O Lo’u Faavae: Ola i se Olaga Paleni—Taimi Aofai: 20 Minute

Mafaufau LolotoE faapefea ona ou faapaleniina manaoga o aso uma o le olaga?

Maimoa“Of Regrets and Resolutions,” o loo maua i le srs.lds.org/videos. (Leai se vitio? Faitau le itulau 55.)

Of Regrets and Resolutions [E Uiga i Faanoanoaga ma Faaiuga]

Afai e le mafai ona e matamata i le vitio, faitau le tusiga lenei.

Peresitene Dieter F. Uchtdorf: Pe le moni ea e masani ona tatou pisi tele? Ma, e faanoanoa e fai atu, o loo tatou manatu i lena pisi o se mea faamamaluina, e pei ua avea le pisi lava ia, o se mea taua ua ausia po o se faailoga o se olaga silisili.

A ea?

Ou te mafaufau i lo tatou Alii ma le Faataitaiga Atoa, o Iesu Keriso, ma Lona soifuaga puupuu faatasi ma tagata o Kalilaia ma Ierusalema. Sa ou taumafai e vaai faalemafaufau ia te Ia a o pisi tele i va o fonotaga po o galuega e fai i le taimi e tasi ina ia faataunuu uma ni mea faavavave o loo i Lana lisi o mea e fai.

E le mafai ona ou vaai i ai.

Ae, ou te vaaia le agaalofa ma le popole o le Alo o le Atua i Lona soifua ai ma se faamoemoe i aso taitasi. A o Ia fegalegaleai ai ma i latou e vagaia o Ia, sa latou lagonaina lo latou taua ma le alofaina. Sa Ia silafiaina le taua le mafuatia o tagata na Ia feiloai i ai. Sa Ia faamanuia ia i latou, ma auauna atu i ai. Sa Ia siitiaina i latou ma faamaloloina. Sa Ia tuu atu ia i latou le meaalofa taua o Lona taimi.

(Dieter F. Uchtdorf, “E Uiga i Faanoanoaga ma Faaiuga,” Ensign po o le Liahona, Nov. 2012, 22)

Toe foi i le itulau 54.

TalanoaO le a le mea na fai e le Faaola ia maua ai se soifuaga paleni?

FaitauMosaea 4:27, 2 Nifae 9:51, ma upusii mai ia Elder M. Russell Ballard (i le taumatau) ma Peresitene James E. Faust (i le itulau 55)

“Ma ia vaai ia faia nei mea uma i le poto ma le faatulagaga lelei; ona e lē tatau i se tagata ona momoʼe televave atu nai lo le malosi ua ia te ia.”

Mosaea 4:27

“O le mea lea, aua le faaaluina tupe mo mea ua leai se aoga, po o a outou galuega mo mea e lē maʼona ai.”

2 Nifae 9:51

“Tau lava o le faia o le mea sili e te mafaia i aso taitasi. Fai mea autu ma, ae e te lei iloaina, o le a faatumuina lou olaga i le malamalama faaleagaga lea o le a faamautuina atu ia te oe e alofa lou Tama Faalelagi ia te oe. Afai e iloa e se tagata lenei mea, o le a tumu le olaga i faamoemoega ma [ona] uiga, ma faigofie ai ona faatumauina le paleni.”

M. Russell Ballard, “Tausia o Lou Olaga ia Paleni,” Liahona, Sete. 2012, 50

“O le paleni i ni fuataga tetele o le iloa lea o mea e mafai ona suia, tuuina o i latou i le vaaiga sao, ma le iloa o mea o le a le suia.”

James E. Faust, “The Need for Balance in Our Lives,” Ensign, Mat. 2000, 5

TalanoaO a ni mea e mafai ona faafaigofieina pe aveesea mai o tatou olaga ina ia mafai ona tatou maua le olioli faateleina.

Gaoioiga

Laasaga 1: Faitau upusii mai ia Elder Dallin H. Oaks (i le itulau 55).

Laasaga 2: Mafaufau nao oe lava, i le ala o loo ola ai lou olaga i vaiaso taitasi. Ia vaai faalemafaufau lea ua 25 tausaga ua faaopoopo ai lou matua ma o loo e ola ai lava i lena ala. Faauma faamatalaga e lua o loo i lalo e uiga i lou olaga.

E lei lava le taimi na ou faaaluina

Ua tele naua le taimi na ou faaaluina

Laasaga 3: Ina ia aloese mai ni faanoanoaga i le lumanai, tusi se mea se tasi pe lua e mafai ona e faia e aumaia ai le paleni faateleina i lou olaga.

TautinoTautino e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Faatino lau fuafuaga e aumai ai le paleni faateleina i lou olaga.

• Fetufaai ma lou aiga po o uo i mea ua e aoaoina e uiga i le sailia o le paleni.

“E toatele tagata e na o latou e faigaluega e popole ona ua laitiiti o latou taimi mo o latou aiga. … Ae peitai, ou te le iloa lava se tagata e toe tepa i tua i sona olaga faigaluega ma faapea ane, ‘E le’i lava lo’u taimi sa faaalu i la’u galuega.’”

Dallin H. Oaks,“Lelei, Lelei Tele, Lelei Silisili,” Ensign po o le Liahona, Nov. 2007, 105

“O le aofaiga o mea lelei e mafai ona tatou faia, e sili mamao atu i lo le taimi e maua e faataunuu ai. O nisi mea e sili atu i le na o le lelei, ma e i ai mea e tatau ai ona ave i ai le faamuamua i o tatou olaga.”

Dallin H. Oaks,“Lelei, Lelei Tele, Lelei Silisili,” Ensign po o le Liahona, Nov. 2007, 104