Aoao—Taimi Aofai: 45 Minute

Talanoaga i le Aso

Paketi

Faafanua o le Faamanuiaina i le Tulaga Faatausimea i Mea Tautupe

TalanoaAisea e te manatu ai o le “paketi” o se puipui i le Faafanua o le Faamanuiaina i le Tulaga Faatausimea i Mea Tautupe ae le o se fogafale?

FaitauO le aso o le a tatou talanoa ai i se tasi o meafaigaluega aupito taua mo le fausiaina o le puipuiga i mea tautupe ma le ola tutoatasi: faia ma le faaaogaina lelei o se paketi. O se paketi o se fuafuaga. I le faaaogaina o se paketi, e te fuafua ai le ala o le a e faaaogaina ai au tupe mo se vaitaimi faapitoa.

O le mulimuli i le paketi o le a fesoasoani ia te oe ma lou aiga e pulea lou olaga faaletino, ma aveese ai le tagata o le lalolagi (tagai i le Mosaea 3:19), ae valaaulia ai le Agaga i totonu o lou aiga. O le paketi e mafai foi ona fesoasoani ia te oe e puipui ai lou aiga mai faafitauli a o e faaaogaina e faasoasoa ai tupe mo le faaputuina o se tupe faaleoleo mo mea e tutupu faafuasei, togitogi aitalafu, ma sefe mo tupe faaalu i le lumanai.

O le faia ma le mulimuli ai i se paketi o se faatinoga lea o le faatuatua. E le mafai ona tatou valoia le lumanai, ma e masani lava ona oso faafuasei mai mea e totogi. E taua le manatua o se paketi e tatau ona maufetuutuunai—e faaauau pea ona fetuutuunai ma faaleleia atili. A e faia se paketi i le vaiaso lenei, ia manatua, o le a manaomia ona iloilo soo ma faamanatu e le aunoa i taimi o a outou fonotaga faaleaiga. Afai e ova lau paketi, aua e te fiugofie! Atonu e alu ni nai masina o fetuutuunaiga ona faatoa e maua lea o se paketi lelei.

Gaoioiga: (5 minute)

Laasaga 1: Faaalu se minute e iloilo filemu ia parakalafa na faatoa e faitau i ai i le faaaogaina o se paketi. Vase lalo o faamanuiaga faapitoa o le faaaogaina o se paketi.

Laasaga 2: Ona faasolo lea i le vaega ma faasoa mai le faamanuiaga na vase lalo e sili ona anoa ia te oe.

1. Fai se Paketi

FaitauI gaoioiga o loo i lalo, o le a tatou faataitai faia ai se paketi.

Mo le aso, o le a e taumateina ai aofaiga o loo fesiligia e faavae i mea o loo e iloa, ma mea ua e aoaoina mai le mataituina o au tupe maua ma tupe faaalu. O se tasi o au tautinoga i lenei vaiaso o le, ia toe fai lenei galuega i fuainumera mo’i e faaaoga ai le siata i le faaiuga o le mataupu lenei.

Ina ia faia se paketi, ia amata i lau tupe maua.

Gaoioiga (3 minute)

I le paketi faataitai o loo i le itulau 60, faatumu le sela muamua o le koluma “Tupe maua” i lau tupe maua neti [faaiu] fuafuaina o le masina. O le neti o lona uiga o lau tupe e te aveina i le fale.

FaitauO le isi laasaga i le faia o se paketi, o le faavasega ma fuafuaina au tupe faaalu. Sa e mataituina au tupe faaalu ma tuu i latou i vaega na e fatuina i le mataupu 1. O le a tatou vaevaea a tatou tupe faaalu i ni ituaiga se lua “Tumau” ma le “Fesuiai” O nisi nei o faataitaiga.

Tupe Faaalu Tumau (T)	Tupe Faaalu Fesuiai (F)
Mokesi/mautotogi	Pili o le eletise, suavai ma le kesi
Peimeni o le taavale	Meaai
Peimeni o le inisiua	Aai i faleaiga
Sefuluai	Penisini ma feoaiga
Tupe faaleoleo mo mea e tutupu faafuasei	Sapalai o fale
Isi pili	Faafiafiaga

Tupe Faaalu Tumau

FaitauO tupe faaalu tumau e mo se aofaiga mautinoa ma e le suia. O le tele o nei tupe faaalu o le a tai masina, ae e ono i ai nisi e faatele atu pe itiiti foi ona faia. O tupe faaalu tumau e le mafai ona pulea tonu e mausa faaalu; ae, o tupe faaalu tumau e pulea e ala i le iloiloina o ou tulaga ma le faia o suiga. O se auala lelei e faailoa ai tupe faaalu tumau o le fesili, “E fai soo lenei tupe faaalu, ma pe tutusa lava le aofaiga o lenei tupe faaalu i taimi uma?” O faataitaiga masani e aofia ai se mokesi, fale mautotogi, peimeni o se taavale, ma tupe faaalu mautinoa e pei o le initoneti, keipo, po o pili o le telefoni.

E i ai foi tupe faaalu tumau e le faapea e tai masina; o nisi taimi e tai tausaga, tai afa tausaga, pe tai kuata. Mo se faataitaiga, afai e tai 6 masina ma e totogia se inisiua o le taavale po o le inisiua o le ola i le tai 12 masina, o se tupe faaalu tumau lea mea. Ina ia faaliliu le tupe faaalu tumau lenei ia fetaui i lau paketi, vaevae le aofaiga e te totogia i le numera o masina i le va o peimeni. E ui atonu e te le totogia tai masina le pili lenei, ae o le a e faataatia ese le vaega talafeagai i masina taitasi ina ia mafai ona e totogia le pili pe a oo i le aso e totogi ai.

Gaoioiga (10 minute)

Tusi au tupe faaalu tumau i le paketi faataitai o loo i le itulau e sosoo ai. Tusi se T i le koluma “Ituaiga”, ae mate le aofaiga o le tupe faaalu i le koluma lona tolu. A o e faaopoopoa tupe faaalu, tausi se paleni faaauau o le aofai o le tupe maua o loo totoe i le koluma “Paleni”. Tagai i le paketi faataitai mo se fesoasoani.

Tupe Faaalu Fesuiai

FaitauO tupe faaalu fesuiai e le tutusa le aofai i masina taitasi. E i ai nisi o tupe faaalu e le pulea tonu e au mausa faaalu. Mo se faataitaga, o tupe faaalu e pei o au pili o mea e faaaoga (suavai, kesi, eletise, ma isi mea faapena) e fesuisuiai e fua i le faaaogaaga. Ae peitai, e ui e ono suia le aofai tai masina, ae e mafai lava ona e paketi mo ia mea.

A oo loa i le paketiina, o tupe faaalu fesuiai e sili ona taua o mea ia e tele ina e puleaina. O nei mea e pulea tonu lava e ala i au mausa faaalu. O se auala lelei lava e faailoa ai le tele o nei tupe faaalu, o le fesili ifo ia te oe lava, “Pe ou te faataua lenei mea mai i se faleoloa (po o le initoneti)?” Mo le tele o tupe faaalu fesuiai, e mafai ona e faia le filifiliga ia tele pe laitiiti le faaalu i nei eria. O faataitaiga e aofia ai meaai, penisini, aai i faleaiga, telefoni feaveai, ma mea faafiafia.

Gaoioiga (10 minute)

Tusi au tupe faaalu fesuai i le paketi faataitai. Tusi se “F” i le koluma “Ituaiga”, ae mate le aofaiga o le tupe faaalu i le koluma lona tolu. A o e faaopoopoa tupe faaalu, tausi se paleni faaauau o le aofai o le tupe maua o loo totoe i le koluma “Paleni”. Tagai i le paketi faataitai mo se fesoasoani.

Gaoioiga o le Paketi Faataitai (E Faaaoga ai Tau Fuafuaina)

Faamatalaga	Ituaiga	Tupe Maua	Tupe Faaalu	Paleni
Tupe Maua	(LF)
Paleni

Paketi Faataitai

Faamatalaga	Ituaiga	Tupe Maua	Tupe Faaalu	Paleni
Tupe Maua	(LF)	1,000
Sefuluai ma Taulaga	AF		110	890
Tupe faaleoleo mo le masina e tasi mo mea e tutupu faafuasei	T		50	840
Inisiua	T		80	760
Lisi [Fale mautotogi]	T		300	460
Suavai, eletise, kesi	F		30	430
Mea faaaoga i le fale ma meaai	F		230	200
Peimeni o aitalafu	F		80	120
Femalagaaiga	F		50	70
Mea faafiafia	F		30	40
Mea Eseese	F		40	0
Paleni				0

2. Paleni o se Paketi

FaitauA o e tuufaatasia lau paketi, atonu e te iloa ai e tele atu au tupe faaalu nai lo o le tupe maua. Afai o le tulaga lea o loo e i ai, e le o nao oe. Ma o se faafitauli lenei e mafai ona e foia. E lua auala e faaleleia ai lenei luitau: Ia faateleina se tupe maua e maua mai, po o le faaitiitia o tupe e faaalu. Mo le taimi nei, tatou talanoa i auala e mafai ona tatou faaaogaina ai se paketi e fesoasoani ia itiiti ai a tatou tupe faaalu, e ala i le aoao i auala e pulea ai le tele o tupe tatou te faaaluina i mea tatou te mananao ai.

Maimoa“Continue in Patience” o loo maua i le srs.lds.org/videos (Leai se vitio? Faitau le itulau 66.)

TalanoaE faapefea ona faapei oe o nei tamaiti i nisi o taimi? O le fea o tamaitiiti ia oe?

Gaoioiga (7 minute)

Laasaga 1: Ia taitoatasi ma suesue mamanu o le faaaluina o au tupe i le taimi nei, e ala i le faasao o pusa i le siata lenei. E mafai ona e fetuunaia au tupe faaalu ina ia faamuamua lelei ai mea e manaomia umi nai lo o mea e faananau i ai i se taimi puupuu?

O A O’u Lagona e uiga i Au Tupe Faaalu?	E laitiiti tele lo’u faaaluina	E lelei lo’u faalogona e uiga i lau tupe faaalu	Ua tele tele le tupe ua ou faaaluina
Aai i faleaiga	□	□	□
Meaai	□	□	□
Meaai mama ma mea inu	□	□	□
Faafiafiaga	□	□	□
Fale mautotogi po o le mokesi	□	□	□
Mea e Faaaoga [Suavai, Eletise, Kesi]	□	□	□
Lavalava	□	□	□
Aitema o le fale	□	□	□
Femalagaaiga	□	□	□
Inisiua	□	□	□
Telefoni feaveai	□	□	□

Laasaga 2: Fai paga ma lou toalua po o le soa galue. Faailoa po o fea o lau paketi e tatau ona faalaitiiti ai le tupe faaalu, ma tusi ou manatu i lalo.

O Le Faafitauli o le Komisi

O lou toalua e totogi i ana komisi, o lea la, e le tutusa ai lava ana siaki ma le siaki na mulimuli atu. Ma o nisi o taimi e i ai se va i le mauaina o lana siaki! Sa ma aoao ai e ‘alu i le faasologa’: totogi muamua pili aupito sili ona taua, sosoo ai ma le isi pili e sosoo i ai lona taua. E tatau ona filifili tagata uma po o le a le uiga ia i latou o le ‘aupito sili ona taua’.

Talanoa i le Paketiina i le Tou Fonotaga Faaleaiga

FaitauNa aoao mai Elder Robert D. Hales, “O se [tasi] o auala taua tatou te fesoasoani ai i a tatou fanau ina ia avea ma ni tagata fuafua tatau i le faatulagaina o se paketi a le aiga. E tatau ona tatou iloiloina e le aunoa tupe maua, teugatupe, ma fuafuaga o tupe faaalu i fonotaga faaleaiga. O lenei mea o le a aoao ai a tatou fanau ia iloa le eseesega i le va o mea e manaomia ma mea e faananau i ai, ma ia fuafua mamao ai mo le faaaogaina lelei o punaoa a le aiga” (“Becoming Provident Providers Spiritually and Temporally,” Ensign po o le Liahona, Me 2009, 9).

I le tou fonotaga faaleaiga i lenei vaiaso, ia galulue faatasi ma lou toalua e fai se paketi a le aiga. Afai e te nofotoatasi, pe e te manaomia se fesoasoani faaopoopo, ia fono faatasi ma se uo, matua, tagata o le aiga, faufautua, po o se tagata o le vaega. Atonu e te manao e faaaoga le faataatiaga o loo i lalo o le “Faataitaiga o le Talanoaga i le Fonotaga Faaleaiga”.

Faataitaiga o le Talanoaga i le Fonotaga Faaleaiga

Ia mautinoa e amata ma faaiu i se tatalo ia valaaulia ai le Agaga.

Vaega 1: Iloilo

• E fia se aofai e te faaaluina i vaega taitasi?

• E faapefea ona avea le paketiina ma se faatinoga o le faatuatua?

Vaega 2: Fuafua

• Fai se paketi e faaaoga ai faatonuga o loo i le mataupu lenei. Faatumu le siata “O La’u Paketi” i le itulau 67.

• Po o talafeagai au vaega taitasi o le paketi?

• Afai o lea, o fea e mafai ona faalaitiiti ai lau faaalu i lau paketi ina ia paleni ai, pe ina ia ogatusa lelei ai lau faaalu ma ou manaoga po o mea e faataua?