My Foundation [Ang Aking Saligan]: Magkaroon ng Balanseng Buhay—Maximum na Oras: 20 Minuto

Pag-isipang mabuti:Paano ko mapapanatiling balanse ang mga kailangan kong gawin sa buhay araw-araw?

Panoorin:“Of Regrets and Resolutions,” makukuha sa srs.lds.org/videos. (Walang video? Basahin ang pahina 55.)

Tungkol sa mga Panghihinayang at Pagpapasiya

Kung hindi ninyo mapapanood ang video, basahin ang script na ito.

Pangulong Dieter F. Uchtdorf: Hindi ba’t totoong madalas ay masyado tayong abala? At, nakalulungkot na itinuturing pa nating kapuri-puri ang pagiging abala natin, na para bang ito ay tanda ng tagumpay o mas maunlad na buhay.

Hindi ba?

Iniisip ko ang ating Panginoon at Perpektong Halimbawa, na si Jesucristo, at ang maikli Niyang buhay kasama ang mga mamamayan ng Galilea at Jerusalem. [Sinubukan kong] isipin na nagmamadali Siya sa pagdalo sa mga pulong o pinagsasabay-sabay ang maraming gawaing dapat tapusin.

Hindi ganoon ang nakikita ko.

Sa halip, ang nakikita ko ay ang mahabagin at mapagmalasakit na Anak ng Diyos na ipinamumuhay ang bawat araw nang may layunin. Nang kinausap Niya ang mga taong nakapalibot sa Kanya, nadama nilang mahalaga at minamahal sila. Alam Niya ang walang hanggang kahalagahan ng mga taong Kanyang nakilala. Sila’y Kanyang binasbasan at pinaglingkuran. Sila’y Kanyang pinasigla at pinagaling. Pinag-ukulan Niya sila ng Kanyang panahon.

(Dieter F. Uchtdorf, “Mga Panghihinayang at Pagpapasiya,” Ensign o Liahona, Nob. 2012, 22).

Bumalik sa pahina 54.

Talakayin:Ano ang ginawa ng Tagapagligtas para magkaroon ng balanseng buhay?

Basahin:Mosias 4:27, 2 Nephi 9:51, at ang mga pahayag nina Elder M. Russell Ballard (sa kanan) at Pangulong James E. Faust (sa pahina 55)

“Tiyakin na ang lahat ng bagay na ito ay gagawin sa karunungan at kaayusan; sapagkat hindi kinakailangan na ang tao ay tumakbo nang higit na mabilis kaysa sa kanyang lakas.”

Mosias 4:27

“Huwag gugulin ang salapi sa mga yaong walang kabuluhan, o ang inyong paggawa sa mga yaong hindi nakasisiya.”

2 Nephi 9:51

“Basta gawin ninyo ang lahat ng magagawa ninyo sa bawat araw. Gawin ang mahahalagang bagay at, bago pa ninyo mamalayan, ang inyong buhay ay mapupuno ng espirituwal na pang-unawa na magpapatunay sa inyo na mahal kayo ng inyong Ama sa Langit. Kapag alam ito ng tao, ang buhay ay magkakaroon ng tunay na layunin at kabuluhan, kaya’t mas madali itong mapananatiling balanse.”

M. Russell Ballard, “Panatilihing Balanse ang Inyong Buhay,” Liahona, Set. 2012, 50

“Ang balanse sa malaking bahagi ay kaalaman ng mga bagay na mababago, inilalagay ang mga ito sa wastong pananaw, at pagkilala sa mga bagay na hindi magbabago.”

James E. Faust, “The Need for Balance in Our Lives,” Ensign, Mar. 2000, 5

Talakayin:Anong mga bagay ang maaaring simplehan o alisin sa ating buhay para lalo tayong makadama ng kagalakan?

Aktibidad

Step 1: Basahin ang mga pahayag ni Elder Dallin H. Oaks (sa pahina 55).

Step 2: Sa iyong sarili, pag-isipan kung paano ka namumuhay bawat linggo. Ngayon kunwari’y mas matanda ka nang 25 taon at ganoon pa rin ang pamumuhay mo. Kumpletuhin ang dalawang pangungusap sa ibaba tungkol sa iyong buhay:

Hindi talaga ako nakapag-ukol ng sapat na oras

Nag-ukol ako ng napakaraming oras

Step 3: Iwasan ang mga panghihinayang sa hinaharap, sumulat ng isa o dalawang bagay na magagawa mo para magkaroon ng mas balanseng buhay.

Mangakong gawin:Mangakong gawin ang mga sumusunod sa linggong ito. Lagyan ng tsek ang box kapag nakumpleto mo ang bawat gawain:

• Kumilos ayon sa iyong ideya para maging mas balanse ang buhay mo.

• Ibahagi sa iyong pamilya o mga kaibigan ang natutuhan mo tungkol sa paghahanap ng balanse.

“Maraming naghahanapbuhay ang nag-aalala na kakaunting oras ang natitira para sa kanilang pamilya. … Gayunman, wala pa akong nakikilalang tao na lumingon sa panahon ng kanyang pagtatrabaho at nagsabing, ‘Hindi talaga ako nakapag-ukol ng sapat na oras sa trabaho ko.’”

Dallin H. Oaks, “Maganda, Mas Maganda, Pinakamaganda,” Ensign o Liahona, Nob. 2007, 105

“Ang magagandang bagay na magagawa natin ay higit pa ang dami kaysa libreng oras natin para magawa ang mga ito. May ilang bagay na mas maganda kaysa iba, at ito ang mga bagay na dapat nating unahin sa ating buhay.”

Dallin H. Oaks, “Maganda, Mas Maganda, Pinakamaganda,” Ensign o Liahona, Nob. 2007, 104