My Foundation [Ang Aking Saligan]: Gamitin nang Matalino ang Oras—Maximum na Oras: 20 Minuto

Pag-isipang mabuti:Bakit isa sa pinakadakilang mga kaloob ng Diyos ang oras?

Panoorin:“The Gift of Time,” makukuha sa srs.lds.org/videos. (Walang video? Basahin ang pahina 91.)

Ang Kaloob na Oras

Kung hindi ninyo mapapanood ang video, pumili ng mga gaganap na tauhan at ipabasa ang script na ito.

Kofi: Hello, Sister Benkosi. Kumusta?

Sister Benkosi: Okey ka ba, Kofi?

Kofi: Hello, Sister Benkosi. Marami po akong ginagawa. Kailangan kong magtrabaho at magsilbi at tumulong sa pamilya ko … at may football pa ako. Kulang talaga ang oras ko!

Sister B.: Kofi, nasa iyo ang lahat ng oras.

Kofi: Ano po?

Sister B.: Iho, binigyan tayo ng Diyos ng magandang regalo—ang ating oras. Gugulin natin ito sa mga bagay na pinakamahalaga.

Kofi: Pero paano po, Sister Benkosi? Lagi kayong maraming nagagawa. Matagumpay po kayo sa inyong pamilya at negosyo. Naglingkod kayo at natulungan ang marami, gaya ko. Di ko alam kung paano n’yo ito ginagawa.

Sister B.: Gusto mo ba talagang malaman? Kung mauupo ka at makikinig, sasabihin ko sa iyo ang sikreto ko.

Madaling-araw ako gumigising. Nagbibihis ako at naghihilamos.

Nagbabasa ako ng mga banal na kasulatan. Pagkatapos inililista ko ang gagawin ko sa araw na iyon.

Iniisip ko kung sino ang paglilingkuran ko. Nagdarasal ako para malaman ang kalooban ng Diyos. At nakikinig ako.

Kung minsan pumapasok sa isip ko ang mga pangalan o mukha ng mga tao. Idinadagdag ko sila sa listahan ko.

Kofi: Kaya ba lagi ninyong nalalaman kung sino ang paglilingkuran ninyo?

Sister B.: Oo, Kofi. At ipinagdarasal ko na bigyan ako ng lakas at karunungan. Ipinagdarasal ko na “[pabanalin ng Diyos] ang [aking] pagganap.” Iyan ang sabi sa 2 Nephi 32.

Nagpapasalamat ako sa Kanya. Nangangako ako na gagawin ko ang lahat ng aking makakaya. Nagpapatulong ako sa Kanya sa mga bagay na hindi ko kayang gawin.

Pagkatapos tinitingnan ko ang listahan ko. Nilalagyan ko ng 1 ang pinakamahalaga, at ang sumunod ay 2.

Kofi: Paano ninyo nalalaman kung ano ang uunahin?

Sister B.: Nakikinig ako kapag nagdarasal ako! Pagkatapos ay kumikilos ako. Tinitingnan ko ang number 1 at sinisikap kong unahin ito, at isinusunod ko ang number 2.

Kung minsa’y nagbabago ang mga bagay-bagay. Sinasabi sa akin ng Espiritu Santo na iba ang gawin ko. Maganda iyon.

Nagpapakapagod ako, pero panatag ako. Alam kong tutulungan ako ng Diyos.

Kaya, sa tulong ng listahan ko at ng Espiritu, nagagawa ko ang mahalaga, Kofi.

Kofi: Parang madaling mahirap.

Sister B.: Tama ka! Bago ako matulog, nagdarasal ako. Nagrereport ako sa Ama sa Langit. Sinasabi ko sa Kanya ang nangyari sa maghapon. Nagtatanong ako. Itinatanong ko kung ano pa ang mapagbubuti ko. Nakikinig ako. Madalas kong madama ang Kanyang pagmamahal. Alam ko na pinag-iibayo Niya ang sinisikap kong gawin. Tapos panatag na ako, Kofi, at natutulog na ako.

Kofi: Ayos ‘yan, Mamma Benkosi. Gusto ko ang kapanatagang iyan. Gusto kong gamitin ang oras ko. Gusto kong gumawa at maglingkod nang mas mabuti.

Bumalik sa pahina 90.

Talakayin:Ano ang natutuhan mo kay Sister Benkosi?

Basahin:Alma 34:32 at ang pahayag ni Pangulong Brigham Young (sa kanan)

“Sapagkat masdan, ang buhay na ito ang panahon para sa mga tao na maghanda sa pagharap sa Diyos; oo, masdan, ang araw ng buhay na ito ang araw para sa mga tao na gampanan ang kanilang mga gawain.”

Alma 34:32

“Oras lang ang puhunan dito sa lupa. … Kung gagamitin sa tamang paraan, daragdag ito sa iyong kaginhawahan, kaluwagan, at kasiyahan. Isaalang-alang natin ito, at huwag nang maupo na nakahalukipkip, na nagsasayang ng oras.”

Brigham Young, sa Discourses of Brigham Young, pinili ni John A. Widtsoe (1954), 214

Aktibidad

Step 1: Kasama ang partner, basahin ang limang hakbang na magagawa ninyo bawat araw para matalinong magamit ang inyong oras.

➊ Maglista ng mga Gagawin	➋ Manalangin	➌ Magtakda ng mga Prayoridad	➍ Magtakda ng mga Mithiin, Kumilos	➎ Magreport
Tuwing umaga, ilista ang mga gagawin. Idagdag ang pangalan ng mga taong paglilingkuran.	Manalangin na mapatnubayan. Repasuhin ang iyong listahan ng mga gagawin. Makinig. Mangakong gawin ang lahat ng iyong makakaya.	Sa iyong listahan ng mga gagawin, isulat ang 1 sa tabi ng pinakamahalaga, 2 sa tabi ng kasunod na mahalaga, at iba pa.	Makinig sa Espiritu. Magtakda ng mga mithiin. Magsikap nang husto. Magsimula sa pinakamahalagang gawain at gawin nang sunud-sunod ang iba pang nasa listahan.	Tuwing gabi, magreport sa Ama sa Langit sa panalangin. Magtanong. Makinig. Magsisi. Damhin ang Kanyang pagmamahal.

Step 2: Sa hiwalay na papel, ilista ang mga gagawin mo. Dapat ay mahalaga ang mga gawaing ito para sa iyong trabaho, sa pag-aaral, sa simbahan, o sa paglilingkod sa pamilya—hindi lang basta araw-araw na gawaing-bahay. Ipagdasal at unahin ang mahalaga sa listahan mo.

Step 3: Bukas ay dapat kang magtakda ng mga mithiin, kumilos, at magreport kung paano mo nagamit ang iyong oras.

Mangakong gawin:Mangakong gawin ang mga sumusunod sa linggong ito. Lagyan ng tsek ang box kapag nakumpleto mo ang bawat gawain:

• Isagawa ang mga hakbang na ito sa araw-araw para magamit mo nang mas matalino ang iyong oras. Magreport tuwing gabi sa Ama sa Langit sa iyong mga dalangin.

• Ibahagi sa iyong pamilya o mga kaibigan ang natutuhan mo ngayon tungkol sa matalinong paggamit ng oras.