O Lo’u Faavae: Ia Tasi ma Ia Usiusitai—Taimi Aofai: 20 Minute

Mafaufau LolotoE faapefea ona fesootai le salamo ma le usiusitai i le ola tutoatasi?

Maimoa“Obedience Brings Blessings,” o loo maua i le srs.lds.org/videos. (Leai se vitio? Faitau le itulau 37.)

Obedience Brings Blessings [O Le Usiusitai e Aumaia ai Faamanuiaga]

Afai e le mafai ona e matamata i le vitio, ia faitau le tusiga lenei.

Peresitene Thomas S. Monson: E maeu le manaia o le folafolaga! “O ia o le e tausia poloaiga [a le Atua], e maua e ia le upumoni ma le malamalama, seia oo ina faamamaluina o ia i le upumoni ma iloa e ia mea uma” [MF&F 93:28]. …

Ou uso e ma tuafafine, o le suega tele lava o lenei olaga o le usiusitai. “O le a tatou tofotofoina ai i latou,” na fetalai ai le Alii, “e vaai pe latou te faia mea uma o soo se mea e poloaiina ai i latou e le Alii lo latou Atua” [Aperaamo 3:25].

Na tautino mai le Faaola, “Aua o i latou uma o e e fia mauaina se faamanuiaga i lo’u lima ia mau i le tulafono na tofia mo lena faamanuiaga, ma ona tulaga, e pei ona sa faatutuina mai i luma atu o le faavaega o le lalolagi” [MF&F 132:5].

E leai se isi faataitaiga sili atu o le usiusitai o i ai nai lo lo tatou Faaola lava ia. Na saunoa Paulo e uiga ia te Ia:

“E ui lava o ia o le Alo, a o mea sa tiga ai o ia na aoaoina ai o ia ia usiusitai;

“Ua faaatoatoaina foi o ia, ona avea ai lea o ia ma tupuga o le ola e faavavau ia i latou uma o e usiusitai ia te ia” [Eperu 5:8–9].

Sa faailoa e le Faaola le alofa faamaoni o le Atua e ala i le soifua i se soifuaga atoatoa, e ala i le faamamaluina o Lana lava misiona. Sa lei faasausili o Ia. Sa lei faafefeteina o Ia i le faamaualuga. Sa lotonuu o Ia. Sa lotomaualalo o Ia. Sa faamaoni o Ia. Sa usiusitai o Ia i taimi uma. …

Ina ua fetaiai ma tiga i Ketesemane, lea sa Ia onosaia ai ia tiga ma o “lona afu foi ua pei o alualu toto ua pau ifo i le eleele” [Luka 22:44], o Ia o le faataitaiga atoatoa o le Alo usiusitai i Lona fetalai mai, “Lo’u Tama e, a e finagalo i ai, ia e ave ese lenei ipu ia te au: a e aua le faia lo’u loto, a o lou finagalo” [Luka 22:42].

E pei lava ona faatonuina e le Faaola Ana uluai Aposetolo, ua faapena foi ona Ia faatonuina oe ma au: “Mulimuli mai ia te au” [Ioane 21:22]. Pe ua tatou naunau ea e usiusitai?

O le malamalama lea tatou te sailia, o tali o loo tatou mananao ai, ma le malosi ua tatou manaomia i nei aso e faafetaiaia ai luitau o se lalolagi faigata ma fesuisuiai e mafai lava ona fai mā tatou pe a tatou naunau e usiusitai i poloaiga a le Alii. Ou te toe sii maia le fetalaiga a le Alii: “O le e tausia poloaiga, e maua e ia le upumoni ma le malamalama, seia oo ina faamamaluina o ia i le upumoni ma iloa e ia mea uma” [MF&F 93:28].

O lau tatalo faamaualalo ina ia faamanuiaina i tatou i taui silisili ua folafolaina i e usiusitai. I le suafa o Iesu Keriso, lo tatou Alii ma le Faaola, amene.

(“O Le Usiusitai e Aumaia ai Faamanuiaga,” Ensign po o le Liahona, Me 2013, 89, 92)

Toe foi i le itulau 36.

TalanoaO a ni faamanuiaga na e maua i le usiusitai i tulafono a le Atua? E faapefea ona fesoasoani le salamo ia tatou alualu ai i luma?

FaitauMataupu Faavae ma Feagaiga 130:20–21 ma le upusii mai le Perofeta o Iosefa Samita (i le taumatau)

“E i ai se tulafono … ua faavae ai i luga faamanuiaga uma—ma a tatou maua se faamanuiaga mai le Atua, e maua i le usiusitai i lena tulafono ua faavae ai i luga.”

Mataupu Faavae ma Feagaiga 130:20–21

“Ua ou faia lenei mea ma au tulafono: Pe a faatonuina ai e le Alii, ia faia loa.”

Aoaoga a Peresitene o le Ekalesia: Iosefa Samita (2007), 160.

Gaoioiga

O le usiusitai i tulafono faapitoa e taitai atu ai i faamanuiaga faapitoa.

Laasaga 1: Ia fai nao oe lava, ia tusi nisi o faamanuiaga e te manao i ai i le koluma agavale.

Laasaga 2: Faailoa mai po o le fea o tulafono po o mataupu faavae e tatau ona e usitai i ai e mafai ai ona maua faamanuiaga ua e manao i ai.

Faamanuiaga Ou Te Fia Maua		Tulafono po o Mataupu Faavae e Usitaia
Teugatupe o le tolu masina		Sefuluai ma taulaga (Malaki 3:10–12) Mulimuli i se paketi

TalanoaFaitau le Iosua 3:5 ma upusii mai ia Elder Jeffrey R. Holland ma Peresitene Spencer W. Kimball (i le itulau 37). Aisea tatou te manaomia ai ona salamo, faapaiaina i tatou lava, ma taumafai e faia mea lelei a o tatou saili ina ia ola tutoatasi atili?

“Faapaia outou lava: … o a taeao o le a faia ai e Ieova vavega i o outou luma.”

Iosua 3:5

“E faamanuia e le Alii i latou o e mananao e alualu i luma, o e talia le manaomia o poloaiga ma taumafai e tausi i latou. … O le a Ia fesoasoani ia te oe e salamo, faaleleia, toefausia soo se mea e ao ona e toe faaleleia, ma faaauau pea lau malaga. E le pine i le taimi sa’o, o le a e mauaina le manuia o loo e sailia.”

Jeffrey R. Holland, “, “O a Taeao e Faia ai e le Alii o Vavega i o Outou Luma,” Ensign po o le Liahona, Me 2016, 126

“Afai e sili atu ona tatou fiafia i mea taugata po mea e manaomia nai lo le tatou fiafia e usiusitai, o le a tatou misia faamanuiaga lea e Na te aumaia ia i tatou.”

Spencer W. Kimball,, i le Teachings of Spencer W. Kimball, ed. Edward L. Kimball (1982), 212

TautinoTautino atu e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi.

• Usitai i le tulafono sa e filifilia i le gaoioiga o loo i luga.

• Faasoa atu mea na e aoaoina i le aso e uiga i le usiusitai i lou aiga po o uo.