O Lo’u Faavae: Faaaoga Tatau Le Taimi—Taimi Aofai: 20 Minute

Mafaufau LolotoAisea ua avea ai le taimi ma se tasi o meaalofa silisili a le Atua?

Maimoa“The Gift of Time,” o loo maua i le srs.lds.org/videos. (Leai se vitio? Faitau le itulau 91.)

O Le Meaalofa o le Taimi

Afai e le mafai ona e matamata i le vitio, atofa atu matafaioi ma faitau le tusiga lenei.

Kofi: Talofa, Sister Benkosi. O a mai oe?

Sister Benkosi: O lelei mea uma, Kofi?

Kofi: Oi, Sister Benkosi. Ua ou pisi lava. E tatau ona ou faigaluega, auauna atu ma fesoasoani i lo’u aiga … sosoo ai foi ma lau lakapi. E leai so’u taimi!

Sister B.: Kofi, o loo ia te oe le taimi atoa o loo i ai.

Kofi: Ea?

Sister B.: Si au tama, ua tuuina mai e le Atua ia i tatou se meaalofa sili—o lo tatou taimi. E tatau ona faaaogaina e fai ai mea e sili ona taua.

Kofi: Ae faafefea, Sister Benkosi? E tele lava ni mea sa e faia. Ua faamanuiaina oe i lou aiga, ma lau pisinisi. Ua e auauna atu ma faamanuia le toatele o tagata, e pei o au. Ou te le iloa pe faapefea ona e faia.

Sister B.: E te manao moni lava e iloa? Afai e te nofo filemu ma faalogo, o le a ou ta’u atu ia te oe la’u mealilo.

O taeao taitasi ou te ala ai e lei oso ae le la. E fai au lavalava ma fufulu ou mata ma lima.

Ou te faitau i tusitusiga paia. Ona ou faia lea o se lisi o mea e tatau ona faia i lena aso.

Ou te mafaufau i se tasi ou te auauna i ai. Ou te tatalo ia iloa le finagalo o le Atua. Ma ou te faalogo.

O nisi taimi e oo mai igoa ma foliga o tagata i lo’u mafaufau. Ou te faaopoopoina i latou i la’u lisi.

Kofi: O le mea la lena e te iloa ai i taimi uma le tagata e manaomia lau auaunaga?

Sister B.: Ioe, Kofi. Ma ou te tatalo mo le malosi ma le poto. Ou te tatalo o le a “faapaiaina e le Atua [la’u] galuega.” E tau mai lena mea i le 2 Nifae 32.

Ou te faafetai ia te Ia. Ou te folafola atu e faia le mea silisili. Ou te ole atu e Na te faia mea e le mafai ona ou faia.

Ona ou tilotilo lea i la’u lisi. Ou te tuua le 1 i talane o le mea e aupito taua, sosoo ai ma le 2.

Kofi: E faapefea ona e iloa mea e faamuamua?

Sister B.: Ou te faalogo pe a ou tatalo! Ona ou alu lea ou te galue. Ou te tilotilo i le numera 1 ma taumafai e fai muamua, ona fai lea o le numera 2.

O nisi taimi e suia ai ni mea. E ta’u mai e le Agaga Paia ia te au e fai se isi mea. E lelei lena.

Ou te galue malosi, ae ou te maua le filemu. Ou te iloa o le a fesoasoani le Atua ia te au.

O lea la, faatasi ai ma la’u lisi ma le Agaga, ou te faia ai mea e taua, Kofi.

Kofi: E foliga mai e faigofie ma faigata lena mea i le taimi e tasi.

Sister B.: E sao oe! Pe a iu ina ou sauni e moe, ou te tatalo. Ou te lipoti atu i le Tama Faalelagi. Ou te ta’u atu ia te Ia lo’u aso. Ou te faia ni fesili. Ou te fesili atu po o a mea e mafai ona sili atu ona ou faia. Ou te faalogo. E masani ona ou lagonaina Lona alofa. Ou te iloa e Na te faalautele mea ou te taumafai e fai. Ona ou maua lea o le filemu, Kofi, ma ou moe ai.

Kofi: Manaia lena mea, Mama Benkosi. Ou te manao i lenei filemu. Ou te manao e faaaoga lo’u taimi. Ou te manao ia sili atu ona ou galue ma auauna atu.

Toe foi i le itulau 90.

TalanoaO le a se mea na e aoaoina mai ia Sister Benkosi?

FaitauAlema 34:32 ma le upusii mai ia Peresitene Polika Iaga (i le taumatau)

“Aua faauta, o le olaga lenei o le taimi lea mo tagata e saunia ai e feiloai ma le Atua; ioe, faauta o le aso o le olaga lenei o le aso lea mo tagata e fai ai a latou galuega.”

Alema 34:32

“O le taimi o le mea autu lava lea o loo i le fogaeleele. … Afai e faaaoga ma le faautauta, o le a aumai ai mea e faaopoopo i lo outou ola filemu, talafeagai, ma le faamalieina. E ao ona tatou mafaufau i lenei mea, ae aua le toe nofonofo ma piilima ma faamaimau taiimi.”

Polika Iaga,, i le Discourses of Brigham Young, sel. John A. Widtsoe (1954), 214

Gaoioiga

Laasaga 1: Faitau faatasi ma se paga, ia laasaga e lima e mafai ona e faia i aso taitasi e faaaoga lelei ai lou taimi.

➊ Lisi ia Galuega	➋ Tatalo	➌ Seti Mea e Faamuamua	➍ Seti ia Sini, Galue	➎ Lipoti
I taeao taitasi, fai se lisi o galuega e fai. Faaopoopo igoa o tagata e auauna i ai.	Tatalo mo le taitaiga. Iloilo lau lisi o galuega. Faalogo. Tautino atu e te faia le mea silisili.	I lau lisi o galuega, tuu se 1 i talane o le mea e sili ona taua, se 2 i talane o le mea e sosoo ai le sili ona taua, ma faapena ai lava.	Faalogo i le Agaga. Seti ia sini. Galue malosi. Amata i le galuega e sili ona taua ma faasolosolo i lalo o le lisi.	I po taitasi, ia lipoti atu i le Tama Faalelagi i le tatalo. Fai ni fesili. Faalogo. Salamo. Lagona Lona alofa.

Laasaga 2: I se fasipepa e ese mai, lisi ai au galuega. O nei galuega e tatau o ni galuega taua mo lau auaunaga i le galuega, mo le aoga, mo le lotu, pe mo le aiga—e le na o feau i aso taitasi. Tatalo e uiga ma mea e faamuamua i lau lisi.

Laasaga 3: O taeao e tatau ona seti ai au sini, galue, ma lipoti atu i le ala na faaaoga ai lou taimi.

TautinoTautino atu e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi.

• Ia fai laasaga nei i aso uma e faaaoga lelei ai lou taimi. Lipoti atu i po taitasi i le Tama Faalelagi i au tatalo.

• Faasoa mea na e aoaoina i le aso e uiga i le faaaogaina lelei o lou taimi ma lou aiga po o uo.