa dili pa ang sunod nga miting mahimo nimong buhaton kini nga kalihokan. Usa sa importante nga bahin sa interbyu mao ang pag-negotiate. Kon gusto nimong magkat-on og dugang, paggahin og panahon sa pagribyu sa “Unsaon Nako Pag-Negotiate og Trabaho nga Makatubag sa Akong mga Panginahanglan?” sa mga pahina 70–72 sa seksyon sa Mga Kapanguhaan. Hisguti ug praktisa uban sa imong pamilya.

Unsa kaha ang angay nakong kinaiya ug panagway?

Praktisa:Mobarug ang tanan ug dungan nga isulti kining phrase og katulo ka beses:

Kita adunay usa lang ka tsansa sa paghimo sa unang impresyon!

Hisguti:Unsay kahulugan niini diha kanimo samtang ikaw naningkamot sa “pagpakita sa employer nga ikaw gyud ang angay pilion”?

Praktisa:Ibalhin ang imong lingkuranan aron maka-praktis og laing sakop sa grupo. Basaha sa usag usa kini nga tsart. Desisyuni kon unsay imong mapalambo aron mahimong pinakamaayo sa imong kaugalingon.

MGA TIP ALANG SA KALAMPUSAN
Kinaiya	Pag-ampo alang sa tabang ug kahupayan. Pagmabination ug pagmatinahuron. Pag-abut sa saktong oras. Pagpakita og interes sa kompaniya ug sa tig-interbyu. Pagpahiyom ug pagminaayo. Paglihok nga masaligon. Pagsulti og klaro.
Panagway	Pagmalimpyo: nawong, mga kamot, mga kuko sa kamot. Paggamit og igo ra nga make-up (mga babaye). Paggamit og igo ra nga estilo sa buhok. Pagpahumot. Pag-trim o pag-shave (mga lalaki). Pagbarug nga sama sa propesyonal.
Sinina	Pagsul-ob og limpyo nga sinina nga walay buslot (ang sinina dili kinahanglan nga mahal). Pagplantsa sa sinina. Pagsinina nga mas maayo pa kaysa sinina sa pagtrabaho: Kon magtrabaho ka nga naka-karsones ug T-shirt, pagsul-ob og slacks ug mas nindot nga shirt. Kon magtrabaho ka nga mas nindot ang shirt, pagsul-ob og polo ug tie (para sa mga lalaki) o blouse (para sa mga babaye).

Unsaon nako pagsulat sa mga job application?

Basaha:Gusto natong igahin ang kasagaran sa atong panahon uban sa personal nga mga kontak ug mga interbyu pinaagi sa atong network. Apan kita malagmit mosulat gihapon sa mga application, diha sa papel o online. Ang application sama sa usa ka interbyu diha sa papel.

Praktisa:Pakig-uban og duha ka laing sakop sa grupo. Sulati ang application sa mosunod nga duha ka pahina. Dayon basaha ang mosunod ug hisguti kon unsaon sa pagpanindot sa inyong mga application. Human sa atong miting, ribyuha ang mga pahina 73-75.

SEKSYON SA APPLICATION	UNSAY ILANG GUSTONG MASAYRAN	MGA TOOL UG MGA TIP
Personal nga Impormasyon	Aduna bay butang nga maka-diskwalipay niya (sama sa krimen o ubang problema)?	Tubaga ang tanang pangutana. Gamita ang impormasyon diha sa “pagpresentar sa akong kaugalingon sa 30 segundo”. Pagmatinuoron; likayi ang wala kinahanglana nga mga detalye.
Edukasyon	Aduna ba siya sa gikinahanglan nga pagbansay?	Kon mahimo, sugdi gikan sa pinakataas nga degree o sertipiko ug dayon subaya gikan sa pinakabag-o ngadto sa pinakakaraan. Idugang ang tanang training ug sertipiko. Idugang ang impormasyon sa power statement.
Employment History	Anaa ba kaniya ang kasinatian nga atong gikinahanglan?	Kon mahimo, sugdi gikan sa pinakabag-o ngadto sa pinakakaran. Likayi nga adunay kal-ang ang panahon sa pagpanarbaho o ipasabut kini. Gamita ang impormasyon sa power statement.
Mga Reference	Ako ba adunay igong impormasyon alang nako nga makakontak nila?	Pagpangandam og dili moubos usa ka reference (pananghid) kabahin sa imong kinaiya (pagkamatinuoron, ubp.) ug usa kabahin sa imong mga kahanas ug resulta sa pagpanarbaho.
Mga Award o Mga Recognition	Aduna ba siyay espesyal nga mga kahanas?	Kon mahimo, sugdi gikan sa pinakaimportante ngadto sa dili kaayo importante. Idugang ang impormasyon sa power statement.
Kinatibuk-an	Ang application maayo bang tan-awon ug limpyo?	Klaroha sa pagsulat. Himoa kining nindot tan-awon.

PORMA SA JOB APPLICATION
Pangalan:

Petsa:

Address:

Telepono:

Email:

Posisyon:

Gitinguha nga Sweldo:

Petsa nga mahimo nang motrabaho:

Ikaw ba nakatrabaho na niining kompaniya?

• Oo

• Wala

Petsa:

Kon oo, kanus-a?

Ikaw ba nakonbikto sa usa ka krimen?

• Oo

• Wala

Petsa:

Kon oo, ipasabut:

Edukasyon

Kolehiyo:

Address:

Gikan sa:

Ngadto sa:

Nakagradwar ka ba?

• Oo

• Wala

Diploma:

High School:

Address:

Gikan sa:

Ngadto sa:

Nakagradwar ka ba?

• Oo

• Wala

Degree:

Mga Reference

Tibuok Pangalan:

Relasyon:

Telepono:

Tibuok Pangalan:

Relasyon:

Telepono:

Tibuok Pangalan:

Relasyon:

Telepono:

Mga Trabaho Kaniadto

Job Title:

Sinugdanan nga Sweldo:

Katapusan nga Sweldo:

Mga Responsibilidad:

Gikan sa:

Ngadto sa:

Hinungdan sa Pagbiya:

Kompaniya:

Telepono:

Job Title:

Sinugdanan nga Sweldo:

Katapusan nga Sweldo:

Mga Responsibilidad:

Gikan sa:

Ngadto sa:

Hinungdan sa Pagbiya:

Kompaniya:

Telepono:

Ako mopamatuod nga ang akong mga tubag tinuod ug kompleto sumala sa tanan nakong nahibaloan.

Kon kini nga application makapadawat nako sa trabaho, nakasabut ko nga ang dili tinuod o dili husto nga impormasyon diha sa akong application o interbyu moresulta sa akong pagkatangtang sa trabaho.

Pirma:

Petsa: