Magkat-on

Unsaon nako pagpresentar ang akong kaugalingon aron makakombinser?

Oras:I-set ang timer sa 60 minutos alang sa seksyon nga Magkat-on.

Tan-awa:“The Interview” (Walay video? Basaha ang pahina 32.)

Hisguti:Sa imong hunahuna sila ba madawat sa trabaho?

Kamo makahibalo sa bati nga tubag ngadto sa mga pangutana sa interbyu kon imo kining madungog! Apan maglisud ba kamo usahay sa paghatag og maayong mga tubag panahon sa interbyu?

Basaha:PANGUTANA SA SEMANA—Unsaon nako pagpresentar ang akong kaugalingon aron makakombinser?

BUHATUNON SA SEMANA—Pag-andam ug paggamit og mga power statement [epektibo kaayo nga mga pamahayag] ngadto sa mga kontak.

Basaha:Sa atong milabayng miting, kita naghisgot kon sa unsang paagi ang “pagpresentar sa akong kaugalingon sa 30 segundo” makakuha sa interes isip introduksyon. Ang atong sunod nga lakang mao ang pagdugang og “mga power statement,” nga mapakita ang atong bili ngadto sa mga employer ug sa uban pa.

Ang mga power statement makalig-on sa mga resume ug interbyu. Kini makatabang nato nga makig-istorya sa atong network. Gani kini makatabang nato nga magpabilin sa trabaho ug magmalampuson.

Atong basahon ang upat ka mahinungdanon nga bahin sa power statement.

UPAT KA MAHINUNGDANON NGA BAHIN SA POWER STATEMENT

Pag-ila sa bili, kahanas, o kalig-on.

Paghatag og partikular nga example o nakab-ut [accomplishment].

Pagpakita sa mga resulta.

Pagtakdo sa atong bili ngadto sa mga kinahanglanon sa employer.

Unsaon man nako sa paghimo og power statement?

Basaha:Si Victoria nakigsabut og lima ka minuto nga panaghisgot uban sa potensyal nga employer. Sa dihang ang employer nangutana sa iyang kasinatian sa marketing, iyang gigamit ang usa sa iyang mga power statement.

Ang Power Statement ni Victoria

❶ Ako mamugnaon ug nakatutok sa resulta! Sama pananglit, ❷ sa ABC Power Company, naghimo ko og bag-ong marketing plan ug brochure nga ❸ direktang nakapadugang sa binulang mga halin og 5%. Mapasaligon ko nga ako ❹ makatabang sa pagdugang sa halin sa imong kompaniya sa samang paagi.

❶ Pag-ila og kahanas o kalig-on ❷ Partikular nga example ❸ Resulta ❹ Pagtakdo ngadto sa mga kinahanglanon

Hisguti:Sa unsang paagi kini nga pamahayag makatabang ni Victoria sa iyang pagpangita og trabaho?

Basaha:Ania ang dugang example sa mga power satement sa usa ka returned missionary, usa ka tag-iya og gamayng negosyo, ug usa ka inahan—silang tanan nangita og mga trabaho. Basaha kini. Bantayi sa unsang paagi kining upat ka bahin nagkahiusa.

1. KAHANAS	2. EXAMPLE (Kinahanglang partikular)	3. MGA RESULTA (Kinahanglang partikular)	4. PAGTAKDO SA MGA PANGINAHANGLAN
Ako makapahiusa ug makadasig og mga team.	Sama pananglit, isip full-time nga boluntaryo sa akong simbahan, gihangyo ko sa pagdumala sa usa ka team nga adunay walo ka mga boluntaryo kinsa wala magkahiusa ug wala makakab-ot sa mga tumong.	Busa mipasiugda ko og mga miting sa pagbansay ug mitabang nila sa paghatag og bili sa usag usa, paghimo og mga tumong, ug pagkab-ut niadtong mga tumong.	Makatabang ko sa imong team nga magkahiusa aron makab-ot ug molapas pa sa imong mga tumong.
Aduna koy kasinatian sa pagsulbad og mga problema.	Sama pananglit, sa among negosyo sa pamilya, dili kami sigurado sa among mga gasto. Midesisyon ko sa paghimo og mas maayong rekord ug pagsubay sa kada adlaw nga mga gasto.	Pinaagi sa pagtan-aw sa akong mga rekord ug pagsubay, among naprubar nga usa ka supplier modugang sa presyo sa kada invoice nga dili magsulti kanamo.	Akong i-apply kining kahanas sa pagsulbad sa problema sa bisan unsang hagit nga imong giatubang, ug siguradong makakita ko og maayong solusyon.
Ako makaorganisar.	Sama pananglit, isip inahan, ako mohan-ay sa mga schoolwork ug buluhaton sa tulo ka mga bata sa panimalay.	Pinaagi sa pagdumala niining mga eskedyul, gisigurado nako nga ang kada bata malampusong nakapasar sa pag-eskwela ug kahibalong motrabaho.	Akong magamit kining kahanas sa pagdumala aron mahan-ay ang eskedyul sa imong kompaniya aron makasunod ka sa tanan nimong mga appointment.

Praktisa:Gamita kining pahina sa paghimo og pipila ka personal nga mga power statement. Isulat kini sa mga blangko [space] sa ubos. Mahimo ka nga makig-uban og laing sakop sa grupo.

1. KAHANAS	2. EXAMPLE (Kinahanglang partikular)	3. MGA RESULTA (Kinahanglang partikular)	4. PAGTAKDO SA MGA PANGINAHANGLAN

Praktisa:Kon ikaw adunay dili moubos nga duha ka power statement, puli-puliha kini sa paggamit ngadto sa laing sakop sa grupo. Isulti gyud kini hangtud mobati ka nga masaligon. Sa dili pa ang sunod nga miting, pagkompleto og dili moubos sa lima ka power statement.

Basaha:Makasugod ka sa “pagpresentar sa akong kaugalingon sa 30 segundo” kon makig-istorya ka og tawo kabahin sa trabaho. Siya mahimong employer o tawo nga imong gihangyo nga tabangan ka. Dayon ang tawo siguro mangutana kanimo og pipila ka komon nga mga pangutana. Kinahanglan nimo ang mga power statement sa pagtubag niining mga pangutanaha. Imong isulti ang imong mga power statement sa daghang mga tawo sa dili pa ang sunod nato nga miting.

Praktisa:Isip grupo, basaha kining mga instruksyon. Human ninyo og basa sa mga instruksyon, sugdi ang kalihokan. Ayaw kini pasobrahi og 10 minutos.

1. Tanan mobarug ug mobalhin sa hawan nga lugar para mapaspasan ang pagpraktis. Ang matag usa kinahanglang mag-atubang og laing tawo.

2. Ang unang tawo mangutana og komon nga pangutana, sama sa:

   • Unsay imong masulti ngari nako kabahin sa imong kaugalingon?

   • Nganong amo ka nga i-hire?

   • Unsa ang imong pinakamaayong kalig-on?

   • Unsay akong isulti kabahin nimo ngadto sa akong mga kontak?

3. Ang ikaduha nga tawo motubag gamit ang power statement.

4. Dayon pagpuli mo. Ang ikaduha nga tawo mangutana og laing komon nga pangutana, ug ang unang tawo motubag gamit ang power statement.

5. Dayon, maghatag og feedback sa usag usa: Anaa ba ang upat ka bahin? Kini ba matinuoron ug mapasaligon.

6. Dayon ang tanan mag-ilis og paris ug buhaton kini pag-usab. Ug usab!

7. Ayaw paglangan hangtud ang tanan makasulay niini sulod sa upat ka higayon.

Hisguti:Gigamit ba nimo ang mga power statement sa pagtubag sa mga pangutana? Unsay mga kalainan niining mga pangutanaha? Unsa pay ubang mga pangutana nga mahimong ipangutana sa nag-interbyu?

OPSYONAL NGA KALIHOKAN: UNSAON NAKO SA PAGHIMO SA MGA NEGATIBO NGA MA-POSITIBO?
(AYAW KINI BUHATA PANAHON SA MITING.)
Kon gusto nimo, atol sa semana mahimo nimong buhaton kini nga kalihokan:
Mahimo nimong gamiton ang mga power statement sa paghimo sa negatibong mga pangutana ug sitwasyon nga positibong mga oportunidad. Tun-i ang pahina 33 sa mga Kapanguhaan.

Asa nako gamiton ang mga power statement?

Basaha:Uban sa atong mga power statement ug “pagpresentar sa akong kaugalingon sa 30 segundo,” kita adunay talagsaong mga tool. Apan unsaon nato sa pagpangita og mga tawo nga maminaw? Ang sekreto mao ang pag-istorya sa tanan. Dayon hangyoa sila sa pag-istorya ngadto sa ilang mga kontak. Kini ang gitawag og “network,” ug susama kini sa pag-hire sa inyong kaugalingong sales team!

Ikaw

Mga tawo nga imong kaila

Mga tawo nga ilang kaila

Praktisa:Ibalhin ang imong lingkuranan aron makig-istorya sa tawo nga imong katupad.

1. Hisguti ang mga tawo nga imong kontakon aron gamitan sa “pagpresentar sa akong kaugalingon sa 30 segundo” ug mga power statement sa dili pa ang sunod nato nga miting. Ilista ang pipila ka ngalan dinhi:

2. Hisguti kon unsaon nimo pagpalapad sa imong network aron modaghan ang mga kontak. Isulat ang imong mga ideya dinhi:

Praktisa:Sa dili pa ang inyong sunod nga miting, imong gamiton ang mga power statement ngadto sa mga kontak nga imong kaila. Ug imong hangyoon ang imong mga kontak nga istoryahan ang ilang mga kontak. Isulat ang “pagpresentar sa akong kaugalingon sa 30 segundo” ug ang imong mga power statement, ikaw adunay duha ka talagsaong tool sa pagpalambo sa imong network. Nagsugod na ang imong pagpangita og trabaho!

OPSYONAL NGA KALIHOKAN: PAGPADALI SA PAGPANGITA OG TRABAHO
(AYAW KINI BUHATA PANAHON SA MITING.)
Kon gusto nimo, mahimo nimo kining buhaton human sa atong miting:
Aron madali, tun-i ang “Pagpadali sa Pagpangita og Trabaho” sa pahina 15. Sulayi kini—15 ka mga kapanguhaan, 10 ka kontak, 2 ka miting—kada adlaw!