1 Yalishca jipa ángelca nihuarca: Ricui, riqui quiquinba cati aillucuna, quiquinba huauquicunapaj cati aillucunapash. Ñuca ricushpa ricurcani cushapacha nishca alpata; ñuca ricurcani mashnachari runacunata, ari, yupaipica ashtacapacha mama cocha manñapi tʼiyu alpashna.

2 Yalishca jipa ñuca ricurcani mashnachari tandanajushcacunata macanajungapa, caishuhuan chaishuhuan; ñuca ricurcani macanajuicunata, ninan macanajuicuna shamugrin ninajujta, jatun huañuchicunapash espadahuan ñucapaj llactapuracunapi.

3 Yalishca jipa ñuca ricurcani tauca miraicuna huañurca, pambapi macanajuicunamanda plituricunamandapash; ñuca ricurcani tauca llactacunata, ari, ñuca na yuparcanichu chaicunata.

4 Yalishca jipa ñuca ricurcani shuj yanalla llujshiju samaita cushapacha nishca alpa jahualla; punchapamba shitashcacunata ricurcani, culun nijcunata alpa mama cuyushpa tucuchijuicunata, tucui laya shinlli culun nijcunatapash uyarcani; ñuca ricurcani alpata rumicunata chijtarijta; ñuca ricurcani urcucuna uchilla fitishcacunapi ñuturijta; ñuca ricurcani alpa mamapaj pambacuna chaupirirca; ñuca ricurcani tauca llactacuna pambarirca; ñuca ricurcani tauca ninahuan rupajta; ñuca ricurcani tauca cuyuimanda alpaman urmashcata.

5 Yalishca jipa ñuca cai cuzascunata ricushca jipa, ñuca ricurcani yanallapaj cushni samaita, chaica yalishpa chingarirca alpa jahuallamanda; riqui, ñuca ricurcani mashnacharicunata picuna na urmashca carca jatun manllanayai Apunchijpaj ricushpa chasquichinacunamanda.

6 Ñuca ricurcani jahua pachacuna pascarijta, Diospaj Llamaguta jahua pachamanda uriajumui; pai urai shamushpa na urmashcacunaman ricuchirirca.

7 Ñuca ricurcani testimoniota cuni Espíritu Santo cutishuj chunga ishcaiman shamurca; paicuna Diospaj ordenashca, ajllashcapash carca.

8 Ángelca parlahuarca, nishpa: riqui Llamagupaj chunga ishcai discípulocunata, picunami ajllai tucushca carca quiquinbaj cati aillucunaman achil yachachingapa.

9 Pai nihuarca: Llamagupaj chunga ishcai apóstolcunata Can yaringuichu? Riqui Paicunami Israelpaj chunga ishcai tribucunata ricushpa chasquichinga; chaimanda, quiquinbaj cati aillucunapaj chunga ishcai achil yachachijcuna ricushpa chasquichishca canga; cangunaca Israel huasimanda canguichi.

10 Cai chunga ishcai achil yachachijcuna paicunata ricurcangui paicuna ricushpa chasquichinga quiquinba cati aillucunata. Riqui, paicuna imaurapash na tucurinacaman ali rurajcuna can; Diospaj Llamagupi paicunapaj femanda paicunapaj churajunacuna paipaj yahuarpi yurajyachishcacuna can.

11 Ángelca nihuarca: Ricui! Ñuca ricurcani, quimsa miraicuna alita rurashpa huañurca; paicunapaj churajunacuna yuraj carca Diospaj Llamagupashna. Ángelca nihuarca: caicuna yurajyashca can Llamagupaj yahuarpi, paipi femanda.

12 Ñuca, Nefi, ricurcani tauca chuscu miraicunamandapash alita rurashpa huañurca.

13 Yalishca jipa ñuca ricurcani alpamanda mashnacharicuna tandanajushcata.

14 Ángel nihuarca: riqui quiquinba cati aillucuna, quiquinba huauquicunapaj cati aillucunapash.

15 Yalishca jipa ñuca ricushpa ricurcani ñuca cati aillucunapaj runacunata mashnacharicunapi tandanajushcacuna cazurijcuna carca ñuca huauquicunapaj cati aillucunahuan; paicuna tandanajushca carca macanajungapa.

16 Ángelca parlahuarca, nishpa: Riqui mapalla yacu pujyuca maijanda quiquinba taita ricurca; ari, yacu larcapash imamanda pai parlarca; ucu ucucunaca ucu pachapaj ucu ucucunami.

17 Yanalla llujshiju samaica ayapaj tentacióncunami, chaicuna ñavicunata ñausayachin, runacunapaj huahuacunapaj shungucunata shinlliyachin, paicunata na quichiji chaquiñangunaman umachishpa pushan, paicuna tucurichun chingashca cachunbash.

18 Jatun lugarlla huasica, chai ñuca taita ricurca, yanga paipilla yuyaicunami runacunapaj huahuacunapaj jariyaipash. Shuj jatun shuj manllanayai huaicu paicunata shicanyachin; ari, Mana Tucurin Diospaj alicaipa shimi, Mesías pimi Diospaj Llamagu can, pimanda Espíritu Santo testimoniota curca, cai pacha callarishcamanda cunangaman, cunan punllamanda imaurapash na tucurinacaman.

19 Ángel cai shimicunata parlajujpica, ñuca ricushpa ricurcani ñuca huauquicunapaj cati aillucunaca ñuca cai aillucunahuan macanajunajurca, ángelpaj shimi nishcashna; ñuca cati aillucunapaj jariyaimanda, ayapaj tentacióncunamandapash, ñuca ricurcani ñuca huauquicunapaj cati aillucuna ushaihuan yalirca ñuca cati aillu runacunata.

20 Yalishca jipa ñuca ricurcani, ricurcani ñuca huauquicunapaj cati aillucuna runacunata paicuna ñuca cati aillucunata yalishca carca; paicuna mashnacharicunapi shicanyarirca pamba jahuallacunaman.

21 Ñuca ricurcani paicuna mashnacharicunapi tandanajurca; ricurcani paipura macanajuicunata ninan macanajuicuna shamugrin ninajujta; macanajuicunapi ninan macanajuicuna shamugrin ninajujcunapi tauca miraicuna huañurca.

22 Ángelca nihuarca: riqui caicuna na crishpa asha asha chingaringa.

23 Yalishca jipa ñuca ricurcani, paicuna na crishpa asha asha chingarishca jipa paicuna yanalla, millanayai, mapalla runacuna tucurca, quillanayai tucui laya millanayaicunahuanbash junda.