Lipoti—Taimi Aofai: 25 Minute

Tautioga o le Vaiaso ua Te’a

1. Faataitai ma faasoa atu le mataupu faavae o Lo’u Faavae o le vaiaso ua te’a.

2. Fatu se faamaumauga o aitalafu.

3. Talanoa i le faamaumauga o aitalafu ma auala e faatoilalo ai mea e lilifa i ai le “tagata o le lalolagi” i la’u fonotaga faaleaiga.

4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausia au tautinoga i le vaiaso lenei. Faaaoga le siata o le “Iloiloga o A’u Taumafaiga” i le amataga o le tusi galuega lenei. Faasoa atu lau iloiloga i lau soa ma talanoa i le fesili o loo i lalo. Ona tusi lea o mataitusi amata o lona igoa i le vaega ua faailoa atu.

TalanoaO a ni luitau sa e maua i le tausia o au tautinoga i lenei vaiaso?

ata laitiiti o le iloiloina o a’u taumafaiga

Laasaga 2: Lipoti Atu i le Vaega (8 minute)

A uma ona iloilo au taumafaiga, toe o mai faatasi ma lipoti atu au taunuuga. Faasolo i le vaega ma ia taitasi ona tau atu pe na e faavasegaina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua te’a.

Laasaga 3: Faasoa Ou Aafiaga (10 minute)

Ia faasoa atu nei o se vaega ni mea ua e aoaoina mai le taumafai ai e tausia au tautinoga i le aluga o le vaiaso.

Talanoa

• O a ni ou aafiaga na i ai i le faataitaiga po o le faasoaina atu o le mataupu faavae o Lo’u Faavae?

• O le a se mea na e aoaoina mai i le fatuina o se faamaumauga o aitalafu?

• E faapei se lagona o le i ai o se faamaumauga atoatoa o au aitalafu?

Laasaga 4: Filifilia o Soa Galue (2 minute)

Filifili se soa galue mai le vaega mo le vaiaso lenei o le a sau. E masani lava, o soa galue e tutusa itupa ma e le o ni tagata o se aiga.

Faaalu ni minute se lua i le taimi lenei e feiloai atu ai i lau soa galue. Faailoa atu oulua lava ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma po o afea o le a lua faafesootaia ai le tasi ma le isi i le vaiaso lenei.

Aso Sa	Aso Gafua	Aso Lua	Aso Lulu	Aso Tofi	Aso Faraile	Aso Toonai