Resources

Uri ng Investment o Pamumuhan	Depinisyon	Fixed o Variable
Savings Account	Ang deposit account, na karaniwan ay sa isang bangko o iba pang institusyong pinansyal, ay karaniwang mababa ang rate of return. Ang mga may-ari ng account ay maaaring mag-withdraw at magdeposito nang walang multa.	Fixed
Certificate of Deposit (CD)	Ang account kung saan ikaw ay nagdedeposito ng partikular na halaga ng pera para sa isang takdang panahon; kung kukunin mo ang pera bago ang takdang oras ng pagkuha, maaari kang mapatawan ng multa (mawalan ang ilang pera na ipinuhunan). Habang naka-invest ang pera, ito ay kumikita ng disenteng halaga ng fixed rate of return. Kapag lampas na ang itinakdang oras, makukuha mo na ang orihinal na halaga ng investment o puhunan, at ang tinubo nito.	Fixed
Bond	Isang debt investment kung saan ipinahihiram mo ang iyong pera sa isang entidad o organisasyon sa takdang panahon upang makatanggap ng inaasahang rate of return. Kapag lampas na ang itinakdang oras, makukuha mo na ang orihinal na halaga ng investment o puhunan, at ang tinubo nito. Ang bonds ay maaaring i-isyu ng mga gobyerno at korporasyon. Depende sa organisasyon na nag-isyu, ang bonds ay maituturing na low risk o high risk.	Fixed
Stock	Ito ay kumakatawan sa isang bahagi ng pagmamay-ari sa isang kumpanya, na ibinebenta bilang shares. Bawat share ay kumakatawan sa isang piraso ng pagmamay-ari, kaya kung ang isang kumpanya ay nag-isyu ng 100,000 shares at ikaw ang may-ari ng isang share, pag-aari mo ang 1/100,000th na bahagi ng kompanyang iyon. Ang rate of return ay depende sa performance o takbo ng kumpanya.	Variable
Mutual Fund	Ang mga ito ay karaniwang binubuo ng isang grupo ng mga sari-saring stocks at bonds. Ang pondo ay pinamamahalaan ng isang propesyonal. Ang mutual funds ay nagbibigay ng simpleng paraan para magkaroon ng iba-ibang investment. Kung maayos ang takbo ng mutual fund, ang halaga ng iyong investment o puhunan ay tumataas. Kung hindi maganda ang takbo nito, ang halaga ng iyong investment o puhunan ay bumababa.	Variable
Real Estate	Puhunan sa pagmamay-ari ng real property tulad ng mga bahay, apartment, o komersyal na mga gusali. Ang return o pagbalik ng puhunan ay dumarating sa pagkakaroon ng kita, pagtaas ng halaga ng ari-arian, o pareho. Maaari ding malugi sa maraming kadahilanan, kabilang ang pagbaba ng halaga ng ari-arian o ang nangungupahan ay hindi nagbabayad ng upa o sinisira ang property o ari-arian.	Variable
Pagmamay-ari ng Negosyo	Ang pamumuhunang ito ay kumakatawan sa pagmamay-ari ng isang bahagi ng pribadong negosyo. Ang returns o kita ay depende sa takbo ng negosyo.	Variable