Lipoti—Taimi Aofai: 25 Minute

Tautinoga o le Vaiaso ua Te’a

1. Faataitai ma faasoa atu le mataupu faavae o le vaiaso ua te’a O Lo’u Faavae.

2. Faaauau ona tuu tupe i a’u mea tautupe e ave i ai le faamuamua.

3. Talanoa i le taimi o le fonotaga faaleaiga i le sefeina o tupe, i le va o le faatauina ma le mautotogi i se fale, ma le teu faafaigaluegaina o se tupe mo aoaoga.

4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausi au tautinoga i lenei vaiaso. Faaaoga le siata “Iloiloina o A’u Taumafaiga” i le amataga o le tusi galuega lenei. Faasoa atu lau iloiloga i lau soa galue ma talanoa faatasi ai i le fesili o loo i lalo. Ona ia tusia lea o mataitusi amata o lona igoa i le vaega ua faailoa atu.

TalanoaO a ni luitau sa i ai i lou tausia o au tautinoga i lenei vaiaso?

Laasaga 2: Lipoti atu i le Vaega (8 minute)

A uma le iloiloga o au taumafaiga, toe o mai faatasi e lipoti atu au taumafaiga. Faasolo faataamilo i le vaega ma ta’u mai e tagata taitoatasi pe na e togiina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua te’a.

Laasaga 3: Faasoa Atu Ou Aafiaga (10 minute)

Ia faasoa atu o se vaega ia mea na outou aoaoina mai le taumafaiga e tausia a outou tautinoga i le aluga o le vaiaso.

Talanoa

• O a ni ou aafiaga na i ai i le faataitaia po o le faasoaina atu o le mataupu faavae o Lo’u Faavae?

• O a mai lou galue agai atu i mea tautupe e ave i ai le faamuamua?

• Na a mai la outou talanoaga i le taimi o le fonotaga faaleaiga e uiga i le anaina o se fale ma le ono tulitulimatagauina o aoaoga faaopoopo?

Laasaga 4: Filifilia o Soa Galue (2 minute)

Filifili se soa galue mai le vaega mo le vaiaso a sau nei. E masani lava, o soa galue e tutusa itupa ma e le o ni tagata o se aiga.

Faaalu ni minute se lua i le taimi nei e feiloai ai ma lau soa galue. Ia faailoa atu le tasi i le isi ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma po o afea o le a oulua faafesootaia ai le tasi ma le isi i le vaiaso lenei.

Aso Sa	Aso Gafua	Aso Lua	Aso Lulu	Aso Tofi	Aso Faraile	Aso Toonai