Lipoti—Taimi Aofai: 25 Minute

Tautinoga i le Vaiaso ua Te’a

1. Faataitai ma faasoa atu le mataupu faavae O Lo’u Faavae o le vaiaso lenei.

2. Fatu se fuafuaga e amata ai ona aveese aitalafu.

3. Talanoa la’u fuafuaga e aveese ai le aitalafu i le taimi o le fonotaga faaleaiga.

4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausia au tautinoga o le vaiaso lenei. Faaaoga le siata “Iloiloga o A’u Taumafaiga” i le amataga o le tusi galuega lenei. Faasoa lau iloiloga i lau soa galue ma talanoa i le fesili o loo i lalo. Ona tusi lea o amataga o lona igoa i le mea ua faailoa atu.

TalanoaO a ni luitau sa e oo i ai i le tausia o au tautinoga i lenei vaiaso?

Laasaga 2: Lipoti i le Vaega (8 minute)

A uma ona iloilo au taumafaiga, toe o mai faatasi ma lipoti mai au taunuuga. Faasolo i le vaega ma ia taitasi ona ta’u mai pe na e faavasegaina oe lava i le “lanumumu” “samasama,” po o le “lanumeamata” mo tautinoga taitasi o le vaiaso ua te’a.

Laasaga 3: Faasoa Ou Aafiaga (10 minute)

Ia faasoa atu o se vaega ni mea ua e aoaoina mai le taumafai ai e tausia au tautinoga i le aluga o le vaiaso.

Talanoa

• O a ni ou aafiaga na i ai i le faataitaiga po o le faasoaina atu o mataupu faavae o Lo’u Faavae?

• O le a se mea na e aoaoina mai le fatuina o se fuafuaga e aveese ai le aitalafu?

• O le a se mea ua ese nei ona e faia e aveese ai aitalafu i lou aiga?

Laasaga 4: Filifili Soa Galue (2 minute)

Filifili se soa galue mai le vaega o le vaiaso a sau nei. E masani lava, o soa galue e tutusa itupa ma e le o ni tagata o se aiga.

Faaalu ni minute se lua i le taimi nei e feiloai ai ma lau soa galue. Faailoa atu oulua lava ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma po o afea o le a lua faafesootaia ai le tasi ma le isi i le vaiaso lenei.

Aso Sa	Aso Gafua	Aso Lua	Aso Lulu	Aso Tofi	Aso Faraile	Aso Toonai