Aoao—Taimi Aofai: 45 Minute

1. Avea ma se Tausimea Atamai ma Faamaoni

Mafaufau LolotoFaaalu se minute e mafaufau loloto filemu ai i le fesili lenei ma tusi i lalo ou manatu.

• O le a [le tele o] lo’u mautinoa e uiga i a’u mea tautupe i le lumanai?

FaitauI le faataoto i taleni, ua aoao ai i tatou e Keriso ia mautinoa tatou te faia mea ua tuuina mai ia i tatou. Ua faataga i tatou e le Alii ia avea ma e tausia—po o tausimea—i Ana meaalofa ia i tatou. Ia i latou o faamaoni i Ana meaalofa, ua folafola mai e Keriso, “Ua lelei ia, le auauna lelei e, ma le faamaoni, ua e faamaoni i nai mea itiiti, ou te tofia oe e pule i mea e tele; ina ulufale mai ia i le fiafia o lou alii” (Mataio 25:21).

TalanoaO le a le uiga ia te oe o le, o mea uma e a le Alii ia?

FaitauO se vaega o le tatou tulaga faatausimea, ua fautuaina ai i tatou ina ia atamamai i a tatou mea tautupe. Na aoao mai Peresitene Gordon B. Hinckley:

“Ou te apoapoai atu ia te outou ia vaavaai i tulaga o a outou mea tautupe. Ou te uunaia outou ina ia faautauta i a outou tupe faaalu; ia pulea lelei outou lava i a outou faatauga ina ia aloese ai mai le aitalafu i le tele e mafai ai. Ia totogi faauma aitalafu i se vave e te mafaia ai, ma ia faasaoloto outou mai saisaitiaga.

“O se vaega lenei o le faaletino o le talalelei ua tatou talitonu i ai. Tau ina faamanuia outou e le Alii ia faatulaga lelei o outou aiga. Afai ua uma ona totogi a outou aitalafu, afai o i ai sau tupe o teu, e tusa lava pe itiiiti, afai e pesi mai matagi i luga a’e o lou ulu, o le a i ai le malutaga mo lou [aiga] ma le toafilemu i o outou loto” (“To the Boys and to the Men,” Ensign, Nov. 1998, 54).

A o e taumafai e faaaoga tatau au tupe, o le a faateleina lou faatuatua ia Keriso, ma saunia ai le auala mo faamanuiaga i le lumanai.

TalanoaE faapefea ona faia oe o le o pulea au mea tautupe o se tausimea lelei atu?

E Mafai Ona Tatou Pulea ma le Atamai a Tatou Mea Tautupe

FaitauO le ata o loo i le itulau 8—o le Faafanua o le Faamanuiaina i le Tulaga Faatausimea i Mea Tautupe—o loo faaalia ai mataupu faavae mo le puleaina ma le atamai ma le faamaoni o mea tautupe. O le a e suesueina ma faaaoga nei mataupu faavae i le aluga o le 12 vaiaso o le a sosoo ai. I le taimi atoa o lenei kosi, o le a e galue ai e faateleina lou faatuatua ia Iesu Keriso, fausia le lotogatasi ma lou toalua, ma faamalosia lou tautino i le ola tutoatasi. O lesona taitasi o le a taulai i se vaega fitoitonu o le Faafanua i le Faamanuiaina i le Tulaga Faatausimea i Mea Tautupe.

TalanoaIa auauai i le faitauina o aitema o loo i le Faafanua i le Faamanuiaina i le Tulaga Faatausimea i Mea Tautupe (itulau 8). E fesoasoani faapefea nei mea taitasi i lou agai atu ia faamanuiaina i le tulaga faatausimea i mea tautupe?

2. Filifili ma le Alii i Au Mea Tautupe

FaitauO le a le masalomia lava le tulai mai o luitau a o e faaaogaina nei mataupu faavae o le faamanuiaina i le tulaga faatausimea i mea tautupe. A o e sailia le fesoasoani a uso a tagata o le vaega, ma faaauau pea ona saili le fesoasoani a le Alii, o le a faapea ona faamalosia oe e faatoilalo na faafitauli. Ia manatua, e saunia e le Alii i taimi uma se auala e faataunuu ai Ana poloaiga (tagai 1 Nifae 3:7).

Sa aoaoina e Amoleka tagata matitiva sa i ai o Sa Sorama ina ia “tagi atu [i le Alii] mo laau toto o o outou fanua, ina ia outou manuia ai. Tagi atu mo lafu o o outou fanua, ina ia faateleina” (Alema 34:24–25). A o e filifili faatasi ma le Alii e uiga i ou manaoga faaletino ma luitau ma galue agai atu ia ola tutoatasi i mea tautupe, o le a Ia faamanuia ma faamalosia oe.

O le filifili faatasi ma le Alii e uiga i au mea tautupe, o lona uiga o le tatalo i le Tama Faalelagi ma ole atu mo le taitaiga e uiga i tulaga tautupe. O se tasi o au tautinoga i lenei vaiaso o le, ia filifili faatasi ma le Alii e uiga i au mea tautupe.

Faafanua o le Faamanuiaina i le Tulaga Faatausimea i Mea Tautupe

ata auiliili o le faafanua o le faamanuiaina i mea tautupe

3. Mataitu Au Tupe Maua ma Tupe Faaalu

FaitauO le laasaga muamua i le faamanuiaina i tulaga faatausimea i mea tautupe o le malamalama lea i le tulaga o au mea tautupe i le taimi lenei. A e maua se malamalamaaga lelei i mea o faaalu ai au tupe, ona mafai lea ona e fuafuaina lelei i mea e te manao e faaalu ai. O le a e amata i le mataituina o au tupe maua ma tupe faaalu mo vaiaso muamua e fa o lenei kosi.

Mafaufau LolotoFaaalu ni nai minute e mafaufau filemu ai i fesili nei:

• Pe o ou iloa mea o ou faaalua ai au tupe i masina taitasi?

• Pe o ou lagona o loo ou pule i le mea e alu i ai au tupe?

Gaoioiga (25 minute)

Laasaga 1: Ia mafaufau taitoatasi i auala uma e te faaaluina ai au tupe. O loo i lalo ni vaega e masani ona faaalu ai e tagata ia tupe. Lio eria e masani ona e faaalua ai tupe, ma tusi i lalo ni vaega faaopoopo pe a talafeagai ai. O le vaega o mea eseese e mo tupe faaalu e le fetaui lelei i isi vaega.

Sefuluai ma Taulaga	Femalagaaiga	Faafiafiaga
Falemautotogi po o le mokesi	Teugatupe	Faleaiga
Inisiua	Meaai	Mea Eseese
Eletise, Suavai & Kesi o le Fale	Telefoni Feaveai

Laasaga 2: Ia talanoa o se vaega, ia vaega faaopoopo na e fatuina. O le a e faaaogaina vaega o loo i luga i se taimi mulimuli mai e faatulaga ai au tupe maua ma tupe faaalu a o e mataituina i latou.

Laasaga 3: I le aluga o nai isi vaiaso o le a sosoo mai, tusi i lalo taimi taitasi e te maua ai pe faaalu ai se tupe. I luga o se pepa po o se tamai api, fatu ai se siata e foliga i le faataitaiga lenei. Faatumu le siata i aso taitasi. Pe a e maua se tupe, tusi le aofaiga i le koluma o tupe maua; pe a e faaaluina se tupe, tusi le aofai i le koluma o tupe faaalu. Ina ia faataitai, faaalu ni nai minute e tusi ai po o le a lava le tele o tupe faaalu e te manatuaina mai le 24 itula ua tea. Ia aofia ai vaega na e fatuina.

Aso	Faamatalaga	Vaega	Tupe Maua	Tupe Faaalu
6/1	Totogi	Tupe Maua	1,500.00
6/1	Maketi a Juan	Meaai		78.32

TalanoaO a ni luitau e te ono oo i ai i le mataituina o au tupe faaalu?

Mafaufau LolotoTusi ni auala o le a e faatoilaloina ai nei luitau.

O le Mataituina o Tupe Faaalu Ua Avea ma Masani!

Ou te lei manatu sa mafai ona mataitu ia tupe faaalu mo se taimi umi. Ae o le taimi nei, ou te taofia au lisiti mo le aso ona tusi lea i lalo au tupe faaalu uma i afiafi taitasi. E nao ni nai minute lava ou te faaaluina i po taitasi ma sina avanoa laitiiti o le atotupe e tuu ai lisiti mo le aso!