« ការទទួលស្គាល់នូវភាពជាយុវនារី » ការអភិវឌ្ឍខ្លួននៃក្រុមយុវនារី ( ឆ្នាំ ២០០៩ ) ទំព័រ ៧៦
« ការទទួលស្គាល់នូវភាពជាយុវនារី » ការអភិវឌ្ឍខ្លួននៃក្រុមយុវនារី ទំព័រ ៧៦
ការទទួលស្គាល់នូវភាពជាយុវនារី
នៅពេលដែលអ្នកបំពេញកម្មវិធីការអភិវឌ្ឍខ្លួន នោះអ្នកនឹងមានសិទ្ធិទទួលបានការទទួលស្គាល់នៃភាពជាយុវនារី ។ ដើម្បីទទួលបានរង្វាន់នេះ ៖
-
ចូលរួមការប្រជុំសាក្រាម៉ង់ជាប្រចាំ ( នៅកន្លែងដែលមាន ) ។
-
រស់នៅតាមបទដ្ឋាននៅក្នុងសៀវភៅ ដើម្បីកម្លាំងនៃយុវជន ។
-
បំពេញបទពិសោធន៍ និងគម្រោងនៃគុណសម្បត្តិនីមួយៗសម្រាប់គុណសម្បត្តិទាំងប្រាំបី ។
-
រក្សាសៀវភៅកំណត់ហេតុផ្ទាល់ខ្លួន ។
-
ចូលរៀនថ្នាក់សិក្ខាសាលា ឬស្វ័យសិក្សា ( នៅកន្លែងដែលមាន ) ។
-
អានព្រះគម្ពីរមរមនជាប្រចាំ ។
-
កត់ត្រាទីបន្ទាល់របស់អ្នកអំពីព្រះអង្គសង្គ្រោះ ព្រះយេស៊ូវគ្រីស្ទ ។
រង្វាន់នេះទទួលស្គាល់នូវភាពសក្ដិសមរបស់អ្នក និងការបំពេញតាមតម្រូវការការអភិវឌ្ឍខ្លួនទាំងអស់ ។ ក្នុងនាមជាអ្នកទទួលរង្វាន់ អ្នកបង្ហាញថា អ្នកបានស្ថាបនាផ្លូវនៃការរីកចម្រើនមួយក្នុងជីវិតរបស់អ្នក ។ អ្នករៀបចំខ្លួនចុះ និងរក្សាសេចក្ដីសញ្ញាដ៏ពិសិដ្ឋទាំងឡាយនៃព្រះវិហារបរិសុទ្ធ ។ អ្នកប្ដេជ្ញាចិត្តថានឹងប្រកាន់ខ្ជាប់តាមព្រះបញ្ញត្តិទាំងឡាយ បម្រើដល់មនុស្សដទៃ ព្រមទាំងអភិវឌ្ឍ និងចែកចាយអំណោយទាន និងទេពកោសល្យទាំងឡាយរបស់អ្នក ។ អ្នកនឹងព្យាយាមពង្រឹងគេហដ្ឋាន និងគ្រួសារ ។
ការទទួលស្គាល់នូវភាពជាយុវនារីអាចត្រូវប្រគល់ឲ្យអ្នកនៅម៉ោងប្រជុំសាក្រាម៉ង់ ។ បន្ទាប់ពីអ្នកទទួលបានរង្វាន់នេះហើយ អ្នកគួរតែបន្ដមានភាពស្មោះត្រង់រស់នៅតាមបទដ្ឋាននៅក្នុងសៀវភៅ ដើម្បីកម្លាំងនៃយុវជន ។ សូមអនុវត្តនូវអ្វីដែលអ្នកបានរៀន នៅពេលដែលអ្នកបន្ដរៀបចំខ្លួនដើម្បីចុះសេចក្ដីសញ្ញាដ៏ពិសិដ្ឋទាំងឡាយនៃព្រះវិហារបរិសុទ្ធជាមួយនឹងព្រះវរបិតាសួគ៌ ។ អ្នកនឹងទទួលបានសេចក្ដីអំណរ និងសុភមង្គល នៅពេលដែលអ្នកធ្វើបែបនេះ ។