1 Ali uyashpa uyaichi caita, Oh Jacobpaj huasi, pimi Israelpaj shutihuan shutichishca canguichi, Judá yacucunamanda llujshimushcanguichi, nacashpaca bautismo yacucunamanda llujshimushca, pimi Apunchijpaj shutipi juramentorca, Israelpaj Diosta villashca can, shina cashpapash ciertopipash ali ruranacunapipash na jurangui.

2 Shina cajpipash, paicunamandallata achil llactata shutichirca, ashtahuangari na shinlliyangachu Israelpaj Diospapica, pimi Tucuita mandaj Apunchij can; ari, Tucuita mandaj Apunchijmi paipaj shutica can.

3 Riqui, ñuca villashca cani callari cuzascunata; caicunaca ñuca shimimanda llujshirca, caicunata ñuca ricuchircani. Ñuca caicunata ñapash ricuchircani.

4 Caita rurarcani imashpa ñuca yacharcani canguna shinlli shungu cajta, quiquinba cunga tullu shuj hierro nervio, quiquinba frente bronce.

5 Ñuca callarimanda villachishcani quiquingunaman; nara yalishca jipa ricuchircani; ricuchircanipash manllaimanda canguna ninata—Ñuca yanga dios rurarca, imamanbash rijchata rurashca dios imatapash yacuyachishpa rurashca dios cai cuzascunata cachamurca.

6 Ricurcanguichi uyarcanguichi tucuita; shinachu na villanayachinguichi? Chai punllamanda mushuj cuzascunata ricuchishcani, ari, pacashca cuzascunata can na yachashcacunata.

7 Cunan rurashcacuna can, na callarimandaca, nara villashca punlla punda imaura uyarcangui villajpi, ama ninguichi: Riqui, ñuca yacharcani.

8 Ari, na uyashcangui na yachashcangui; nachu pascarirca chaimandapacha canba rinri; ñuca na cazuj canata yacharcani, shuj na ali ruraj shutichishca carcangui vijsamandallata.

9 Shina cajpipash, ñuca shutimanda munaiman ñuca fiñai jipayachun, ñuca alabanzamanda munaiman jarcariman, ñuca quiquinda ama shitangapa.

10 Riqui, cangunata mapa illatami rurashcani, ñuca ajllashcani llaquipaj jurnomanda ajllashca cangui.

11 Ñucamanda, ari, ñucamandallata munani caita rurangapa, ñuca na saquishachu ñuca shuti mapayachun, ñuca punchapamba caita na shujman cushachu.

12 Uyahuai, Oh Jacob, Israelpash ñuca cayarcani, ñuca pai cani; ñuca callari cani, tucurimuipash ñuca cani.

13 Ñuca maqui cai pachatapash shayachirca, ñuca ali maqui jahua pachacunatapash mirachircani. Ñuca cayarcani paicuna ishcandi shayarimurca.

14 Tucui canguna, tandanajuichi, uyaichi; pita paicunamanda cai cuzascunata villachishca? Apunchijca juyarca; ari, pactachingami paipaj shimicunata paicunamanda villashcata; paipaj munashcata ruranga Babiloniapi, paipaj rigra Caldeocunapi urmanga.

15 Apunchijca, ninbashmi; Ñucaca Apunchij, ari, ñuca parlashcani; ari, ñuca achil cayashcani villachun, ñuca apamushcani, paipaj ñan charijyashca canga.

16 Ñucapaman quimirichi; ñuca pipash na yachajta na parlashcanichu; callarimanda, villashcamandapacha, ñuca parlashcani; Apunchij Dios paipaj Espíritupash, cachamuhuashca.

17 Apunchijca shina nin, quiquinba Jatun Causachij, Israelpaj Achil; ñuca paita cachashcani, Apunchij quiquinba Dios pimi ali cachun yachachishca, pimi ñaupashpa maita purina ñanda ricuchishca, pai rurashca.

18 Oh ñuca rurachunbacha saquishcacunata uyashca cashcanguiman—quiquinba sumaj causaica shuj rijuj yacushna canman carca, quiquinba ali ruranacunaca mama cochapaj caiman chaiman cuyurinshna.

19 Quiquinba cati aillucunapash tʼiyushna canman carca; quiquinba vijsamanda llujshishca miraicunaca paipaj murucunashna; paipaj shutica na cungashca canman carca na tucuchi tucushcapash ñuca ñaupamanda.

20 Babiloniamanda llujshichi, Caldeocunamanda calpaichi, villaichi shuj cantana shimihuan, caita villai, cai alpa tucurinacaman apai; can ni: Apunchijca paipaj sirvij Jacobta jatun causachircami.

21 Paicuna na yacunayachircachu; jichushca pambacunata pusharca; paicunaman rumimanda yacuta llujchirca; rumita faquircapash yacucuna calparca.

22 Masqui tucui caicunata pai rurashca cashpapash, ashtahuandapash, na alita rurajcunapaca sumaj causai na tianllu, Apunchij nin.