« គុណសម្បត្តិផ្ទាល់ខ្លួន » ការអភិវឌ្ឍខ្លួននៃក្រុមយុវនារី ( ឆ្នាំ ២០០៩ ) ទំព័រ ២៩–៣៦

« គុណសម្បត្តិផ្ទាល់ខ្លួន » ការអភិវឌ្ឍខ្លួននៃក្រុមយុវនារី ទំព័រ ២៩–៣៦

គុណសម្បត្តិផ្ទាល់ខ្លួន

ចូរចាំចុះថា តម្លៃនៃព្រលឹងទាំងឡាយគឺមហិមាណាស់ចំពោះព្រះនេត្រនៃព្រះ ( គ. និង ស. ១៨:១០ ) ។

ខ្ញុំមានតម្លៃដែលពុំអាចកាត់ថ្លៃបានជាមួយនូវបេសកកម្មដ៏ទេវភាពផ្ទាល់ខ្លួនរបស់ខ្ញុំ ដែលខ្ញុំនឹងព្យាយាមបំពេញ ។

បទពិសោធន៍នៃគុណសម្បត្តិដែលតម្រូវឲ្យមាន

សូមបំពេញបទពិសោធន៍នៃគុណសម្បត្តិដែលតម្រូវឲ្យមានទាំងបីដូចខាងក្រោមនេះ ។ សូមឲ្យឪពុកម្ដាយ ឬអ្នកដឹកនាំរបស់អ្នកចុះហត្ថលេខា និងចុះកាលបរិច្ឆេទលើបទពិសោធន៍នីមួយៗ បន្ទាប់ពីអ្នកបានបញ្ចប់ ។

អ្នកគឺជាបុត្រីនៃព្រះវរបិតាសួគ៌ ទ្រង់ស្គាល់ ហើយស្រឡាញ់អ្នក ។ សូមអាន ទំនុកតម្កើង ៨:៤–៦; យេរេមា ១:៥; យ៉ូហាន ១៣:៣៤; គោលលទ្ធិ និង សេចក្តីសញ្ញា ១៨:១០; អ័ប្រាហាំ ៣:២២–២៣; និង យ៉ូសែប ស្ម៊ីធ—ប្រវត្តិ ១:១–២០ ។ សូមសរសេរនៅក្នុងសៀវភៅកំណត់ហេតុរបស់អ្នកអំពីរបៀបដែលបទគម្ពីរទាំងនេះបង្រៀនអ្នកថា ព្រះវរបិតាសួគ៌ស្គាល់អ្នក ស្រឡាញ់អ្នក និងគិតគូរដល់អ្នក ។
សូមរៀនអំពីសារសំខាន់នៃពរជ័យលោកអយ្យកោដោយការសិក្សាអំពីពរជ័យទាំងនេះនៅក្នុង ពិតចំពោះសេចក្ដីជំនឿ និងសុន្ទរកថាក្នុងសន្និសីទថ្មីៗ ។ សូមស្វែងរកពីមូលហេតុដែលពរជ័យទាំងនេះត្រូវបានប្រទានឲ្យ ហើយថានរណាជាអ្នកផ្ដល់ឲ្យ ។ សូមពិភាក្សាជាមួយនឹងឪពុក/ម្ដាយ ឬអ្នកដឹកនាំក្នុងសាសនាចក្រអំពីរបៀបរៀបចំទទួលពរជ័យលោកអយ្យកោ និងរបៀបដែលវាអាចបង្រៀនអ្នកអំពីតម្លៃ និងអត្តសញ្ញាណរបស់អ្នក ព្រមទាំងធ្វើជាមគ្គុទេសន៍ដឹកនាំអ្នកពេញមួយជីវិត ។ ប្រសិនបើអ្នកមិនទាន់បានទទួលពររបស់លោកអយ្យកោនៅឡើយ សូមរៀបចំខ្លួនដើម្បីទទួលពរជ័យនេះ ។
សូមអាន គោលលទ្ធិ និង សេចក្ដីសញ្ញា ១៨:១០ និង ១២១:៤៥ ។ សូមធ្វើអ្វីដែលអ្នកទាំងអស់គ្នាអាចដើម្បីស្ថាបនា និងធ្វើឲ្យមនុស្សដទៃមានអារម្មណ៍ថា ពួកគេមានតម្លៃ ។ ជារៀងរាល់ថ្ងៃក្នុងរយៈពេលពីរសប្ដាហ៍ សូមកត់ចំណាំពីគុណសម្បត្តិ និងឥរិយាបថដ៏មានតម្លៃរបស់មនុស្សដទៃ ។ សូមលើកសរសើរពីគុណសម្បត្តិទាំងនោះជាពាក្យសម្ដី ឬជាលាយលក្ខណ៍អក្សរ ។ នៅក្នុងសៀវភៅកំណត់ហេតុរបស់អ្នក សូមសរសេរអ្វីដែលអ្នកបានរៀនអំពីតម្លៃរបស់បុគ្គលម្នាក់ៗ និងពីរបៀបដែលទំនុកចិត្តរបស់អ្នកផ្ទាល់រីកចម្រើនឡើង កាលអ្នកស្ថាបនាមនុស្សដទៃ ។

បទពិសោធន៍នៃគុណសម្បត្តិបន្ថែម

សូមបំពេញបទពិសោធន៍នៃគុណសម្បត្តិបន្ថែមទាំងបីនេះ ។ អ្នកអាចជ្រើសរើសចេញពីជម្រើសដូចខាងក្រោម ឬសរសេរចេញពីគំនិតរបស់អ្នកឲ្យបានចំនួនពីរ ។ មុនពេលអ្នកចាប់ផ្ដើម ឪពុក/ម្ដាយ ឬអ្នកដឹកនាំរបស់អ្នកត្រូវតែអនុមតិលើកិច្ចការដែលអ្នកសរសេរដោយខ្លួនឯងទាំងនោះ ។ សូមឲ្យឪពុកម្ដាយ ឬអ្នកដឹកនាំរបស់អ្នកចុះហត្ថលេខា និងចុះកាលបរិច្ឆេទលើបទពិសោធន៍នីមួយៗ បន្ទាប់ពីអ្នកបានបញ្ចប់ ។

អ្នករៀបចំខ្លួនពីឥឡូវនេះ ដើម្បីបំពេញបេសកកម្មដ៏ពិសេសមួយនៅលើផែនដីនេះ ។ សូមអាន គោលលទ្ធិ និងសេចក្ដីសញ្ញា ៨៨:១១៩ ។ នៅក្នុងសៀវភៅកំណត់ហេតុរបស់អ្នក សូមធ្វើបញ្ជីមួយនៃសេចក្ដីសង្ឃឹម និងសុបិនដែលអ្នកមានអំពីគេហដ្ឋាន គ្រួសារ និងការអប់រំនាពេលអនាគតរបស់អ្នក ព្រមទាំងរឿងដ៏សំខាន់មួយចំនួនដែលអ្នកចង់សម្រេចឲ្យបាននៅក្នុងជីវិតរបស់អ្នក រួមទាំងការក្លាយជាភរិយា និងម្ដាយមួយរូបផង ។ បន្ទាប់មក សូមសរសេរផែនការមួយដែលនឹងជួយអ្នកឲ្យសម្រេចបានគោលដៅទាំងឡាយរបស់អ្នក ។ សូមចែកចាយផែនការនេះជាមួយនឹងសមាជិកគ្រួសារ អ្នកដឹកនាំ ឬមិត្តភក្ដិរបស់អ្នកម្នាក់ ។
សូមចូលរួមនៅក្នុងរបាំ សុន្ទរកថា តន្ដ្រី ឬការសម្ដែងល្ខោននៅសាលារៀន នៅក្នុងសហគមន៍របស់អ្នក ឬនៅព្រះវិហារ ។ តើការចូលរួមរបស់អ្នកនៅក្នុងសកម្មភាពនេះបានពង្រឹងអារម្មណ៍របស់អ្នកអំពីគុណសម្បត្តិផ្ទាល់ខ្លួន និងទំនុកចិត្តផ្ទាល់ខ្លួនយ៉ាងដូចម្ដេច ? សូមកត់ត្រាគំនិតរបស់អ្នកនៅក្នុងសៀវភៅកំណត់ហេតុរបស់អ្នក ។
នៅពេលអ្នកធ្វើពង្សប្រវត្តិ អ្នកនឹងចាប់ផ្ដើមយល់ពីអត្តសញ្ញាណ និងគុណសម្បតិ្តផ្ទាល់ខ្លួនរបស់អ្នក ។ សូមទៅសួរសុខទុក្ខសាច់ញាតិដែលនៅរស់របស់អ្នកដើម្បីទទួលបានព័ត៌មានអំពីពង្សប្រវត្តិរបស់អ្នកឲ្យកាន់តែច្រើនតាមដែលអាចធ្វើទៅបាន ។ បន្ទាប់មក សូមបំពេញតារាងពង្សាវលីក្រុមគ្រួសាររបស់អ្នក និងធ្វើបញ្ជីពិធីបរិសុទ្ធព្រះវិហារបរិសុទ្ធដែលបានបំពេញហើយឲ្យបុគ្គលម្នាក់ៗ ។
ព្រះវរបិតាសួគ៌បានប្រទានឲ្យអ្នកនូវអំណោយទានពិសេសជាច្រើន ។ សូមអាន កូរិនថូស ទី១ ១២:៤–១២; ១៣; មរ៉ូណៃ ៧:១២–១៣; ១០:៨–១៨; និង គោលលទ្ធិ និង សេចក្តីសញ្ញា ៤៦:១១–២៦ ។ សូមឲ្យសមាជិកគ្រួសារម្នាក់ អ្នកដឹកនាំក្រុមយុវនារីម្នាក់ និងមិត្តភក្ដិម្នាក់សរសេរនូវគុណសម្បត្តិវិជ្ជមានទាំងឡាយដែលព្រះអម្ចាស់បានប្រទានឲ្យអ្នក ។ សូមសរសេរអំណោយទានទាំងឡាយរបស់អ្នកនៅក្នុងសៀវភៅកំណត់ហេតុរបស់អ្នក និងសរសេរពីរបៀបដែលអ្នកអាចបន្ដអភិវឌ្ឍអំណោយទានទាំងនេះ និងប្រើវាដើម្បីបម្រើដល់គ្រួសាររបស់អ្នក និងមនុស្សដទៃទៀត ។

បទពិសោធន៍នៃគុណសម្បត្តិផ្ទាល់ខ្លួន

គម្រោងនៃគុណសម្បត្តិ

បន្ទាប់ពីអ្នកបានបំពេញបទពិសោធន៍នៃគុណសម្បត្តិផ្ទាល់ខ្លួនទាំងប្រាំមួយរួចហើយ សូមបង្កើតគម្រោងមួយដែលនឹងជួយអ្នកឲ្យអនុវត្តនូវអ្វីដែលអ្នកបានរៀន ។ ការណ៍នេះគួរតែជាកិច្ចខិតខំដ៏សំខាន់មួយដែលនឹងធ្វើឡើងយ៉ាងតិចណាស់ដប់ម៉ោងដើម្បីបញ្ចប់វា ។ សូមស្វែងរកការដឹកនាំពីព្រះវិញ្ញាណបរិសុទ្ធប្រកបដោយការអធិស្ឋាន ដើម្បីជ្រើសរើសគម្រោងដ៏មានអត្ថន័យមួយ ។

មុនពេលអ្នកចាប់ផ្ដើម សូមឲ្យឪពុក/ម្ដាយ ឬអ្នកដឹកនាំរបស់អ្នកអនុមតិលើគម្រោងនេះសិន ។ សូមសរសេរការវាយតម្លៃមួយ បន្ទាប់ពីអ្នកបានបញ្ចប់ ។ ខាងក្រោមនេះគឺជាយោបល់មួយចំនួនអំពីគម្រោងនៃគុណសម្បត្តិមួយ ។

អ្នកមានបេសកកម្មដ៏ពិសេស និងដ៏ទេវភាពមួយដើម្បីធ្វើនៅលើផែនដីនេះ ហើយត្រូវបានប្រទាននូវទេពកោសល្យនានាដើម្បីសម្រេចបេសកកម្មនេះ ។ នៅពេលអ្នកបំពេញគម្រោងខាងក្រោមនេះមួយ នោះអ្នកនឹងធ្វើជាសាក្សីអំពីគុណសម្បត្តិ និងការរួមចំណែករបស់មនុស្សដទៃ ព្រមទាំងឃើញពីឥទ្ធិពលដែលអ្នកអាចមានទៅលើជីវិតរបស់មនុស្សដទៃទៀតផងដែរ ។ សូមបង្ហាញអំណរគុណរបស់អ្នកដល់អស់អ្នកដែលអ្នកធ្វើការជាមួយ ហើយសូមកត់ត្រាពីបទពិសោធន៍របស់អ្នកនៅក្នុងសៀវភៅកំណត់ហេតុរបស់អ្នក ។

សូមចងក្រងប្រវត្តិផ្ទាល់ខ្លួន ឬគ្រួសាររបស់អ្នកដោយសរសេរកំណត់ហេតុទុក ប្រមូលរូបថត និងឯកសារសំខាន់ៗផ្សេងទៀត ។
សូមចែកចាយអំណោយទានរបស់អ្នកមួយ តាមរយៈការបង្ហាត់ ឬបង្រៀននរណាម្នាក់អំពីមុខវិជ្ជាសិក្សា តន្ដ្រី កីឡា ឬជំនាញសិល្បៈមួយ ។
សូមអនុវត្តគម្រោងមួយដើម្បីធ្វើឲ្យស្ថានភាពរស់នៅរបស់នរណាម្នាក់ដែលខ្វះខាតកាន់តែប្រសើរឡើង ។
សូមដឹកនាំ ឬចូលរួមនៅក្នុងក្រុមចម្រៀង ការសម្ដែង ការបង្ហាញទេពកោសល្យ ឬការតាំងពិព័រណ៍សិល្បៈមួយ ។
សូមរៀនជំនាញដែលពេញនិយមលើទីផ្សារមួយ ដែលអាចជួយអ្នកនៅក្នុងការងារបច្ចុប្បន្ន ឬនាពេលអនាគត ។

គម្រោងរបស់ខ្ញុំគឺ ៖

ផែនការរបស់ខ្ញុំដើម្បីអនុវត្តគម្រោងរបស់ខ្ញុំគឺ ៖

ការអនុមតិ

កាលបរិច្ឆេទបញ្ចប់ដែលប៉ាន់ស្មាន

ការវាយតម្លៃលើគម្រោងរបស់ខ្ញុំគឺ ( រួមបញ្ចូលទាំងអារម្មណ៍ និងការយល់ដឹងរបស់អ្នកអំពីគុណសម្បត្តិផ្ទាល់ខ្លួនដែលបានរីកចម្រើនផង ) ៖

ហត្ថលេខារបស់ឪពុក/ម្ដាយ ឬអ្នកដឹកនាំ

កាលបរិច្ឆេទ

ម៉ោងដែលបានចំណាយ