1 Yalishca jipa ñucanchi tucui laya muyucunata paipuralla tandachishca carcanchi, ishcandi murucuna paipuralla, mishqui muyucunapash paipuralla.

2 Yalishca jipa ñuca taita jichushca pambapi cashpa ñucanchita parlarca, nishpa: riqui, ñuca shuj muscuita muscushcani; shuj shimipi, ñuca shuj achil muscuita ricushca cani.

3 Riqui, ima cuzasta ñuca ricushca caimanda, ñuca imamanda Apunchijpi Nefimanda Sam-mandapash cushijuita charini; paicunata imamanda yangapa charini, paicunapa tauca cati aillucunapash, quishpirishca canga.

4 Riqui ashtahuangari, Lamán Lemuelpash, ñuca cangunamanda ninanda manllani; riqui, ricushcashnalla ñuca muscuipi, shuj yanalla manllanayailla jichushca pamba.

5 Yalishca jipa ñuca shuj runata ricurcani, pai churajushca carca shuj yuraj pillurinahuan; pai shamurca ñuca ñaupapi shayarircapash.

6 Yalishca jipa paica ñucaman parlarca, cumbidahuarca paita catichun.

7 Yalishca jipa ñuca paita catijushpa ñucamandallata ricurcani ñuca shuj yanalla manllanayailla pipash illa pambapi cashcata.

8 Yanapi tauca horascunata ñuca rishca jipa, Apunchijta achil mañai callarircani pai ñucata llaquihuachun, paipaj ninanda shungumanda llaquishcacunamanda.

9 Yalishca jipa Apunchijta ñuca achil mañashca jipa ñuca shuj jatun lugarlla pambata ricurcani.

10 Yalishca jipa ñuca shuj quiruta ricurcani, chai fucushcacuna munanayai carca pitapash cushiyachingapa.

11 Yalishca jipa ñuca ñaupashpa rircani micurcanipash chai fucushcamanda; ñuca ricurcani chaica mishquipacha carca, tucuimanda yalishca ñuca nimaurapash na malishca carcani. Ari, ñuca ricushca chai fucushca yurajmi carca, tucui yurajllacunamanda yalishca ñuca nimaurapash na ricushcani.

12 Ñuca chai fucushcata micushpaca ñuca alma ninan jatun cushijuihuan jundarca; chaimanda, ñuca munai callarircani ñuca aillupash chaita micuchun; ñuca yacharcani chaica tucui shuj fucushcacunamanda yalishca munanayai carca.

13 Ñuca muyundi ricujurcani, ñuca aillutapash tupasha yashpa, ñuca shuj yacu larcata ricurcani; chaica rita rijurcalla, chaica quiru ladolla carca mainandami fucushcata ñuca micushca carcani.

14 Ñuca mascarcani ricungapa maimanda chai shamushcata; ñuca ricurcani carullapilla yacu llujshimujujta; chai yacu llujshimujujpi ricurcani canba mama Saríah, Sam, Nefitapash; paicuna maiman rita na yachanshna shayanajurca.

15 Yalishca jipa paicunata señasta rurarcani; ñuca nircanipash shinlli shimi rimaihuan ñucapaman shamuichi micuichi fucushcata, chaica tucui shuj fucushcamanda yali munanayai carca.

16 Yalishca jipa paicunapash ñucapaman shamurca chai fucushcatapash micurca.

17 Yalishca jipa ñuca munarcani Lamán Lemuelpash shamushpa micuchun chai fucushcata; chaimanda, yacu llujshimujun larcata ricujurcani, paicunata ricushapashchari yashpa.

18 Yalishca jipa paicunata ricurcani, ashtahuangari paicuna ñucapaman na shamungapa munarca fucushcata micungapa.

19 Ñuca ricurcani shuj hierro barrata, chaica larca patata rijurcalla, quiruman pushajurca maipimi ñuca shayajuj ladota.

20 Ñuca shuj quichiji angostopash chaquiñanda ricurcanipash, chaica hierro barrata ladota shamujurcalla, quiru ladocaman maipimi ñuca shayajun ladota; chaica pusharcapash yacu llujshiju pujyuman ladota, shuj jatun lugarlla tarpuna pambaman, cai pacha cashcashna.

21 Ñuca mashna cajta na yachai runacunata ricurcani, paicunamanda tauca ñaupashpa atirinajurca, chaquiñanda japingapa munaimanda chaica quiruman maipi ñuca shayajun ladoman pushajurca.

22 Yalishca jipa paicuna ñaupashpa shamurca, chai quiruman pushaj chaquiñanda puri callarirca.

23 Yalishca jipa shuj yanalla llujshiju samai jatarirca; ari, chaipica shuj ninan jatun yanalla llujshiju samai, shinaca chaquiñanda puri callarishcacunaca paicunapa ñanmanda chingarca, paicunaca pandarca chingashcapash carca.

24 Yalishca jipa ñuca ricurcani shujcunapash ñaupashpa atirinajurca, paicuna ñaupaman shamurca chai lado hierro barrapi japishpa charirirca; paicuna atirirca ñaupashpa yalishpa yanalla llujshiju samaita, hierro barrapi charirishpa, chaipica paicuna ñaupaman shamurca micungacaman quirumanda fucushcata.

25 Paicuna quirumanda fucushcata micushca jipa paipura ricurirca pingai tucushcacunashna carca.

26 Ñucapash muyundi ricushpa, ricurcani, yacu larca chaishu ladopi, shuj jatun lugarlla huasita; chaica huairapi shayajunshnalla carca, alpamandaca jahuamanbacha.

27 Chaica runacunahuan jundachishca carca, rucucuna huambracunapash, jaricuna huarmicunapash; paicunapaj churajushcacuna ninan fino carca; paicuna na cazushpa asin laya carca, dedohuan señalashpa ricuchinajurca picuna shamushpa fucushcata micunajujta.

28 Paicuna fucushcata malishca jipa paicuna pingai tucurca, picunami paicunata na cazushpa asinajujpi; paicuna na saquishca chaquiñancunapi urmashpa chingarca.

29 Cunan ñuca, Nefi, ñuca taitapaj tucui shimicunata na parlani.

30 Ashtahuangari, quilcaicunapi ashalla cangapa, riqui, pai cutishuj mashnachari ñaupashpa atirinajujta ricurca; paicuna shamurca japishpa charirircapash chai lado hierro barrapi; ñaupaman catirca, catilla hierro barrapi shinlli charirishpa, paicuna chayamungacaman ñaupashpa cungurircapash quirumanda fucushcata micurcapashmi.

31 Pai ricurcapashmi cutishuj mashnacharicuna mascashpalla rinajurca chai jatun lugarlla huasiman.

32 Yalishca jipa taucacuna pujyu ucupi pambarishpa huañurca; taucacuna paipaj ñavimanda chingarca, na rijsishca ñangunapi surcurishpa.

33 Ashtacapacha tandanajushcacuna jatun carca na rijsishca huasiman yaicurca. Paicuna chai huasiman yaicushca jipa ñucata paicuna asishpa dedohuan señalashpa ricuchihuarca fucushcata micunajujcunatapash; ashtahuangari ñucanchica na cazurcanchi.

34 Caicuna ñuca taitapaj shimicuna can: tauca paicunata cazujcunaca, chingarirca.

35 Lamán Lemuelpash fucushcata na micurca, ñuca taita nirca.

36 Yalishca jipa ñuca taita paipaj muscuimanda achil muscuimanda tucui shimicunata parlashca jipa, chaicuna tauca carca, pai ñucanchita nirca, cai cuzascunata achil muscuipi ricushca caimanda, pai ninanda manllarca Lamán Lemuelmandapash; ari, pai manllarca paicuna Apunchijpaj ñaupamanda llujchishpa cachai tucunata manllarca.

37 Paicunata cutin yarichirca taitapaj llullu shungu tucui sentimientohuan, pai nishcacunata cazuchun, chaica Apunchijpash paicunahuan imashpapash llaquij canga, paicunata na llujchishpa cachanga; ari, ñuca taita paicunata yachachirca.

38 Paicunaman yachachishca jipa, tauca cuzascunamanda achil villachishpapash, pai cumbidarca Apunchijpaj rurachunbacha saquishcacunata alichichun; pai parlaita saquirca.