Punaoa

Ituaiga o Tupe e Teu Faafaigaluega	Faauigaga	Tumau po o le Fesuiai
Tusitupe o Teugatupe	O se tusitupe o tupe teu, e masani lava i se faletupe po o isi faalapotopotoga o mea tautupe, e tele lava ina maualalo le tupe faasili. E mafai e tagata e ana tusitupe ona tala ma teu a latou tupe e aunoa ma ni sala.	Tumau
Tusi Faamaonia o Tupe Teu (TT)	O se tusitupe e te teuina i ai se aofaiga faapitoa o se tupe mo se taimi o se periota faatulagaina; afai e te talaina le tupe ao lei uma le taimi, e te ono faatulai mai ai se sala (lusi se vaega o le tupe na teu faafaigaluegaina) A o teu faafaigaluegaina le tupe, e faatupu mai ai se pasene tumau feololo o le tupe faasili. A tea le taimi atofaina, e te toe maua mai lau uluai tupe na teu faafaigaluega, faaopoopo i ai ma le tului na maua.	Tumau
Noataga	O le teu faafaigaluega o tupe mai le faatau atu o le noataga, lea e te nonoina atu ai lau tupe i se faalapotopotoga po o se faapotopotoga mo se taimi faatulagaina ina ia mafai ona maua ai se tupe faasili na faamoemoeina. A tea le taimi atofaina, e te toe maua mai lau uluai tupe na teu faafaigaluega, faaopoopo i ai ma le tului na maua. O noataga e mafai ona tuuina mai e malo ma faapotopotoga. E faalagolago i le faalapotopotoga na tuuina mai [le noataga], o noataga e mafai ona maualalo pe maualuga se lamatiaga.	Tumau
Oloa	O lenei mea ua faatusa i se vaega ua anaina i se kamupani, na faatau atu o ni sea. O sea taitasi ua faatusa i se fasi vaega ua anaina, o lea la, afai na tuuina atu e se kamupani ni sea e 100,000 ma o oe e anaina se sea e tasi, e te anaina le 1/100,000 o lena kamupani. O le tupe faasili e faalagolago i le faatinoga a le kamupani.	Fetuunai
Tupe e Faaputu Faatasi	O nei [tupe] e masani lava ona maua mai i se vaega o oloa ma noataga eseese. O le tupe e puleaina e se tagata tomai faapitoa. O tupe e faaputu faatasi e tuuina mai ai se auala faigofie i le faataapeina o tupe teu faafaigaluega. Afai e lelei le tupe faaputu faatasi, e faateleina foi le aofai o lau tupe teu faafaigaluega. Afai e le lelei le tupe faaputu faatasi, e faaitiitia foi le aofai o lau tupe teu faafaigaluega.	Fetuunai
Mea Tau Fanua ma Fale	O le teu faafaigaluegaina o le anaina [o se vaega o se kamupani] i fale moi e pei o fale, falemautotogi laiti, po o fale mo pisinisi. O polofiti e maua mai o ni tupe maua, o se siitaga i le tau o se fale, po o mea uma ia e lua. E tele mafuaaga e tupu ai se gau, e aofia ai se faaitiitia o le tau o le fale, pe o le le totogia e tagata mautotogi o fale mautotogi po o le faaleagaina o le fale.	Fetuunai
Anaina o le Pisinisi	O le tupe teu faafaigaluega lenei ua faatusa i le i ai o se vaega e anaina i se pisinisi tumaoti. O tupe faasili e faalagolago i le faatinoga a le pisinisi.	Fetuunai