« តើព្រះអង្គសង្គ្រោះពិតជាយល់អំពីអ្វីដែលខ្ញុំកំពុងឆ្លងកាត់ដែរឬទេ ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ ( ឆ្នាំ ២០២០ )
« តើព្រះអង្គសង្គ្រោះពិតជាយល់អំពីអ្វីដែលខ្ញុំកំពុងឆ្លងកាត់ដែរឬទេ ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ
តើព្រះអង្គសង្គ្រោះពិតជាយល់ពីអ្វីដែលខ្ញុំកំពុងឆ្លងកាត់ដែរឬទេ ?
ព្រះអង្គសង្គ្រោះមានសេចក្ដីមេត្តាដ៏ទេវភាព
ព្រះអង្គសង្គ្រោះមានការយល់ដឹងដ៏ឥតខ្ចោះអំពីការលំបាកទាំងអស់របស់យើង ។ ក្នុងនាមជាមនុស្សរមែងស្លាប់ ការយល់ដឹងរបស់យើងគឺមានកំណត់ ។ យើងអាចប្រកាសជាមួយនីហ្វៃថា យើង « ដឹងថាព្រះអង្គទ្រង់ស្រឡាញ់កូនចៅរបស់ទ្រង់ ប៉ុន្តែទោះជាយ៉ាងណាក៏ដោយ គង់តែ [ យើង ] មិនយល់ន័យនៃរឿងទាំងអស់នោះទេ » ( នីហ្វៃទី១ ១១:១៧ ) ។
នៅពេលយើងស្វែងរកចម្លើយ និងការដឹកនាំក្នុងការធ្វើដំណើរផ្ទាល់ខ្លួនរបស់យើង នោះយើងអាចទុកចិត្តព្រះ និងទុកចិត្តលើព្រះចេស្ដានៅក្នុងការធ្វើពលិកម្មធួនរបស់ព្រះយេស៊ូវគ្រីស្ទ ។ នៅពេលព្រះយេស៊ូវគ្រីស្ទលើកដាក់មកលើព្រះអង្គទ្រង់នូវអំពើបាបនៃពិភពលោកនេះ នោះទ្រង់ក៏បានភ្លក់គ្រប់ការឈឺចាប់ និងការរងទុក្ខដែលមនុស្សលោកគ្រប់រូបអាចជួបផងដែរ ។
« ដ្បិតឥឡូវនេះ យើងមើលឃើញបែបស្រអាប់ដូចជាដោយសារកញ្ចក់ តែនៅវេលានោះ នឹងឃើញមុខទល់នឹងមុខ ឥឡូវនេះខ្ញុំស្គាល់មិនទាន់អស់ តែនៅវេលានោះ ខ្ញុំនឹងស្គាល់វិញ ដូចជាព្រះទ្រង់ស្គាល់ខ្ញុំដែរ » ( កូរិនថូស ទី១ ១៣:១២ ) ។
« ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង ហើយទ្រង់ធ្វើយ៉ាងនេះ គឺដើម្បីឲ្យបានបំពេញនូវពាក្យទាំងឡាយ ដែលបានចែងមកថា ទ្រង់នឹងលើកដាក់លើខ្លួនទ្រង់នូវការឈឺចាប់ និងជំងឺទាំងឡាយរបស់រាស្ត្រទ្រង់ » ( អាលម៉ា ៧:១១ ) ។