« តើខ្ញុំត្រូវធ្វើអ្វី នៅពេលដែលខ្ញុំបានបញ្ចប់ការអភិវឌ្ឍខ្លួន ? » ការអភិវឌ្ឍខ្លួននៃក្រុមយុវនារី ( ឆ្នាំ ២០០៩ ) ទំព័រ ៨៣–៨៤
« តើខ្ញុំត្រូវធ្វើអ្វី នៅពេលដែលខ្ញុំបានបញ្ចប់ការអភិវឌ្ឍខ្លួន ? » ការអភិវឌ្ឍខ្លួននៃក្រុមយុវនារី ទំព័រ ៨៣–៨៤
តើខ្ញុំត្រូវធ្វើអ្វី នៅពេលដែលខ្ញុំបានបញ្ចប់ការអភិវឌ្ឍខ្លួន ?
ការបំពេញកម្មវិធីការអភិវឌ្ឍខ្លួនគឺជាជំហានដ៏ចាំបាច់មួយនៅក្នុងការពង្រឹងសេចក្ដីជំនឿ និងទីបន្ទាល់ ហើយរៀបចំសម្រាប់សេចក្ដីសញ្ញាទាំងឡាយនៃព្រះវិហារបរិសុទ្ធ ។ អ្នកបានរៀនពីរបៀបដើម្បីធ្វើការបេ្ដជ្ញាចិត្ត អនុវត្តតាម និងរាយការណ៍អំពីការអភិវឌ្ឍខ្លួនរបស់អ្នក ។ ដំណើរការនេះគួរតែបន្ដ នៅពេលដែលអ្នកបន្ដដើរនៅលើផ្លូវទៅព្រះវិហារបរិសុទ្ធ និងបន្ដអភិវឌ្ឍគុណសម្បត្តិដែលនឹងជួយអ្នកពេញមួយជីវិតរបស់អ្នក ។ អ្នកអាចបន្ដការអភិវឌ្ឍខ្លួនរបស់អ្នក តាមរយៈការខិតខំយករង្វាន់សត្វឃ្មុំ ឬចាប់ផ្ដើមការអភិវឌ្ឍខ្លួនម្ដងទៀត ។
ការខិតខំយករង្វាន់សត្វឃ្មុំ
កាលពីដើម រង្វាន់សត្វឃ្មុំជាទីស្រឡាញ់ត្រូវបានផ្ដល់ឲ្យយុវនារីដែលមានឆន្ទៈធ្វើកិច្ចការលើសពីតម្រូវការ ។ ដើម្បីបន្ដការអភិវឌ្ឍខ្លួនរបស់អ្នក អ្នកអាចខិតខំយករង្វាន់សត្វឃ្មុំមកជាគូនឹងមេដាយនៃការទទួលស្គាល់នូវភាពជាយុវនារីរបស់អ្នក ។ អ្នកអាចខិតខំយករង្វាន់សត្វឃ្មុំជាទីស្រឡាញ់ បន្ទាប់ពីបំពេញតាមតម្រូវការទាំងពីរដូចខាងក្រោម ៖
-
អានព្រះគម្ពីរមរមនម្ដងទៀត ។ ទម្លាប់សិក្សាព្រះគម្ពីរប្រចាំថ្ងៃនឹងពង្រឹងសេចក្ដីជំនឿរបស់អ្នក ហើយជួយអ្នកឲ្យទទួលបានការបំផុសគំនិតផ្ទាល់ខ្លួន ព្រមទាំងការដឹកនាំពេញមួយជីវិតរបស់អ្នក ។ ប្រសិនបើអ្នកអានគ្រាន់តែប្រាំនាទីក្នុងមួយថ្ងៃ នោះអ្នកអាចអានព្រះគម្ពីរមរមនចប់ក្នុងរយៈពេលមួយឆ្នាំ ។
-
បម្រើដល់មនុស្សដទៃសរុបឲ្យបាន ៤០ ម៉ោង ។ ប្រសិនបើអាចធ្វើបាន ម៉ោងមួយចំនួននៃម៉ោងទាំងអស់នេះគួរតែបញ្ចូលទាំងការជួយដល់យុវនារីដទៃទៀតឲ្យធ្វើការអភិវឌ្ឍខ្លួនរបស់នាង ។ កិច្ចការនេះអាចធ្វើទៅបានក្រោមការណែនាំពីគណៈប្រធានយុវនារីវួដ ឬសាខា ។ នៅពេលដែលអ្នកជួយយុវនារីដទៃទៀត នោះអ្នកអាចចង់ ៖
-
ធ្វើជាមិត្តភក្ដិរបស់នាង ។
-
ធ្វើជាគំរូនៃបុត្រីដ៏សុចរិតរបស់ព្រះ ។
-
លើកទឹកចិត្តនាងឲ្យធ្វើការជាមួយនឹងឪពុកម្ដាយរបស់នាងក្នុងការជ្រើសរើសបទពិសោធន៍ និងគម្រោងនៃគុណសម្បត្តិដែលសមរម្យ ។
-
ជួយនាងឲ្យធ្វើតាមបទពិសោធន៍ និងគម្រោងនៃគុណសម្បត្តិទាំងឡាយ ។
-
ជួយនាងឲ្យរក្សាកំណត់ត្រាអំពីបទពិសោធន៍ និងគម្រោងនៃគុណសម្បត្តិទាំងឡាយ ។
-
ជួយនាងឲ្យយល់ពីគោលការណ៍ទាំងឡាយនៃដំណឹងល្អដែលបទពិសោធន៍ និងគម្រោងនៃគុណសម្បត្តិទាំងនោះបង្រៀន ។
-
លើកទឹកចិត្តនាងឲ្យអានព្រះគម្ពីរមរមន ហើយពិភាក្សាជាមួយនឹងនាងអំពីអ្វីដែលនាងកំពុងអាន ។
-
លើកទឹកចិត្តឲ្យនាងចែកចាយពីបទពិសោធន៍ និងគម្រោងនៃគុណសម្បត្តិជាមួយនឹងគ្រួសាររបស់នាង ។
-
ចាប់ផ្ដើមការអភិវឌ្ឍខ្លួនម្ដងទៀត
អ្នកអាចចាប់ផ្ដើមកម្មវិធីការអភិវឌ្ឍខ្លួនទាំងស្រុងសារជាថ្មីម្ដងទៀត ហើយទទួលយកមេដាយនៃការទទួលស្គាល់នូវភាពជាយុវនារីទីពីរ ។