O Lo’u Faavae: Maua Sauniga o le Malumalu—Taimi Aofai: 20 Minute

Mafaufau LolotoO a nisi o mea e sili ona taua ia te oe?

Maimoa“Doing What Matters Most,” o loo maua i le srs.lds.org/videos (Leai se vitio? Faitau le itulau 201.)

Doing What Matters Most [O Le Faia o Mea e Sili ona Taua]

Afai e le mafai ona e matamata i le vitio, faitau le tusiga lenei.

mai le Doing What Matters Most [O Le Faia o Mea e Sili ona Taua]

Faamatala Upu: I se tasi po pogisa ia Tesema sa pau ai se vaalele i Florida. E silia ma le 100 tagata sa maliliu ai. Sa na o le 20 maila le mamao mai le saogalemu.

Peresitene Dieter F. Uchtdorf: Ina ua mavae le faalavelave, sa taumafai tagata suesue e fuafua le mafuaaga. Sa lelei lava ona tuu i lalo le kia e tulaueleele ai. Sa matua lelei atoatoa le tulaga tau masini o le vaalele. Sa galulue lelei totoga uma—mea uma lava sei vagana ai se mea se tasi: o se tamai matauila ua pe. O lena tamai matauila—pe na o le 20 sene lona tau—na amataina le filifili o mea na tutupu ma iu ai i le oti matautia o le silia ma le 100 tagata.

O le mea moni, o le matauila na lei ola e lei mafua ai le faalavelave; na tupu ona ua tuu e le auvaa lana taulaiga i se mea sa foliga mai e afaina i lena lava minute ae galo ai le mea e aupito sili ona afaina ai.

O le lilifa atu e taulai i mea e le taua a o faatuatuanai mea e aupito sili ona taua, e le na o pailate e tutupu ai ae o tagata uma lava. E lamatia uma lava i tatou. … Pe o taulai ea ou mafaufauga ma lou loto i mea ua na o sina taimi e afaina ai, po o mea e aupito sili ona taua?

(“O Loo Tatou Faia le Galuega Tele ma ua Le Mafai ona Tatou o Ifo i Lalo,” Ensign po o le Liahona, Me 2009, 59–60)

Toe foi i le itulau 200.

TalanoaO a ni mea e le taua e taofia ai i tatou mai le alualu i luma? E mafai faapefea ona fesoasoani sauniga o le talalelei ia i tatou?

FaitauMataupu Faavae ma Feagaiga 84:20 ma le upusii mai ia Peresitene Boyd K. Packer (i le taumatau)

“O lea, o ona sauniga, ua faaalia ai le mana o le faale-atua.”

Mataupu Faavae ma Feagaiga 84:20

“O le a faamanuia i tatou e le Alii a o tatou auai atu i sauniga paia o galuega o malumalu. O faamanuiaga iina e le na o tatou auaunaga i le malumalu e faatatau i ai. O le a faamanuiaina i tatou i mea uma i o tatou olaga. O le a tatou agavaa e tuu atu i le Alii e ave se faaopoopoga i o tatou tulaga faaleagaga ma faaletino.”

Boyd K. Packer, The Holy Temple (1980), 182

TalanoaA o tatou saili le ola tutoatasi, aisea e taua ai le agavaa mo le malumalu?

Gaoioiga

Laasaga 1: Faitau faatasi ma se soa le upusii mai ia Elder Quentin L. Cook (i le taumatau) ma mau nei. Vase faamanuiaga folafolaina mo i latou o e tapuai i totonu o le malumalu.

“O le a lelei ona tatou faia pe a suesueina le vaega e 109 o le Mataupu Faavae ma Feagaiga ma mulimuli i le apoapoaiga a Peresitene [Howard W.] Hunter “e faatuina le malumalu o le Alii e fai ma faailoga sili o lo tatou auai i le ekalesia.’”

Quentin L. Cook, “See Yourself in the Temple,” Ensign po o le Liahona, Me 2016, 99; sii mai i le Aoaoga a Peresitene o le Ekalesia: Howard W. Hunter (2015), 178

“O lea, o ona sauniga, ua faaalia ai le mana o le faale-atua” (MF&F 84:20).

“Ma ina ia latou tutupu aʼe ia te oe, ma maua le atoatoaga o le Agaga Paia, ma faatulagaina e tusa ma au tulafono, ma saunia e maua mea manaomia uma” (MF&F 109:15).

“Ma a solitulafono lou nuu, soo se tasi o i latou, ia vave ona latou salamo ma toe foi mai ia te oe, ma talia i lau silafaga, ma toefuatai i faamanuiaga ua e faauuina e sasaa mai i luga o i latou o e migao ia te oe i lou maota” (MF&F 109:21).

“Ma e matou te ole atu ia te oe Le Tamā Paia e ina ia o atu auauna mai lenei maota ua faaauupegaina i lou mana ma ina ia i ai lou suafa i luga o i latou ma i ai lou mamalu e siosiomia i latou ma ia i ai i au agelu le tausiga i o latou luga” (MF&F 109:22).

“Matou te ole atu ia te oe, Le Tamā Paia e, … ia leai se auupega e gaosia e faasaga mai ia te i latou e manumalo” (MF&F 109:24–25).

Laasaga 2: Mafaufau loloto taitoatasi, “O le a se mea e tatau ona ou suia i lo’u olaga ia atili faateleina ai le auai i sauniga o le malumalu?”

TautinoTautino atu e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Afai o ia te oe se pepa faataga o le malumalu, faatulaga se aso e auai ai i le malumalu.

• Afai e leai sau pepa faataga o le malumalu, feiloai ma lau epikopo po o le peresitene o le paranesi e talanoaina pe mafai faapefea ona e saunia e maua sauniga o le malumalu.

• Faasoa atu mea ua e aoaoina e uiga i sauniga o le malumalu i lou aiga po o uo.