Fafine Sarefata ua Oti Lana TaneFAFINE SAREFATA UA OTI LANA TANE
O le fafine Sarefata ua oti lana tane, sa o se tasi sa sili ona mativa, ae o le mea moni, sa o se tagata sa sili ona ola tutoatasi i le ogatotonu o lona fanua sa matelaina i le lamala. E te manatua foi, na toeitiiti uma ana meaai ma sa ia tae mai ni fafie e tafu ai se afi e kuka ai lana meaai mulimuli. E foliga mai o lena mea o le faafeagai o le ola tutoatasi. Peitai sa matuai loloto ona aa faaleagaga o le ola tutoatasi, o lea ina ua talosaga atu se perofeta a le Atua mo ana luutaga mulimuli o meaai, “ona alu lea o ia ua faia e tusa ma le upu a Elia” (1 Tupu 17:15). Fai mai tusitusiga paia, ina ua uma ona ia faaaogaina lana luutaga falaoa mulimuli e fafaga ai le perofeta, “sa le uma le falaoa i le kate, sa le faaititia foi le suauu i le fagu” (fuaiupu 16), ma “ua latou aai ai, o ia, ma Elia ma lona aiga, ua tele aso” (fuaiupu 15). Sa toeitiiti uma ana meaai, ae sa lei umi—sa le faapea ona sa lava ana tupe, ae ona sa lava lona faatuatua sa i ai. A tatou faia le mea sili e ola i le talalelei ma faia mea uma tatou te mafaia e tausi ai i tatou lava, o le a tauia e le Alii lo tatou faatuatua ma le galue malosi.
Toe foi i le itulau 43.