LIpoti—Taimi Aofai: 25 Minute

Tautinoga o le Vaiaso ua Te’a

1. Faataitai ma faasoa atu le mataupu faavae o le vaiaso ua te’a, O Lo’u Faavae.

2. Mataitu a’u tupe maua ma tupe faaalu

3. Talanoa i le tulaga faatausimea i mea tautupe i lau fonotaga faaleaiga.

4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausi au tautinoga i lenei vaiaso. Faaaoga le siata “Iloiloina o A’u Taumafaiga” i le amataga o le tusi galuega lenei. Faasoa atu lau iloiloga i lau paga ma talanoa faatasi ma ia i le fesili o loo i lalo. Ona ia tusia lea o mataitusi amata o lona igoa i le mea ua faailoa atu.

TalanoaO a ni luitau sa e oo i ai i le tausiga o au tautinoga i lenei vaiaso?

Laasaga 2: Lipoti i le Vaega (8 minute)

A uma ona iloilo au taumafaiga, toe faatasitasi mai ma lipoti atu au taunuuga. Faasolo i le vaega ma tau taitoatasi mai pe na e faatulagaina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua te’a.

Laasaga 3: Faasoa Ou Aafiaga (10 minute)

Ia faasoa nei o se vaega i mea ua e aoaoina mai le taumafaiga e tausia au tautinoga i le aluga o le vaiaso.

Talanoa

• O a ni ou aafiaga na i ai i le faataitaiga po o le faasoaina atu o le mataupu faavae O Lo’u Faavae?

• O a ni mamanu po o ni mausa na e mauaina a o mataituina au tupe faaalu?

• O a ni mea na e aoao mai i lau fonotaga faaleaiga? O le a se mea na e aoao mai i le iloiloga o mea tautupe (tagai i le itulau 26)?

• O faapefea ona fesoasoani le galulue faatasi ma se soa galue ia te oe?

Laasaga 4: Filifili Soa Galulue (2 minute)

Filifili se soa galue mai le vaega mo le vaiaso a sau nei. E masani lava, o soa galue e tutusa itupa ma e le o ni tagata o se aiga.

Faaalu ni minute se lua i le taimi lenei e feiloai atu ai i lau soa galue. Faailoa atu oulua ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma po o afea e te lua faafesootaia ai le tasi ma le isi i le vaiaso lenei.

Aso Sa	Aso Gafua	Aso Lua	Aso Lulu	Aso Tofi	Aso Faraile	Aso Toonai