Ola Tutoatasi
O Le Amataina—Taimi Aofai: 15 Minute

O Le Amataina—Taimi Aofai: 15 Minute

Fai se tatalo amata.

Faailoa atu outou lava. Ia faaaoga e outou taitoatasi se minute se tasi e faasoa atu ai lou igoa ma se mea e uiga ia te oe.

Susu Mai i le Tatou Vaega o le Ola Tutuoatasi!

FaitauO le vaega lenei o le a e aoao ai e uiga i le, fatuina, ma le faaaogaina o se paketi. O le a amata ona e fausia se tupe faaleoleo mo mea e tutupu faafuasei, fatu se fuafuaga e aveese ai aitalafu, aoao e sefe mo tupe faaalu i le lumanai, ma fuafua mo le litaea. Ae o le mea aupito taua, o le a e aoao ai e uiga i lou sootaga ma le Tama Faalelagi ma valaaulia ai e pulea au tupe i auala e fiafia i ai o Ia. O fonotaga faalevaega taitasi e pe tusa ma le lua itula le umi.

E Faapefea Ona Faagaoioi Lenei [Vaega]?

FaitauO vaega o le ola tutoatasi e galulue e tai pei o se aufono. E leai se faiaoga po o se tagata atamai faapitoa. Nai lo o lena, e te mulimuli tonu i anomea e pei ona tusiaina. Faatasi ai ma le taitaiga a le Agaga, o le a outou fesoasoani ai i le tasi ma le isi faapenei:

  • Ia saofaga tutusa i talanoaga ma gaoioiga. E leai se tasi, ae maise lava o le tagata e faagasoloina, e tatau ona pule i le talanoaga.

  • Alofa ma lagolago i le tasi ma le isi. Faaali atu le fiailoa, fesilisili, ma aoao e uiga i le tasi ma le isi.

  • Faasoa atu ni manatu faaalia lelei ma talafeagai.

  • Fai ma tausia tautinoga.

Na aoao mai Elder M. Russell Ballard, “E leai se faafitauli i le aiga, uarota po o le siteki e le mafai ona foia pe afai tatou te vaavaai mo ni fofo i le ala a le Alii e ala i le faufautua—faufautua moni—ma le tasi ma le isi” (Counseling with Our Councils, rev. ed. [2012], 4).

Maimoa“My Self-Reliance Group,” o loo maua i le srs.lds.org/videos. (Leai se vitio? Oso i le “Without a Teacher, How Will We Know What to Do?” i le itulau e 3.)

TalanoaO le a le mea na matuai faamanuiaina ai le vaega o loo i le vitio? O a ni mea e mafai ona tatou faia o se vaega ia maua ai se aafiaga e suia ai le olaga?

A Aunoa ma se Faiaoga, O Le A Faapefea Ona Tatou Iloa le Mea e Fai?

FaitauE faigofie. Tau lava o le mulimuli i anomea. O vaega taitasi o le tusigaluega ua i ai ni vaega tai ono:

  • Lipoti: Talanoa i le alualu i luma na e faia i le aluga o le vaiaso i au tautinoga.

  • Faavae: Toe faamanatu se mataupu faavae o le talalelei o le a taitai atu ai i se ola tutoatasi faaleagaga sili atu.

  • Aoao: Aoao ni tomai moni o le a taitai atu ai i le ola tutoatasi faaletino sili atu.

  • Mafaufau Loloto: Faalogo i le Agaga Paia e tuuina mai musumusuga.

  • Tautino: Folafola atu e faatino tautinoga i le aluga o le vaiaso, o le a faapea ona fesoasoani ai i lou alualu i luma.

  • Galue: I le aluga o le vaiaso, faataitai mea na e aoaoina.

Auala e Faaaoga ai le Tusigaluega Lenei

A E Vaaia Faamanatu Nei, Mulimuli i Faatonuga Nei

Faitau

Maimoa

Talanoa

Mafaufau Loloto

Gaoioiga

E toatasi le tagata e faitau leotele mo le vaega atoa.

E maimoa le vaega atoa i le vitio.

E faasoa atu e tagata o le vaega o latou manatu mo le lua i le fa minute.

E mafaufau, manatunatu, ma tusitusi filemu tagata taitoatasi mo le lua i le tolu minute.

E galulue taitoatasi tagata o le vaega pe faatasi foi ma isi mo le taimi atofaina.

Tusi Faamaonia o le Faamaeaina

FaitauO tagata o vaega o e auai i fonotaga ma tausia a latou tautinoga o le a agavaa e maua se tusi faamaonia mo le ola tutoatasi mai le Kolisi Faapisinisi a le AAG. Tagai itulau 208.