Njohja e Të Rejave

Kur ta mbaroni programin e Përparimit Personal, juve do të keni të drejtën për të marrë Njohjen e Të Rejave. Për ta marrë këtë çmim:

• Merrni pjesë rregullisht në mbledhjen e sakramentit (ku është e mundur).

• Jetoni standardet e broshurës Për Forcën e Rinisë.

• Plotësoni përvojat për vlerën dhe projektin për vlerën për secilën prej të tetë vlerave.

• Mbani një ditar personal.

• Frekuentoni seminarin ose merrni pjesë në studim të pavarur (ku është e mundur).

• Lexoni rregullisht Librin e Mormonit.

• Shënoni dëshminë tuaj për Shpëtimtarin Jezu Krisht.

Ky çmim ju dallon për denjësinë tuaj dhe për përmbushjen e të gjitha kërkesave të Përparimit Personal. Si marrëse e çmimit, ju tregoni se keni krijuar një model përparimi në jetën tuaj. Ju jeni përgatitur për të bërë e mbajtur besëlidhjet e shenjta të tempullit. Ju jeni zotuar për të mbajtur urdhërimet, për t’u shërbyer të tjerëve dhe për të zhvilluar e ndarë dhuntitë e talentet tuaja. Ju do të përpiqeni të forconi shtëpinë dhe familjen.

Njohja e Të Rejave mund të paraqitet në një mbledhje sakramenti. Pasi të merrni çmimin, ju duhet të vazhdoni të jetoni besnikërisht standardet e broshurës Për Forcën e Rinisë. Zbatoni atë që keni mësuar ndërkohë që vazhdoni të përgatiteni për të bërë besëlidhjet e shenjta të tempullit me Atin Qiellor. Do të gjeni gëzim dhe lumturi ndërkohë që e bëni këtë.