« តើខ្ញុំអាចនិយាយទៅកាន់ឪពុកម្ដាយ ឬប៊ីស្សពរបស់ខ្ញុំ អំពីការប្រតិព័ទ្ធភេទដូចគ្នាដោយរបៀបណា ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ ( ឆ្នាំ ២០២០ )
« តើខ្ញុំអាចនិយាយទៅកាន់ឪពុកម្ដាយ ឬប៊ីស្សពរបស់ខ្ញុំ អំពីការប្រតិព័ទ្ធភេទដូចគ្នាដោយរបៀបណា ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ
តើខ្ញុំអាចនិយាយទៅកាន់ឪពុកម្ដាយ ឬប៊ីស្សពរបស់ខ្ញុំ អំពីការប្រតិព័ទ្ធភេទដូចគ្នាដោយរបៀបណា ?
គន្លឹះដែលមានប្រយោជន៍ពីរបី
-
ប្រសិនបើអ្នកមានអារម្មណ៍ថាអាចនិយាយជាមួយនឹងឪពុក ឬម្ដាយ ឬសមាជិកគ្រួសារផ្សេងទៀត ឬអ្នកដឹកនាំសាសនាចក្រម្នាក់បាន ចូរពិចារណាចែកចាយអំពីអារម្មណ៍របស់អ្នកជាមួយនឹងពួកគេ ។ សូមជួយពួកគេឲ្យយល់អំពីអ្វីដែលអ្នកកំពុងឆ្លងកាត់ ដើម្បីពួកគេអាចបង្ហាញសេចក្ដីស្រឡាញ់ និងការគាំទ្រ ។
-
ប្រសិនបើពួកគេមិនយល់ពីបទពិសោធន៍នេះទេ សូមឲ្យពួកគេអានធនធានរបស់សាសនាចក្រស្ដីពីការប្រតិព័ទ្ធភេទដូចគ្នា ដែលមាននៅក្នុងផ្នែក ជួយដល់ជីវិត និងភាពខ្លួនទីពឹងខ្លួននៃគេហទំព័ររបស់សាសនាចក្រ ឬនៅលើកម្មវិធីបណ្ណាល័យដំណឹងល្អ ( ធនធានល្អៗមួយចំនួនអាចជា ការប្រតិព័ទ្ធភេទដូចគ្នា ៖ គ្រួសារ និងមិត្តភក្ដិ ឬ ការប្រតិព័ទ្ធភេទដូចគ្នា ៖ ថ្នាក់ដឹកនាំសាសនាចក្រ នៅលើគេហទំព័រ ChurchofJesusChrist.org ) ។ រឿងនេះអាចនឹងពុំមែនជាការសន្ទនាដ៏ងាយស្រួលដើម្បីចាប់ផ្ដើមនោះទេ ប៉ុន្តែវាសំខាន់ដើម្បីធ្វើឲ្យមានការសន្ទនាមួយកើតឡើង ។
-
ចូរមានចិត្តអត់ធ្មត់នឹងមនុស្សនៅជុំវិញអ្នក ហើយចងចាំថា អ្នកទាំងអស់គ្នាកំពុងរៀនជាមួយគ្នា ។ ប្រសិនបើមនុស្សដែលអ្នកស្រឡាញ់ពិបាកយល់ ឬពិបាកជួយគាំទ្រ នោះពួកគេអាចនឹងត្រូវការជំនួយរបស់អ្នក ។
-
ចូរប្រព្រឹត្តចំពោះឪពុកម្ដាយ និងថ្នាក់ដឹកនាំរបស់អ្នកដោយសន្ដានចិត្តល្អ និងការគោរពដូចគ្នា ដូចដែលអ្នកសង្ឃឹមចង់ឲ្យពួកគេប្រព្រឹត្តចំពោះអ្នកដែរ ។ ធនធានស្ដីពីការប្រតិព័ទ្ធភេទដូចគ្នានៅក្នុងផ្នែក ជួយដល់ជីវិត និងភាពខ្លួនទីពឹងខ្លួន ដូចជា ការប្រតិព័ទ្ធភេទដូចគ្នា ៖ អំពី ( នៅលើគេហទំព័រ ChurchofJesusChrist.org ) ត្រូវបានរៀបចំឡើងដើម្បីជួយដល់មនុស្សគ្រប់រូប ឲ្យយល់កាន់តែច្បាស់អំពីការប្រតិព័ទ្ធភេទដូចគ្នាចេញពីទស្សនវិស័យនៃដំណឹងល្អ ។