Aoao—Taimi Aofai: 45 Minute

Talanoaga i le Aso:

1 Totogi Sefuluai ma Taulaga

ata auiliili o le faafanua o le faamanuiaina i mea tautupe

Faafanua o le Faamanuiaina i le Tulaga Faatausimea i Mea Tautupe

TalanoaAisea e te manatu ai o le “totogi o sefuluai ma taulaga” o le vaega muamua lea o le Faafanua o le Faamanuiaina i le Tulaga Faatausimea i Mea Tautupe?

FaitauUa fautuaina tagata o le Ekalesia e totogi a latou sefuluai ma taulaga a o lei totogia isi tupe faaalu, e oo lava i mea e manaomia. Na aoao mai Elder Dallin H. Oaks, “O le totogiina o sefuluai o se tofotofoga o mea e ave i ai le faamuamua” (“Tithing,” Ensign, Me 1994, 35). A o e faaali atu i le Atua mea e te faamuamua, o le a e tatalaina ai avanoa maoae atu mo Ia e faamanuia ai oe. E masani ona faamamafa mai e tusitusiga paia mea e ao ona fai i le faatulagaga tatau ai. (Mo se faataitaiga, tagai i le 1 Korinito 14:40, Mosaea 4:27, ma le Mataupu Faavae ma Feagaiga 93:43.)

Na aoao mai e Peresitene Heber J. Grant, “O alii ma tamaitai sa faamaoni atoatoa i le Atua, o e na totogi a latou sefuluai, … ua tuuina mai i ai e le Atua le poto ua mafai ai ona latou faaaoga le iva-vaesefulu na totoe, ma sili atu ona aoga tele ia i latou, ma ua sili atu le tele o mea ua mafai ona latou faia ai nai lo le mea latou te maua pe ana latou le faamaoni i le Alii” (i le Conference Report, Ape. 1912, 30).

TalanoaO a auala e te manatu e fesoasoani ai le totogi muamua o le sefuluai ia te oe e faaaoga lelei ai le iva-vaesefulu o le tupe o loo ia te oe?

1. Sui Lou Faiga o le Puleaina o Tupe

FaitauIna ia mafai ona totogi muamua sefuluai ma taulaga, atonu e tatau ona sui lou faiga aoao o le puleaina o tupe. O le taulimaina o tupe faaalu e ola ai i le taimi nei, e masani ona lofituina ai lo tatou gafatia ona sefe mo le lumanai ma fausia se puipuiga o mea tautupe. E toatele tagata e mulimuli i lenei faiga o le tausimea i mea tautupe: latou te totogia muamua mea e manaomia i le taimi lava lea e pei o meaai, fale, femalagaaiga, ma le tausiga faalesoifua maloloina, ma faamoemoe ai e sefe le tupe ma totogi le sefuluai i le tupe e totoe. O lenei metotia ua faaalia i le ata lenei.

ata auiliili o le faiga masani

FaitauE ui ina taatele lenei masani, ae e i ai se faiga sili atu i le avea ai ma tausimea o mea tautupe: A maua lau tupe maua, ia totogi muamua lau sefuluai ona faataatia ese lea o se tupe mo lou tagata i le lumanai—e tusa lava pe nao se mea itiiti. Ona, faaaoga lea o le mea o loo totoe (o le vaega tele o lau tupe maua) e totogi ai tupe faaalu mo mea e te ola ai. O lenei metotia ua faaalia i le ata o loo i lalo.

ata auiliili o le faiga ia ola tutoatasi

TalanoaO a nisi o eseesega i le va o nei faiga e lua? Aisea e toatele ai tagata e iu ina faia le faiga taatele o le tausimea i mea tautupe?

FaitauO le a tatou faaaogaina le ata o le fagu o loo i lalo, ni maa, ma oneone e faaali atu ai le atamai o le faataatia ese muamua o le tupe mo le Alii ma mo o tatou tagata i le lumanai (tagai Stephen R. Covey, A. Roger Merrill, and Rebecca R. Merrill, First Things First: To Live, to Love, to Learn, to Leave a Legacy [1994], 88–89).

O le fagu ua faatusa i la tatou tupe maua: o se punaoa e tapulaa lona tele. E tofu i tatou ma ni fagu e eseese le tetele, ae o le mataupu faavae ua talanoaina iinei e tutusa mo tagata uma. O maa ma le oneone, pe a tuu i totonu o le fagu, ua faatusa i auala e mafai ona faaaoga ai a tatou tupe. I le faataitaiga lenei, o maa lapopoa ma laiti ua faatusa i mea e ave i ai le faamuamua mo se taimi umi—o le faataatia ese o le tupe mo le Alii ma lo tatou tagata i le lumanai—ae o le oneone e faatusa i mea tatou te manaomia ma moomia i le taimi nei.

Sei o tatou tuu aitema i totonu o le fagu e faaaoga ai le faiga taatele o le tausimea i mea tautupe.

fagu o le faiga taatele

FaitauIa maitau, a e sasaaina muamua i totonu le oneone, e le lava le avanoa e ofi uma ai maa.

Sei o tatou tuu aitema i totonu o le fagu e faaaoga ai le faiga o le ola faalagolago atili i le tulaga faatausimea i mea tautupe.

fagu o le faiga o le ola tutoatasi

FaitauIa maitau, a e tuuina muamua i totonu maa, e i ai lava le avanoa mo le oneone uma.

TalanoaE faapefea ona faatatau le faataitaiga lenei i fagu i le totogiina o sefuluai ma le sefeina o tupe? Aisea na ofi ai mea uma i totonu o le fagu i le taimi lona lua? E faapefea ona avea le tuu muamua o maa i totonu o le fagu, o se faataitaiga o le faaalia o le faatuatua?

FaitauI le kosi atoa lenei, o le a faaauau ai ona e aoao i auala e faaaoga ai le faiga o le ola faalagolago atili i le tulaga faatausimea i mea tautupe. E ui o le mulimuli i lenei faiga o le ola faalagolago e ono faigata i le taimi muamua, ae o le a fesoasoani e te saunia lelei ai mo le lumanai. O se tulaga masani lava le popole ina nei le lava au tupe mo mea e te manaomia i le taimi nei pe a totogi muamua lau sefuluai ma faataatia ese se tupe e teu. O se suega o le faatuatua. Sa tau atu e se epikopo atamai i se tagata fou liliu mai, “Afai o le totogiina o le sefuluai e le mafai ai ona e totogia le vai po o le eletise, ia totogi le sefuluai. Afai o le totogiina o le sefuluai e le mafai ai ona e totogia lou fale mautotogi, totogi le sefuluai. Afai o le totogiina o le sefuluai e le lava ai au tupe e fafaga ai lou aiga, totogi le sefuluai. O le a le tuulafoaia oe e le Alii” (i le Aaron L. West, “Sacred Transformations,” Ensign, Tes. 2012, 38).

A o e mataituina au tupe faaalu, atonu foi la sa e mauaina ni tupe maua. Mafaufau pe o faapefea ona e pulea i le taimi nei au tupe, ma pe faapefea ona e faaleleia le totogiina muamua o le sefuluai ma lou tagata i le lumanai. O se tasi o au tautinoga i lenei vaiaso o le, ia faaaoga nei mataupu faavae ma ia faaauau ona mataitu lau tupe maua ma tupe faaalu i lenei vaiaso.

E ui o le faaaogaina o le faiga o le ola tutoatasi i le tulaga faatausimea mo mea tautupe e manaomia ai le faaaoga o le faatuatua ia Iesu Keriso, e faapena foi ona manaomia ai le faaaoga o tomai talafeagai i mea tautupe. O le vaiaso a sau, o le a amata ai ona e aoaoina le tomai o le faaaogaina faalelei o se paketi, lea o le a fesoasoani e te pulea ai lou faaaluina ma le faloina o au tupe e totogi ai tupe faaalu uma.

TalanoaE mafai faapefea e le totogi muamua o le sefuluai ma le sefeina o se tupe ona suia lou olaga?

2. Totogi Sefuluai ma Taulaga

FaitauNa aoao mai Peresitene James E. Faust o le Au Peresitene Sili: “O le tulafono o le sefuluai e faigofie lava,” “Tatou te totogiina le tasi vae-sefulu o mea tatou te maua. Omea tatou te maua ua faaliliuina e le Au Peresitene Sili o lona uiga o le tupe maua. O le aofaiga o le 10 pasene o a tatou tupe maua taitoatasi, e i le va lea o i tatou taitoatasi ma lo tatou Mataisau. … E pei ona fai mai se tagata liliu mai i Korea: ‘O le sefuluai, e le afaina ai pe e te mauoa pe mativa. … Afai e tele ni au tupe e maua, e te totogia le 10 pasene. Afai e itiiti se tupe e te maua, e te totogia lava le 10 pasene’” (“Opening the Windows of Heaven,” Ensign, Nov. 1998, 59).

Maimoa“O Le Fafine Sarefata ua Oti Lana Tane,” o loo maua i le srs.lds.org/videos. (Leai se vitio? Faitau le itulau 49.)

TalanoaAisea na tuuina atu ai e le fafine Sarefata ua oti lana tane lana taumafataga mulimuli i le perofeta o Elia Mata e te faia lena mea? Aisea pe aisea foi e leai ai?

FaitauO le tulafono o le sefuluai, sa i ai lava talu mai vaitaimi o le Feagaiga Tuai. I le Malaki, tatou te faitau ai, afai e totogi a tatou sefuluai, o le a tatala e le Alii “pupuni o le lagi” ia i tatou (tagai i le Malaki 3:10).

Na aoao mai Elder David A. Bednar, “O le vaaiga o faamalama po o ‘pupuni’ o le lagi o loo faaaoga e Malaki e matua aoga lava. E faataga e pupuni [po o faamalama] le malamalama faanatura ona ulufale i totonu o se fale. I se ala faapena, e faasalalau atu ai le malamalama ma le vaaiga faaleagaga e auala atu i faamalama [po o pupuni] o le lagi ma i o tatou olaga pe a tatou faamamaluina le tulafono o le sefuluai. … E manaomia ona tatou tatalo mo se fesoasoani e saili ai se galuega talafeagai. … O le meaalofa faaleagaga o le iloatino lelei [e mafai] ona faatagaina ai i tatou e iloa avanoa faigaluega ia e ono sopoloa ai le vaai o le toatele o isi tagata. … Atonu tatou te mananao ma le talafeagai ma galulue ina ia maua se siitaga o le totogi i a tatou galuega ina ia maua ai mea e manaomia o le olaga. [Po o i nisi foi o tulaga] atonu tatou te mananao ma faamoemoeina se totogi telē atu, ae o le faamanuiaga e oo mai ia i tatou e ala i pupuni faalelagi atonu e tele atu lona gafatia e galue ma sui ai o tatou lava tulaga nai lo le faamoemoeina o o tatou tulaga ina ia suia e se tasi po o se isi mea” (“O Pupuni o le Lagi,” Ensign po o le Liahona, Nov. 2013, 18).

TalanoaO a ni auala na taialaina ai oe e le malamalama faaleagaga (po o uunaiga patino) e sui ou lava tulaga?

O Le Tulafono o le Anapogi

Faitau“O le tausiga sa’o o se aso anapogi e aofia ai le le tagofia o meaai ma vaiinu mo ‘aiga sosoo e lua i se umi e 24-itula, ia auai i le sauniga anapogi ma molimau, ma tuuina atu se taulaga anapogi lotofoai e fesoasoani ai e tausia i latou o e le tagolima” (Tusitaulima 2: Taitaiina o le Ekalesia [2010], 21.1.17).

O taulaga anapogi e faaaoga e fesoasoani ai i e matitiva ma le tagolima? O le tuuina atu o se taulaga anapogi limafoai o le a faateleina ai foi lo tatou gafatia ona ola tutoatasi.

Na aoao mai Elder Jeffery R. Holland, “Ou te molimau atu i vavega, faaleagaga ma faaletino, lea e oo mai ia i latou o e ola i le tulafono o le anapogi. … Ia faataua lena avanoa paia tai masina, ma ia limafoai i lau taulaga anapogi ma isi foai agaalofa, faaleaoaoga, ma faifeautalai pe a talafeagai ai ma tulaga. Ou te folafola atu o le a agalelei le Atua ia te outou, ma i latou o e maua le toomaga ona o outou ma o le a faaamuia i lou igoa e faavavau” (“Pe Le o i Tatou Uma Ea o Ni Tagata Aisi?” Ensign po o le Liahona, Nov. 2014, 42).

TalanoaO le a se mea e mafai ona e faia e faaleleia atili ai au anapogi?

Talanoa i Sefuluai ma Taulaga Anapogi i Lau Fonotaga Faaleaiga

FaitauI lau fonotaga faaleaiga i le vaiaso lenei, talanoa i le aoga o le totogiina o sefuluai ma le faataatia ese o se tupe mo teugatupe i le taimi lava e maua ai lau tupe maua. Ia fuafua ma lou toalua pe faapefea ona faaleleia atili lua anapogi?

Atonu e te manao e faaaoga le faataatiaga o le “Faataitaiga o le Talanoaga i le Fonotaga Faaleaiga” o loo i lalo.

Faataitaiga o le Talanoaga i le Fonotaga Faaleaiga

Ia mautinoa e amata ma faaiu i se tatalo e valaaulia ai le Agaga.

Vaega 1: Iloilo

• O e totogiina se sefuluai atoa ma faamaoni?

• O e tuuina atu se taulaga anapogi lima foai?

• O a mai le mataituina o lau tupe maua ma tupe faaalu (tagai i le mataupu 1)?

Vaega 2: Fuafuaga

• O le a se mea e mafai ona e faia e totogi ai se sefuluai atoa ma faamaoni?

• O le a se mea e te manatu o se taulaga anapogi limafoai?

• E mafai faapefea ona e faaleleia atili ai au anapogi?

• E mafai faapefea ona e faaaogaina le faiga o le ola tutoatasi i le tulaga faatausimea i mea tautupe (tagai i itulau 39–40)?

Gaoioiga (10 minute)

Tali faamaoni i fesili taitasi nei.

O A Ni Ou Lagona e uiga i Lenei Aafiaga?	Lei faia lava	O nisi taimi	Tele o taimi	Taimi uma
Ua lipoti tagata uma o le vaega e uiga i ana tautinoga.	□	□	□	□
O le matou vaega e amata ma uma i le taimi sao.	□	□	□	□
Ou te lagona se sootaga ma tagata o le matou vaega.	□	□	□	□
Ou te lagona le Agaga i fonotaga a le matou vaega.	□	□	□	□
E auai tutusa tagata uma i le vaega.	□	□	□	□
Ou te lagona ua ou faasolosolo agai atu i le ola tutoatasi.	□	□	□	□
Ou te lagona le alofaina e tagata o lau vaega.	□	□	□	□

TalanoaO le a se mea e mafai ona tatou faia e faaleleia atili ai aafiaga a le tatou vaega?

Sa Matuai Faigofie Lava!

I le fale i se tasi o afiafi ina ua uma se fonotaga a le vaega, sa ma fuafuaina ai ma lo’u toalua e amata ona faataatia ese se tupe mo teugatupe ao lei totogiina ma matou tupe faaalu i mea e ola ai i le taimi nei. Sa talanoa atu o ia i se tasi o le matou iuni fai aitalafu i le aso na sosoo ai, ma sa latou fai mai ia te ia, e mafai ona latou faaui faaotometi se vaega o siaki e teu sa’o atu i le tusi siaki ma se isi vaega—po o le a lava le aofai ma te filifilia—i se teugatupe. O lenei la, o taimi uma lava ou te totogi ai, e otometi lava ona faaui atu i tusitupe eseese. Sa matuai faigofie lava! O le sefeina o tupe i le taimi lenei, ua le o se mea e tatau lava ona matou mafaufau i ai!