Përmbledhje Historike

Kronologjia e mëposhtme jep një tablo të shkurtër historike të ngjarjeve kryesore në jetën e Presidentit Gordon B. Hinkli.

23 qershor 1910	U lindi Brajënt S. Hinklit dhe Ada Bitner Hinklit në Solt-Lejk-Siti të Jutës.
1922	Merr pjesë në një mbledhje të priftërisë të kunjit me babanë e tij dhe fiton një dëshmi për thirrjen profetike të Jozef Smithit.
1932	Diplomohet në Universitetin e Jutës, pasi kishte studiuar për anglisht, gazetari dhe gjuhët e lashta.
1933 – 1935	Shërben si misionar kohëplotë në Misionin Europian, duke e kaluar të gjithë kohën në Angli.
1935 – 1943	Punon si sekretar ekzekutiv i Komitetit të Kishës për Radion, Botimet dhe Literaturën e Misioneve.
1937	Thirret në bordin e përgjithshëm të Shkollës të së Dielës.
29 prill 1937	Martohet me Marxhëri Pein në Tempullin e Solt-Lejkut.
1943 – 1945	Punon si ndihmësmbikëqyrës për Hekurudhën Denver dhe Rio-Grande në Solt-Lejk-Siti, Juta dhe Denver, Kolorado.
1945 – 1958	I rikthehet punësimit në Kishë; në vitin 1951 fillon të mbikëqyrë veprimet e përditshme të Sektorit të sapoformuar të Misionarëve.
1953 – 1955	Nën drejtimin e Presidentit Dejvid O. Mek-Kei, rekomandon dhe mbikëqyr prodhimin e filmit për dhurimin [indaumentin] në tempull të përshtatur në shumë gjuhë.
28 tetor 1956	Thirret për të shërbyer si president i Kunjit Ist-Mill-Krik.
6 prill 1958	Mbështetet si Ndihmës i Të Dymbëdhjetëve.
5 tetor 1961	Shugurohet Apostull dhe veçohet si anëtar i Kuorumit të Të Dymbëdhjetëve nga Presidenti Dejvid O. Mek-Kei.
23 korrik 1981	Thirret për të shërbyer si këshilltar në Presidencën e Parë, për të ndihmuar Presidentin Spenser W. Kimball dhe Presidentët Marion G. Romni dhe N. Eldon Taner.
2 dhjetor 1982	Thirret për të shërbyer si Këshilltari i Dytë i Presidentit Kimball.
10 nëntor 1985	Thirret për të shërbyer si Këshilltari i Parë i Presidentit Ezra Taft Benson.
5 qershor 1994	Thirret për të shërbyer si Këshilltari i Parë i Presidentit Hauard W. Hanter.
3 mars 1995	Bëhet Apostulli më i vjetër në detyrë pas vdekjes së Presidentit Hanter.
12 mars 1995	Veçohet si President i Kishës së Jezu Krishtit të Shenjtorëve të Ditëve të Mëvonshme.
23 shtator 1995	Shpall deklaratën “Familja: Një Proklamatë drejtuar Botës” gjatë mbledhjes së përgjithshme të Shoqatës së Ndihmës.
shkurt 1996	Numri i anëtarëve të Kishës jashtë Shteteve të Bashkuara e kalon numrin e anëtarëve të Kishës brenda Shteteve të Bashkuara.
7 prill 1996	Del në programin televiziv të Shteteve të Bashkuara 60 Minutes [60 Minuta].
26 maj 1996	Përkushton Tempullin e Hong-Kongut, Kinë, tempullin e parë nga 77 tempujt që u përkushtuan gjatë presidencës së tij, 63 prej të cilëve i përkushtoi vetë.
5 prill 1997	Organizon tri Kuorumet e reja të Të Shtatëdhjetëve.
4 tetor 1997	Njofton një plan për ndërtimin e tempujve më të vegjël në të gjithë botën.
1 janar 2000	Me bashkapostujt e tij në Presidencën e Parë dhe Kuorumin e Të Dymbëdhjetëve, publikon “Krishti i Gjallë: Dëshmia e Apostujve”.
1 tetor 2000	Përkushton Tempullin e Bostonit, Masaçusets, tempullin e 100-të në funksionim.
8 tetor 2000	Përkushton Qendrën e Konferencave.
31 mars 2001	Njofton krijimin e Fondit të Qarkullueshëm Arsimor.
8 shkurt 2002	Mirëpret vizitorët nga e gjithë bota në Solt-Lejk-Siti për Lojërat Olimpike Dimërore.
27 qershor 2002	Përkushton Tempullin e Navusë, Ilinois, në 158-vjetorin e martirizimit të Jozef dhe Hajrëm Smithit.
11 janar 2003	Kryeson në transmetimin e parë të trajnimit të udhëheqjes mbarëbotërore.
8 shkurt 2003	U flet një milion fëmijëve të Fillores nëpërmjet transmetimit satelitor për të festuar 125-vjetorin e Fillores.
6 prill 2004	Mban zi për vdekjen e bashkëshortes së tij, Marxhëri.
23 qershor 2004	I dhurohet Medalja Presidenciale e Lirisë, çmimi më i lartë civil i dhënë në Shtetet e Bashkuara.
26 qershor 2007	Njofton se anëtarësia e Kishës i ka tejkaluar 13 milionë anëtarë dhe se një milion misionarë kanë shërbyer në misione që kur u organizua Kisha.
27 janar 2008	Vdes në shtëpinë e tij në Solt-Lejk-Siti të Jutës.