Aoao—Taimi Aofai: 45 Minute

Talanoaga o le Aso

5 Faaauau ona Foai Atu ma ia Faamanuia Ai Isi

Faafanua o le Faamanuiaina i le Tulaga Faatausimea i Mea Tautupe

1. Faasoa atu Mataupu Faavae o le Ola Tutoatasi i Lou Aiga ma Uo

Faasoa atu Mataupu Faavae o le Ola Tutoatasi Faaleagaga

FaitauA tatou ola tutoatasi faaleagaga, o lo tatou tiute o le fesoasoani atu i isi ina ia ola tutoatasi faaleagaga. I le Mataupu Faavae ma Feagaiga, tatou te faitau ai, “Ma afai e i ai se tagata i totonu o outou ua malosi i le Agaga, ia tuu atu ia te ia na te ave faatasi ma ia lē ua vaivai, ina ia faagaeetiaina o ia i le agamalu atoa, ina ia faamalosia foi o ia (MF&F 84:106). E faapena foi, i le Feagaiga Fou, na tusia e Peteru, “Ia taitoatasi ma auauna o le tasi i le tasi i lea lava mea e pei ona maua e ia o le mea alofa, e pei o auauna pule o lelei i le alofa tunoa uiga eseese o le Atua” (1 Peteru 4:10).

TalanoaE faapefea ona faatatau nei mau ia te oe? O a auala ua faamanuiaina ai lou olaga e mataupu faavae o le ola toatasi o loo i le O Lo’u Faavae ? O le a le uiga o le ola tutoatasi faaleagaga?

Faasoa atu Mataupu Faavae o le Ola Tutoatasi Faaletino

FaitauA tatou ola tutoatasi faaletino, o lo tatou tiute o le fesoasoani atu i isi ina ia ola tutoatasi foi faaletino. O se tasi o auala sili ona lelei e fesoasoani ai i isi ia ola tutoatasi o le auauna atu lea ma foai atu i isi: Na aoao mai Peresitene Marion G. Romney: “E i ai se uiga felagolagomai i le va o i latou o e mau ma i latou o e matitiva. O le faagasologa o le foai atu e faaeaina ai le tagata mativa ae faamaualaloina ai le tagata mauoa. O le faagasologa e tau fai faapaiaina ai i laua. O e matitiva, e faasaolotoina mai le pologa ma tuaoi o le fiaai, e mafai i le avea ai o ni tagata saoloto ona tutupu ae i o latou gafatia atoatoa i le faaletino ma le faaleagaga. [O i latou o e mauoa], e ala i le foai atu o a latou mea faasili, e auai i le mataupu faavae faavavau o le foai atu. O le taimi lava e faaatoatoaina, pe ola tutoatasi ai se tagata, e aapa atu o ia i isi, ma faapena ona toe amata ai le faataamilosaga” (“The Celestial Nature of Self-Reliance,” Ensign, Nov. 1982, 93).

TalanoaE faapefea ona faatatau lenei upusii ia te oe? O ai le au matitiva? E mafai faapefea ona e fesoasoani i e matitiva po o e limavaivai i lou olaga?

Mafaufau LolotoFaaalu se minute e mafaufau loloto ai i le fesili lenei: O ai se tasi ou te iloa o loo manaomia Mea Tautupe Patino mo le Ola Tutoatasi? E faapefea ona ou faasoaina ma i latou? Tusi i lalo igoa ma fuafuaga e faasoa atu.

2. Fetaomi Atu i Luma ma le Faatuatua

FaitauFaamalo atu! Ua e faamaeaina fonotaga faalevaega mo le Mea Tautupe Patino mo le Ola Tutoatasi. Ina ia suesue lou alualu i luma, tusi i le siata o loo i lalo po o fea o e i ai, ma o a ni au fuafuaga e faaauau ai ona e alualu i luma.

Gaoioiga (10 minute)

Ia iloilo taitoatasi le Faafanua mo le Faamanuiaina i le Tulaga Faatausimea i Mea Tautupe, ma mafaufau loloto i le alualu i luma ua e faia i le 12 vaiaso ua tea. Mafaufau i laasaga e sosoo ai i lau faigamalaga, ma faatumu le siata o loo i lalo.

Sini Faamoemoeina	Ioe pe Leai	Alualu i Luma e oo mai i le Aso/Laasaga e Sosoo Ai
Ou te lagona le autasi ma lo’u toalua ma le Alii e uiga i au mea tautupe.
Ou te tuuto ia ola tutoatasi
Ou te faatuatua ia Iesu Keriso.
Ou te totogia se sefuluai atoa ma foai atu i taulaga anapogi.
Ou te saoloto mai le faalagolago atu i fesoasoani a le aiga, ekalesia, ma le malo.
E le aunoa ona ou iloiloina ma mulimuli i la’u paketi.
O loo i ai la’u tupe faaleoleo mo le tasi le masina mo mea e tutupu faafuasei.
E le o i ai ni au aitalafu po o le o loo ou malosi e totogi faavave uma au aitalafu.
O loo i ai la’u tupe faaleoleo mo le tolu i le ono masina mo mea e tutupu faafuasei.
O loo lava lau inisiua o loo i ai (e pei o le inisiua o le soifua maloloina, ola, taavale ma le ma’i).
E le o aunoa ona ou sefeina [tupe] ma teu faafaigaluega mo le lumanai.

TalanoaO a ni auala ua e alualu ai i luma i le 12 vaiaso ua tea ina ia avea ma se tausimea atamai ma faamaoni o au mea tautupe?

FaitauO le tele o mea ua tatou talanoaina e le mafai ona ausia i le 12 vaiaso. Ae ui i lea, e tatau ona e atiina ae ni mausa talafeagai e faaauau ona e alualu i luma i le faamanuiaina i le tulaga faatausimea i mea tautupe. Ia faaauau pea ona fai e le aunoa fonotaga faaleaiga. Ia faaauau ona iloilo mataupu o loo i lenei tusi galuega. Ma ia faaauau ona galue agai atu i au mea tautupe e ave i ai le faamuamua. Tautino e mulimuli i “Laasaga e Sosoo Ai” sa e tusia i lalo i le koluma mulimuli o le suesuega o loo i itulau na muamua atu.

Mafaufau LolotoFaaalu le lima minute e mafaufau ai i le fesili lenei ma tusi i lalo ou manatu: O a ni mea e sili ona anoa ua ou aoaoina i le 12 vaiaso ua te’a atu?