Lipoti—Taimi Aofai: 25 Minute

Tautinoga o le Vaiaso ua Te’a

1. Faataitai ma faasoa atu le mataupu faavae o le vaiaso ua te’a o Lo’u Faavae.

2. Filifili se polokalama o le paketiina

3. Talanoa i le tumau pea i se paketi i le taimi o le fonotaga faaleaiga.

4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausia au tautinoga i lenei vaiaso. Faaaoga le siata “Iloiloga o A’u Taumafaiga” i le amataga o le tusi galuega lenei. Faasoa atu lau iloiloga i lau soa ma talanoa i le fesili o loo i lalo. Ona tusi lea o le amataga o lona igoa i le mea ua faailoa atu.

TalanoaO a ni ou luitau na i ai i le tausia o au tautinoga i lenei vaiaso?

ata laitiiti o le iloiloina o au taumafaiga

Laasaga 2: Lipoti i le Vaega (8 minute)

A uma ona iloilo au taumafaiga, toe o mai faatasi ma lipoti mai au taunuuga. Faasolo i le vaega ma ia taitasi ona tau mai pe sa e faatulagaina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua tea.

Laasaga 3: Faasoa Atu Ou Aafiaga (10 minute)

Ia faasoa atu loa o se vaega ia mea ua e aoaoina mai le taumafai ai e tausia au tautinoga i le aluga o le vaiaso.

Talanoa

• O a ni ou aafiaga na i ai i le faataitaiga po o le faasoaina atu o le mataupu faavae o Lo’u Faavae?

• O le a le polokalama o le paketiina sa e filifilia, ma aisea? O a vaaiga o le polokalama e sili ona taua ia te oe?

Laasaga 4: Filifilia o Soa Galue (2 minute)

Filifili se soa galue mai le vaega mo le vaiaso lenei o le a sau. E masani lava, o soa galue e tutusa itupa ma e le o ni tagata o se aiga.

Faaalu ni minute se lua i le taimi lenei e feiloai ai i lau soa galue. Faailoa atu oulua lava ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma po o afea foi o le a lua faafesootaia ai le tasi ma le isi i lenei vaiaso.

Aso Sa	Aso Gafua	Aso Lua	Aso Lulu	Aso Tofi	Aso Faraile	Aso Toonai