Aoao—Taimi Aofai: 45 Minute

Talanoaga i le Aso:

2 Puipui Lou Aiga mai Faafitauli

ata auiliili o le fale

Faafanua o le Faamanuiaina i le Tulaga Faatausimea i Mea Tautupe

Siakiina o le Paketi ma le Faaaluina [o Tupe]

FaitauIloilo ma faafou lau paketi. O a mea ua lelei tele? O a ni vaega e manaomia ona e fetuunaia, pe afai e i ai? E mafai ona faaitiitia lou faaalu i nisi o vaega ina ia vave faaputu ai lau tupe faaleoleo mo mea e tutupu faafuasei, ia saoloto ai mai aitalafu, pe sefe ai mo le lumanai? O se tasi o au tautinoga i le vaiaso lenei, o le a e talanoaina ai le gaoioiga lenei i le taimi o le fonotaga faaleaiga.

Gaoioiga: (5 minute)

Mafaufau i vaega taitasi o loo i lalo, ma tali faamaoni i ai.

O A Ni O’u Lagona e uiga i le Faaaluina o A’u Tupe?	E itiiti tele la’u faaalu	E lelei o’u faalogona e uiga i le faaaluina o a’u tupe	Ua tele naua la’u faaalu
Aai i faleaiga	□	□	□
Meaai	□	□	□
Meaai mama ma mea inu	□	□	□
Faafiafiaga	□	□	□
Fale mautotogi po o le mokesi	□	□	□
Mea Aogā	□	□	□
Lavalava	□	□	□
Aitema o le fale	□	□	□
Femalagaaiga	□	□	□
Inisiua	□	□	□
Telefoni feaveai	□	□	□

Mafaufau LolotoO le a se mea o le a e faia pe a e fetaiai ma se faafitauli tautupe? O a ni faafitauli tautupe na e oo i ai i le taimi ua mavae?

FaitauI le Feagaiga Tuai, sa muai lapataiina ai e Iosefa ia Farao e uiga i tausaga e fitu o le mau, sosoo ai ma tausaga e fitu o le oge. Sa vave ona tofia e Farao ni taitai e faataatia ese mea faasili mai tausaga mau e sauniuni ai mo tausaga leaga (tagai i le Kenese 41:1–37). E ui ina e le o taimi uma tatou te maua ai se valoaga manino i se taimi o le a oo mai ai aso lelei ma aso leaga, ae ua uunaia i tatou e perofeta i aso nei e saunia mo faafitauli, ae maise lava i taimi sololelei.

I le mataupu lenei, o le a tatou aoao ai i mea e fai pe a tatou fetaiai ma faafitauli tautupe ma le ala e saunia ai mo faafitauli ao lei tutupu.

TalanoaO a ituaiga o faafitauli tautupe e te lua ono fetaiai? Tusi i lalo manatu o le vaega.

E I Ai Lava i Taimi Uma se Auala

Ina ua amata ona ma aoao e uiga i le atinaeina o se tupe faaleoleo mo mea e tutupu faafuasei, ma te lei mafaufau ma lou toalua o le a mafai moni ona lava se tupe ma te maua. Sa ma tatalo mo le taitaiga, ma o le ma tali o le faatau ese o se tasi o a matou taavale. O le taimi nei e alu lou toalua i le galuega i le pasi, ae ua i ai se matou tupe atoa mo mea e tutupu faafuasei.

1. Aoao e Taulima Faafitauli Tautupe

FaitauE pei o se fuafuaga e sao ai mai faalavelave faafuasei po o le afi, a tulai mai se faafitauli tautupe, e tatau ona i ai se gaoioiga e faigofie ona mulimuli ai. Sa fesili Marvin J. Ashton e uiga i le taulimaina o faafitauli, “E mafai ona e nofo filemu i lalo, toe iloilo mea moni, ma lisi auala uma o gaoioiga e ono i ai? E mafai ona e faailoaina mafuaaga ma fuafua ia fofo? O le mafaufau filemu e sili atu ona vave foia ai faafitauli nai lo o le malosi o le popolevale” (“Give with Wisdom That They May Receive with Dignity,” Ensign, Nov. 1981, 88). O le muai fuafuaina pe faapefea ona taulima faafitauli tautupe, o le a mafai ai ona e saunia faalelagona ma faaletupe pe a oo mai faafitauli, ma mafai ona fesoasoani e te taofia ai nisi o faafitauli i le lumanai. O le taulimaina o faafitauli tautupe e manaomia ai ni laasaga se lua: iloilo le tulaga, ma faatino le gaoioiga talafeagai.

TalanoaAisea e taua ai le faia nei o se tonu i le ala e taulima ai se faafitauli tautupe? Na faapefea ona fesoasoani le Agaga i lou taulimaina o faafitauli i taimi ua tuanai?

Iloilo le Tulaga

FaitauIna ia iloilo se faafitauli tautupe e mafai ona oo i ai, atonu e te manao e fai atu fesili nei:

• O e faamaoni i le totogiina o au sefuluai ma taulaga? O e ola i se olaga e te agavaa ai i faamanuiaga a le Atua?

• O a ni puipuiga mo faalavelave faafuasei ua uma ona e faataatitiaina o le a fesoasoani i lou faafetaiaia o le luitau o loo i ai nei? O i ai ni au meaai ma vaiinu o teu? se tupe faaleoleo mo mea faafuasei e tutupu? inisiua e tatau ai?

• O le fea o itu o faaletonu ai au tapenapenaga mo mea e tutupu faafuasei?

• O a ni au polisi inisiua o i ai e mafai ona taulima ai nisi po o mea uma o lenei luitau?

• O le a le umi e mafai ona e faasoasoaina ai lau tupe faaleoleo mo mea e tutupu faafuasei?

• O i ai se avanoa i lau paketi ma le fuafuaga e aveese ai aitalafu mo fetuunaiga le tumau, pe a manaomia?

TalanoaAisea e taua ai le iloiloina totoa o se tulaga faatoa e faia ai se gaoioiga?

Fai le Gaoioiga

FaitauE faalagolago i le ituaiga ma le ogaoga o ou faafitauli tautupe, e i ai ni gaoioiga eseese e mafai ona e faia e fesoasoani ai ia foia ou luitau tautupe. E ui o nei gaoioiga e le fetaui i tulaga uma, ae o laasaga nei e tatau ona e maua ai se manatu o se mea e mafai ona e faia i le tulai mai o se faafitauli tautupe.

Valaau Lau Kamupani Inisiua

FaitauO nisi o faafitauli tautupe e ono aofia ai faalavelave faafuasei tau i le soifua maloloina, o se faalavelave tautaavale, lipeaina o le fale, po o le leai o se galuega. Mo ituaiga faapena, ae e te lei atuatuvale pe faia nisi gaoioiga, ia valaau i lau kamupani inisiua e siaki ai mea o loo kava i lau inisiua. O le fesili atu i ai e uiga i mea o loo kava i lau inisiua, e le faapea o loo e failaina se talosaga. Ae afai o loo kava ai le tulaga ua e [i ai], e tatau ona e maua ai se ata o le a i ai au tupe faaalu patino.

TalanoaO a ituaiga faafitauli tautupe e aoga ai le valaau atu i lau kamupani inisiua?

Faaaoga Lau Tupe Faaleoleo mo Mea e Tutupu Faafuasei

FaitauO le faamoemoega o lau tupe faaleoleo mo mea e tutupu faafuasei, ia fesoasoani ia te oe e te tagolima i ai i taimi o faafitauli tautupe. Aua nei i ai ni ou manatu tausalaina mo lona faaaogaina i tulaga nei. E mafai ona faaaoga lau tupe faaleoleo mo mea e tutupu faafuasei mo soo se mea lava e te manaomia—mai totogi o mea e ola ai e oo i tau silia o le inisiua. Ia atamai i le faaaogaina mo mea e tatau ai i taimi e tatau ai. Ia toe faaola lau tupe faaleoleo mo mea e tutupu faafuasei i le vave e mafai ai pe afai na e faaaogaina mai ai se tupe.

Totogi Muamua Au Tupe Faaalu Taua ma Pili

FaitauIa iloilo ma le totoa au tupe faaalu uma ma pili ma fuafua ai po o le fea e ao ona totogi i le taimi lava lena, ae o le fea e mafai ona faapafala mo se taimi puupuu e aunoa ma se sala tele. Atonu e manaomia ona e valaau atu i kamupani o i ai au pili e vaai pe i ai ni periota e tuuavanoa mai ai mo faafitauli le tumau, filifiliga mo ni fuafuaga o ni peimeni e leai ni tului, po o ni aso faaopoopo e faagata ai ona totogi au pili. Ia e atamai ia iloa po o le fea o tupe faaalu e tatau ona faamuamua, ma suesue aafiaga o itu leaga o le tolopoina o peimeni o isi pili ae e te lei faia lena mea. Atonu e tatau ona e tipiina mo se taimi ia tupe faaalu le tatau, pe a mafai. Ia taulai atu i meaai, fale, mea e faaaoga, ma femalagaaiga tatau ae lei totogia isi tupe faaalu.

TalanoaAisea e sili ai le taua o le totogi muamua o tupe faaalu ua lisiina atu?

Valaau i Kamupani o Loo E Aitalafu Ai

FaitauI tulaga sili ona ogaoga, atonu e atamai le valaau atu i kamupani o loo e aitalafu ai ma faamatala i ai lou tulaga o i ai nei. Po o le a lava le faafitauli, atonu e te manao e fesili atu ia i latou e:

• Faatuai pe faaitiitia ia peimeni mo se taimi le tumau.

• Fai ni suiga faaumiumi pe tumau mo aiaiga o le nonogatupe?

E ui atonu e nao le pau lenei o le filifiliga talafeagai i tulaga ogaoga, ia nofouta, o le faatuaiiga o peimeni po o le suiga o aiaiga o lau nonogatupe, e mafai ona afua ai ni tau faaopoopo ma atili taugata ai le nonogatupe i se taimi i le lumanai.

Faailoa Isi Punaoa e Mafai Ona Fesoasoani Atu

FaitauO lo tatou tiutetauave o le saunia o mea e manaomia mo i tatou lava ma o tatou aiga. Ae ui i lea, atonu e i ai taimi e tatau ai ona tatou faalagolago atu i isi mo se taimi le tumau. Ao e sailia isi punaoa, ia faaeteete i le faalagolago umi atu i fesoasoani—o le faalagolago faapena o le a taotaomia ai lo tatou alualu i luma faaleagaga ma faaletino. E pei ona tatou faitau i le mataupu e 2, na aoao mai Peresitene Spencer W. Kimball, e fogafalefa le fesoasoani faaletino e mafai ona tatou liliu atu i ai:

faalagolago i mea tautupe

1. Oe Lava: E tatau ona fai muamua mea uma e mafai ona e faia mo oe ma lou aiga e tuuitiitia ai le vave faamatauina.

2. Aiga: Afai e le mafai ona e ausia e oe lava ou manaoga autu tautupe i le uma ai ona e faia o mea uma e te mafaia, e tatau ona e aapa atu i lou aiga vavalalata po o aiga lautele pe a manaomia, mo se fesoasoani tautupe mo se taimi le tumau mo le fale, meaai, po o isi manaoga.

3. Ekalesia: A uma ona faia mea uma e mafai ona e faia, ona saili atu lea o le fesoasoani mai aiga, e tatau ona e feiloai i ou taitai faale-Ekalesia (epikopo, peresitene o le paranesi, po o le peresitene o le Aualofa) e sue ai ni filifiliga faaopoopo. Ia manatua o ou taitai faale-Ekalesia ua aoaoina ma le atamai ia fesoasoani atu i tagata e lagolago i le ola pe a manaomia, ae le o sitaili o le olaga.

4. Nuu: Atonu e maua mo oe ni polokalama lagolago a nuu eseese po o le malo, e ono mafai ona ofoina atu le fesoasoani i tulaga o fautuaga i mea tautupe po o galuega, fesoasoani mo fale, lagolago i taumafa tatau mo le soifua maloloina o pepe fou ma failele, ma isi mea faapena. Ia manatua o nei polokalama ua mamanuina e tuuina atu le fesoasoani mo se taimi puupuu. Aua le faalagolago i ai mo se taimi umi.

TalanoaAisea e tatau ai ona tatou sailia muamua se fesoasoani mai o tatou aiga ao lei sailia se fesoasoani mai le Ekalesia ma le nuu. O a ni punaoa ua faailoa mai e lau vaega o loo maua i le tou eria e fesoasoani e taulima ai faafitauli?

Gaoioiga (10 minute)

Laasaga 1: Tali taitoatasi ia fesili o loo i lalo, ma mafaufau po o le a se mea o le a e faia e taulima ai se faafitauli tautupe.

A faapea e leai sau alatupe maua, o le a le umi e mafai ona ou ola ai i le taimi nei i au teugatupe? (E fia aso, vaiaso po o masina?)

O ai o loo ou nofo aitalafu ai o le a tatau ona ou valaau i ai e faamatala i ai lou tulaga?

O ai ni tagata o le aiga po o uo e mafai ona e tapa atu i ai pe a ou manaomia le fesoasoani?

Laasaga 2: Ia faatasi ma lau soa galue (po o lou toalua pe afai o i ai) ma talanoa i lua tali. Talanoa i auala e mafai ona e saunia lelei ai i le taimi nei mo taimi faigata i le lumanai. Faamaumau ou manatu, ma fai ni fuafuaga e tulitatao ai.

2. Faateleina Au Tapenaga mo Mea e Tutupu Faafuasei

FaitauUa tatau ona i ai pe ua tatau ona e galue i le atinaeina o se tupe faaleoleo mo le tasi le masina mo mea e tutupu faafuasei. E le tatau ona gata ai iina au tapenapenaga. Galue ina ia saoloto mai aitalafu o mea e faaaoga, ona faaputu lea o se tupe faaleoleo mo le ono masina mo mea e tutupu faafuasei, ma ia maua se inisiua e puipui ai lau tupe maua.

Atinae se Tupe Faaleoleo e Tolu- i le Ono Masina mo Mea e Tutupu Faafuasei

FaitauA uma ona e totogia uma au aitalafu o mea e faaaoga, o le isi laasaga o le faaputu o lau tupe faaleoleo mo le tasi le masina mo mea e tutupu faafuasei ia avea ma se tupe faaleoleo mo le tolu i le ono masina. Ia manatua e teu le tupe o lau tupe faaleoleo i se nofoaga saogalemu ia mafai ona e maua e aunoa ma ni sala. Faatupu le tupe lenei i se vave e te mafaia ai ina ia e saunia lelei ai mo ni faafitauli tautupe. O se tasi o au tautinoga i le vaiaso lenei, o le a e iloiloina ai lau tupe faaleoleo mo mea e tutupu faafuasei ma ia faaauau ona totogi uma au aitalafu o mea e faaaoga.

Ia Maua Mai se Inisiua Talafeagai mo Tupe Maua [Totogi]

Faamatalaga: Atonu o lenei faamatalaga e le faatatau i le tou risone po o le eria.

FaitauO se tasi o au aseta aupito taua o lau tupe maua [totogi]. Suesue i polisi inisiua faatuatuaina mo ma’i ma le ola i le tou eria, ma ia lava se kava o le inisiua e maua mai i se vave e mafai ai.

Talanoa i le Saunia mo Faafitauli Tautupe i le Tou Fonotaga Faaleaiga

FaitauO se tasi o au tautinoga i le vaiaso lenei o le, ia talanoa i au tali i le “Siakiina o le Paketi ma le Faaluina [o Tupe]” (tagai itulau 147) ma au sauniuniga mo faafitauli tautupe. Talanoa i mea e tutupu faafuasei e ono tutupu i lou aiga, auala e mafai ona e saunia ai mo na mea, po o le a le inisiua e te ono manaomia ia maua ai le fesoasoani e puipuia ai oe lava, ma fuafuaga e valaau atu i kamupani o i ai ni au pili po o aitalafu pe a oo ina manaomia. Atonu e te manao e faaaoga le “Faataitaiga o le Talanoaga i le Fonotaga Faalelagi” o loo faataatia atu i lalo. Ia manatua, afai e te lei faaipoipo, atonu o lau fonotaga faaleaiga e aofia ai lau soa e te lua potu faatasi, se uo, tagata o le aiga, po o se faufautua.

Faataitaiga o le Talanoaga i le Fonotaga Faaleaiga

Ia mautinoa e amata ma faaiu i se tatalo e valaaulia ai le Agaga.

Vaega 1: Iloiloga

• O faapefea mai oe i le faiga o lau paketi? (Iloilo tali i le gaoioiga “Siakiina o le Paketi ma le Faaaluina [o Tupe]” i le itulau 147.)

• O faapefea mai oe i le faiga o lau tupe faaleoleo mo le tasi le masina mo mea e tutupu faafuasei?

• O lava lou ola amiotonu e agavaa ai mo le fesoasoani a le Atua i le taimi o se faafitauli? O le a se mea e mafai ona e faaleleia atili?

Vaega 2: Fuafuaga

• O a ni faafitauli tautupe e ono tutupu i lou aiga?

• O le a se tele o se tupe faaleoleo mo mea e tutupu faafuasei e te manaomia mo le tolu i le ono masina? O le a se mea e mafai ona e faia e faaputuina ai?

• O le a se mea e tatau ma e le tatau ai ona faaaoga lau tupe faaleoleo mo mea e tutupu faafuasei.

• O a nisi mea e mafai ona e faia ia saunia ai mo nei faafitauli?

• O le a se inisiua e te manaomia ia maua ai le puipuiga o lau tupe maua [totogi], soifua maloloina, ma meatotino?

• O le a se mea e mafai ona e faia e faaleleia atili ai pe fetuunai ai lau paketi?