« ថ្នាក់រៀន និង និមិត្តសញ្ញារបស់ក្រុមយុវនារី » ការអភិវឌ្ឍខ្លួននៃក្រុមយុវនារី ( ឆ្នាំ ២០០៩ ) ទំព័រ ៤
« ថ្នាក់រៀន និង និមិត្តសញ្ញារបស់ក្រុមយុវនារី » ការអភិវឌ្ឍខ្លួននៃក្រុមយុវនារី ទំព័រ ៤
ក្រុមយុវនារី
ថ្នាក់រៀន និង និមិត្តសញ្ញា
ប៊ីហៃ អាយុ ១២ និង ១៣ ឆ្នាំ
ក្រុមប៊ីហៃគឺជានិមិត្តសញ្ញានៃសេចក្ដីសុខដុម សហប្រតិបត្តិការ និងកិច្ចការរបស់ពួកអ្នកត្រួសត្រាយសម័យដើមនៃសាសនាចក្រ ។ ក្រុមប៊ីហៃក៏ជាងារដំបូងដែលគេបានដាក់ឲ្យក្រុមយុវនារីផងដែរ ។ នៅសព្វថ្ងៃនេះ ក្រុមប៊ីហៃរៀនធ្វើការសហការគ្នា ហើយមានសេចក្ដីសុខដុម នៅពេលពួកគេពង្រឹងសេចក្ដីជំនឿរបស់ពួកគេលើព្រះយេស៊ូវគ្រីស្ទ ហើយរៀបចំខ្លួនដើម្បីឈរជាតំណាងឲ្យសេចក្ដីពិត និងសេចក្ដីសុចរិត ។ ពេលនេះគឺជាពេលដើម្បី « ក្រោកឡើង ហើយបញ្ចាំងពន្លឺចេញទៅ » ( គ. និង ស. ១១៥:៥ ) ។
ម៉ៃម៉េត អាយុ ១៤ និង ១៥ ឆ្នាំ
ងារម៉ៃម៉េតសំដៅទៅលើប្រវត្តិសាស្ដ្រសមាគមអភិវឌ្ឍម៉្ញូតឆល ដែលយកលំនាំតាមនិមិត្តរូបផ្កាកុលាប ដែលជានិមិត្តសញ្ញានៃសេចក្ដីស្រឡាញ់ សេចក្ដីជំនឿ និងភាពបរិសុទ្ធ ។ នៅសព្វថ្ងៃនេះ ម៉ៃម៉េតរៀនអំពីសេចក្ដីស្រឡាញ់ សេចក្ដីជំនឿ និងភាពបរិសុទ្ធ នៅពេលដែលពួកគេពង្រឹងទីបន្ទាល់របស់ពួកគេ ហើយទទួលយក និងអនុវត្តតាមគុណសម្បត្តិរបស់ក្រុមយុវនារី ។
ឡូរ៉ល អាយុ ១៦ និង ១៧ ឆ្នាំ
អស់ជាច្រើនសតវត្សរ៍មក កម្រងផ្កាកិត្តិយសបានធ្វើជាកម្រងផ្កាមួយដែលធ្វើចេញពីស្លឹកដើមឈើឡូរ៉ល ។ កម្រងផ្កានេះត្រូវបានប្រគល់ដល់អ្នកដែលសម្រេចបានកិច្ចការសំខាន់ៗ ដែលជានិមិត្តសញ្ញាកិត្តិយស និងស្នាដៃ ។ នៅសព្វថ្ងៃនេះ ឡូរ៉លកំពុងបញ្ចប់ការរៀបចំខ្លួនរបស់ពួកគេដើម្បីចុះ និងរក្សាសេចក្ដីសញ្ញាដ៏ពិសិដ្ឋ ហើយទទួលពិធីបរិសុទ្ធទាំងឡាយនៃព្រះវិហារបរិសុទ្ធ ។