Aoao—Taimi Aofai: 45 Minute

Talanoaga i le Aso:

Paketi

FaitauFaamalo atu i le faia o se paketi! O se paketi e mafai ona avea o se meafaigaluega malosi mo le puleaina o lou tulaga tautupe ma faaitiitia ai le mamafatu i lou olaga. I tusitusiga paia, ua tatou aoao ai “o le upumoni o le iloa lea o mea e pei ona i ai, ma e pei ona sa i ai, ma e pei ona o le a oo mai” (MF&F 93:24).

TalanoaE mafai faapefea ona faatatau le fuaiupu lenei mai le Mataupu Faavae ma Feagaiga i au mea tautupe ma le faaaogaina o se paketi?

FaitauE taua le iloa o le mea o loo i ai moni mea tautupe o lou aiga mo le faamanuiaina i le tulaga faatausimea i mea tautupe. Na aoao mai Elder Joseph B. Wirthlin, “O i latou e ola saogalemu i mea ua latou maua, latou te iloa a latou tupe maua i masina taitasi, ma e ui ina faigata, ae latou te pulea lava i latou ina ia itiiti tupe faaalu nai lo lena aofaiga” (“Aitalafu Faalelalolagi, Aitalafu Faalelagi,” Ensign po o le Liahona, Me 2004, 42).

E mafai ona faigata le tumau pea i se paketi. E manaomia ai tautinoga, lotopulea, ma le finafinau—e ono tele ni taumafaiga ona faatoa sao lea! A o e taumafai e sui au amioga i faatauga, ia manatua e filifili ma le Alii ma lou toalua po o se soa taunapa. Faatasi ai ma taumafaiga lagolagosua ma le lagolago alofa, e mafai ai ona avea atili oe e pei o tamaiti o e na faatalitali i le suesuega i masimelo (lea na talanoa i le mataupu na muamua atu).

TalanoaO a ni auala e mafai ona fesoasoani mai ai le Alii ia tatou atinaeina uiga faaKeriso, e aofia ai le pulea o le tagata o ia lava ma le maelega?

FaitauO le aso, o le a tatou talanoa ai i mataupu faavae e fa mo le tumau pea i se paketi:

1. Faatutu ni sini talafeagai ma faaosofia o mea tautupe.

2. Sue ma faaaoga se polokalama o le paketiina.

3. Ia e tali atu oe lava.

4. Saili le fesoasoani a le Alii, ma ia taumafai pea!

Faatutu ni sini talafeagai ma faaosofia o mea tautupe.

FaitauO se setiina o sini o se meafaigaluega mamana e fesoasoani ia i tatou e atinae ma faatumau ai se vaaiga mamao mo se taimi umi.

Na aoao mai Elder M. Russell Ballard, “Sei ou ta’u atu ia te outou se mea e uiga i le setiina o sini. Ua matua ou talitonu a’ia’i e faapea afai tatou te le faatuina ni sini i o tatou olaga ma aoao le auala e puleaina ai le metotia o le ola e ausia a tatou sini, e mafai ona tatou ausia se tulaga matua o le soifuaga ma toe tepa i tua i o tatou olaga ma iloa ai ua na o sina vaega itiiti na tatou ausia o lo tatou gafatia atoa. A e aoao e pulea le mataupu faavae o le faatuina o se sini, o le a mafai ona e faia se eseesega tele i taunuuga e te mauaina i lenei olaga” (“Do Things That Make a Difference,” Ensign, Iuni 1983, 69–70).

Talanoa

• O a ni auala na fesoasoani ai ni sini e te alualu ai i luma i le taimi ua tuanai?

• E faapefea ona avea le setiina o sini o se faatinoga o le faatuatua?

FaitauE taua le setiina o sini o mea tautupe e talafegai ma faaosofia. I nai isi mataupu o loo sosoo mai, o le a tatou aoao ai e uiga i le tele o sini ma mea tautupe e ave i ai le faamuamua, e aofia ai le faaputuina o se tupe faaleoleo o se masina mo mea e tutupu faafuasei, faaputuina o se tupe faaleoleo mo se taimi umi atu, teu faafaigaluegaina [o tupe] mo le litaea, ma le sefe mo isi tupe faaalu i mea aoga. O le gaoioiga lenei o le a fesoasoani e te iloa ai po o le fea o nei mea e tatau ona ave i ai lau faamuamua i le taimi nei i mea tautupe.

Gaoioiga: (5 minute)

Tali e oe lava le fesili o loo i lalo. O le fesili muamua lava e te tali ai “leai” ua faatusa i le mea e tatau ona ave i ai lau faamuamua i le taimi nei i mea tautupe.

O Le A La’u Faamuamua i le Taimi Nei i Mea Tautupe?	Ioe	Leai
Pe ou te totogi sefuluai? (Tagai i le mataupu e 2.)	□	□
O i ai sa’u tupe faaleoleo mo se masina e tasi mo mea e tutupu faafuasei? (Tagai i le mataupu e 6.)	□	□
O i ai sa’u inisiua o le soifua maloloina po o nisi tausiga faafomai e mafai ona ou mauaina?	□	□
Pe o o’u saoloto mai aitalafu o mea e faaaoga, e pei o kafa faifaatau faaaitalafu ma nonogatupe mo taavale? (Tagai i le mataupu e 7.)	□	□
Pe o i ai sa’u tupe faaleoleo mo le ono masina mo mea e tutupu faafuasei? (Tagai i le mataupu e 9.)	□	□
Pe o ou saofaga i se teugatupe mo le litaea? (Tagai i le mataupu e 11.)	□	□
Pe o o’u galue e aveese le mokesi ma nonogatupe mo aoaoga? (Tagai i le mataupu e 10.)	□	□
Tusi le mea o loo ave i ai lau faamuamua i le taimi nei:

FaitauE mafai ona e filifili e galue agai i isi sini mo taimi umi e faaopoopo atu i le mea tautupe o loo ave i ai lau faamuamua i le taimi nei, lea e ono aofia ai le sefe mo aoaoga, se misiona, se taavale, se fale, po o se tafaoga a le aiga ma isi tupe faaalu mo mea faafiafia. O le a tele ni faaosoosoga e filifili le vaaiga mamao mo taimi pupuu nai lo o vaiaiga mamao mo taimi umi. O sini e mafai ona e maua ai se mafuaaga e fai atu ai leai i le taimi nei, e ala i le tuuina atu ia te oe o se mea e tepa taulai atu i ai i le lumanai.

TalanoaO le a se mea e faaosofia patino ai oe ia e manao e tumau pea i lau paketi?

2. Sue ma Faaaoga se Polokalama o le Paketiina.

FaitauE tele meafaigaluega ma polokalama o loo maua e fesoasoani ia te oe i le puleaina o lau paketi ma mataitu ai au tupe faaalu. O polokalama lelei mo le paketiina e mai lava i polokalama faigofie e tusi i le peni ma le pepa e oo atu i polokalama i [masini] feaveai ma komepiuta.

E lua ni auala autu e totogi ai mo oloa ma auaunaga: tinoitupe po o peimeni faaeletonika. O nei auala faalauaitele taitasi e i ai itu e lelei ma itu e le lelei ai, ma o le a aafia ai le ala e te pulea ai lau paketi ma mataitu ai au tupe faaalu. I nai vaega o loo sosoo mai, o le a tatou talanoaina ai ia auala taatele e lua o polokalama o le faapaketiina. O se tasi o au tautinoga i le vaiaso lenei, o le sailia lea o le polokalama sa’o mo oe.

Maimoa“The Envelope System,” o loo maua i le srs.lds.org/videos. (Leai se vitio? Faitau le itulau 83.)

aikona o le vitio

Maimoa“Digital Systems,” o loo maua i le srs.lds.org/videos. (Leai se vitio? Faitau le itulau 84.)

aikona o le vitio

Gaoioiga (10 minute)

Laasaga 1: Vaevae i vaega toalaiti e taitoalua i le taitoafa tagata.

Laasaga 2: I vaega toalaiti, faitau mai le siata o loo i lalo ia itu e lelei ma e le lelei e fesootai ma polokalama taitasi o le paketiina.

Laasaga 3: Talanoa i isi itu lelei ma le lelei e te mafaufau i ai, ona tusi lea i le siata lenei.

Laasaga 4: Toe o mai faatasi o se vaega atoa. Valaaulia se sui mai vaega toalaiti taitasi e faasoa mai isi itu lelei ma le lelei i le vaega atoa.

Faatusatusaina o Poloakalama o le Puleaina o le Paketi
Polokalama	Itu Lelei	Itu Le Lelei
Teutusi o Tinoitupe	Tuaoi manino: e te iloa le taimi ua uma ai lau tupe na paketiina	O se faagasologa e tusi lima: e manaomia ona faavasega au tupe i taimi uma e maua ai le totogi; e manaomia ona tusilima faamaumauga e teuina.
Polokalama faafuainumera	O faamatalaga moni i le taimi lava lea e uiga i lau paketi	E mafai ona faigofie i nisi o tagata ona le ano i ai pe galo ona faamaumau pe iloilo ia tupe faaalu.

FaitauI soo se metotia lava, ia mautinoa e:

• Aua e te le faamaoni i le suia o le aofaiga na faatulagaina pe nono mai i isi vaega. Fefautuaai ma lou toalua po o le soa taunapa pe afai e manaomia ni fetuunaiga.

• Ia mataitu ma le totoa ia tupe faaalu uma, ma fetuunai vaega o lau paketi i le masina e sosoo ai pe a tatau ai.

4. Ia E Tali Atu Oe Lava

FaitauNa pau le ala e mafai ona e faamanuiaina ai i le tumau pea i se paketi, e ala lea i le tali atu i ai o oe lava. O tou fonotaga faaleaiga faalevaiaso e mafai ona avea o se auala e toe iloilo ai au sini ma paketi, ma ia faia ai ni fetuuaiga pe a tatau ai. Afai e faigata ona e tali atu i ai oe lava, atonu o se mea atamai le lipoti atu o lou alualu i luma i se isi tagata—se uo, soa galue, faufautua, po o se faufautua o mea tautupe. O le mea taua o le, ia e faaavanoa se taimi e iloilo ai pea lava pea lou alualu i luma ma ia e faia ni suiga pe a manaomia ai.

TalanoaAisea e taua ai lou tali atu o oe lava ia? E faapefea ona e tali atu oe lava ia i lau paketi?

4. Saili le Fesoasoani a le Alii, ma Ia Taumafai Pea

FaitauIa manatua, o le tausimea faamaoni i mea tautupe, e ono manaomia ai ona sui lau vaaiga, mausa ma amioga? O le faatuatua ia Iesu Keriso ma Lana Togiola o le a fesoasoani e te faia ai lenei suiga. Ona o nei suiga e ono aveeseina atoa ai ni mausa ua e masani ai, ma ona o le paketiina o se faagasologa e aoao ai, atonu o le a i ai taimi e le mafai ai ona e tumau pea ai i lau paketi.

Ma le isi, atonu e te sasi ma faia ai ni faatauga vavevave pe oo ai i ni faalavelave tautupe e pei o le leai o se galuega, tausiga faafuasei faafomai, po o tau e lei mailoa o mea e faaleleia. O le a e aoao e uiga i le faaputuina o se tupe faaleoleo mo mea e tutupu faafuasei ma le taulimaina o faafitauli tautupe i mataupu e mulimuli ai, ae mo le taimi nei, e taua le manatua o se paketi e mafetuutuunai ma o le tumau pea i se paketi e manaomia ai le finafinau.

A e oo i ni maagao i lau paketi, ia talanoa i ai i le tou fonotaga faaleaiga, ma toe iloilo eria o lau paketi ia e ono tatau ona fetuunai. E ui atonu e te lagona le lotovaivai ma le manao e togi le solo mai le tumau pea i se paketi, ia manatua e mafai ona e taumafai pea, ma e ala i le filifili faatasi ma le Alii ma le sailia o Lana fesoasoani, o le a e maua ai le malosi ma le tomai e finau ai pea i au taumafaiga.

TalanoaO le a se mea o le a e faia pe a e feagai ma ni maagao i lau paketi?

Talanoa i le Tumau pea i se Paketi i le Tou Fonotaga Faaleaiga

FaitauO le tumau pea i se paketi e manaomia ai le lotogatasi ma lou toalua ma lou aiga. O le vaiaso lenei, talanoa i ni polokalama o le paketiina o loo i ai e mafai ona e faaaogaina, ma ni auala e mafai ona e fetuunaia ai lau paketi, pe a e feagai ma ni luitau. Ma le isi, talanoa i au mea tautupe o loo ave i ai le faamuamua i le taimi nei, ma isi sini uumi ma au fuafuaga mo le ausiaina o ia sini. Atonu e te manao e faaaoga le faataatiaga o le “Faataitaiga o le Talanoaga i le Fonotaga Faaleaiga” o loo i lalo. Ia manatua, afai e te lei faaipoipo, o lau fonotaga faaleaiga e ono aofia ai lau soa e te lua potumoe, uo, tagata o le aiga, po o se faufautua.

Faataitaiga o le Talanoaga i le Fonotaga Faaleaiga

Ia manatua e amata ma faaiu i se tatalo e valaaulia ai le Agaga.

Vaega 1: Iloilo

• O le a se mea e mafai ona e faia e faaleleia atili ai lau paketi?

• O le a le mea o loo ave i ai lau faamuamua i mea tautupe i le taimi nei? Talanoa i le iloiloga o loo i le itulau e 76.

Vaega 2: Fuafua

• O a mea o loo ave i ai lau faamuamua i mea tautupe ma au sini uumi?

• O le a le poloakalama o le paketiina o le a e faaaogaina e tausi ai se paketi ma mataitu ai tupe faaalu?

• O le a faapefea ona e tumau pea i lau paketi, ma o le a se mea o le a e faia pe afai e ova le faaaoga o lau paketi?

Aua Le Alu ma Ave se Tupe

Sa ma iloaina ma lou toalua o taimi uma lava e tele atu ma tupe faaalu i mea faavalevalea ao agai atu i le faaiuga o le masina; atonu o se taui faalemafaufau pe faalelagona po o se mea faapena. O lea sa ma faia ai o se tulafono ia leai se tupe ma te feaveaia i aso mulimuli e lima o le masina. Ma te ta’ua o le ma ‘vaiaso TANOMOD,’ ma ua sefeina ai a ma tupe ma fesoasoani ma te fuafuaina lelei ai aso e totoe o le masina.