« ប្រសិនបើខ្ញុំស្មោះត្រង់ល្មមគ្រប់គ្រាន់ តើការប្រតិព័ទ្ធភេទដូចគ្នារបស់ខ្ញុំនឹងរលាយបាត់អស់ទៅដែរឬទេ ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ ( ឆ្នាំ ២០២០ )
« ប្រសិនបើខ្ញុំស្មោះត្រង់ល្មមគ្រប់គ្រាន់ តើការប្រតិព័ទ្ធភេទដូចគ្នារបស់ខ្ញុំនឹងរលាយបាត់អស់ទៅដែរឬទេ ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ
ប្រសិនបើខ្ញុំស្មោះត្រង់ល្មមគ្រប់គ្រាន់ តើការប្រតិព័ទ្ធភេទដូចគ្នារបស់ខ្ញុំនឹងរលាយបាត់អស់ទៅដែរឬទេ ?
ប្រពលភាពនៃការប្រតិព័ទ្ធភេទដូចគ្នានេះគឺ ពុំ វាស់វែងតាមរយៈភាពស្មោះត្រង់របស់អ្នកបាននោះទេ ។ មនុស្សជាច្រើនអធិស្ឋានអស់ជាច្រើនឆ្នាំ ហើយធ្វើអ្វីៗទាំងអស់ដែលពួកគេអាចធ្វើបាន ដើម្បីមានការគោរពប្រតិបត្តិក្នុងកិច្ចខិតខំដើម្បីកាត់បន្ថយការប្រតិព័ទ្ធភេទដូចគ្នា ប៉ុន្ដែពួកគេនៅតែមានការប្រតិព័ទ្ធភេទដូចគ្នា ។ ការប្រតិព័ទ្ធភេទដូចគ្នាកើតឡើងតាមលំដាប់ផ្សេងៗនៃប្រពលភាព ហើយមិនដូចគ្នាចំពោះមនុស្សគ្រប់រូបនោះទេ ។ មនុស្សមួយចំនួនមានការប្រតិព័ទ្ធមនុស្សទាំងពីរភេទ ហើយមនុស្សផ្សេងទៀតមានការប្រតិព័ទ្ធមនុស្សភេទដូចគ្នាយ៉ាងខ្លាំង ។ ចំពោះមនុស្សមួយចំនួន អារម្មណ៍នៃការប្រតិព័ទ្ធភេទដូចគ្នា ឬយ៉ាងហោចណាស់ប្រពលភាពនៃអារម្មណ៍ទាំងនេះ អាចនឹងរលាយបាត់ទៅក្នុងពេលមួយរយៈ ។ ក្នុងករណីណាក៏ដោយ ការផ្លាស់ប្ដូរនៅក្នុងការប្រតិព័ទ្ធនេះពុំគួររំពឹងទុក ឬតម្រូវឲ្យចេញជាលទ្ធផលមួយមកពីសំណាក់ឪពុកម្ដាយ ឬអ្នកដឹកនាំឡើយ ។
ប្រពលភាពនៃការប្រតិព័ទ្ធរបស់អ្នកអាចនឹងមិនស្ថិតនៅក្នុងការគ្រប់គ្រងរបស់អ្នកទេ តែទោះជាយ៉ាងណា អ្នកអាចជ្រើសរើសរបៀបដើម្បីឆ្លើយតបនឹងវាបាន ។ ការទូលសួរព្រះអម្ចាស់ថា តើអ្នកអាចរៀនអ្វីខ្លះមកពីបទពិសោធន៍នេះ អាចផ្ដោតសេចក្ដីជំនឿរបស់អ្នកទៅលើលទ្ធផល ដែលអ្នកអាចគ្រប់គ្រងបាន ។ ការបង្វែរជីវិតរបស់អ្នកទៅរកព្រះ គឺជាសកម្មភាពនៃសេចក្ដីជំនឿដ៏សំខាន់មួយ ដែលនាំមកនូវពរជ័យដ៏មហិមានាពេលឥឡូវនេះ និងពរជ័យកាន់តែមហិមានៅក្នុងបរលោក ។