1 Yalishca jipa ángelca parlahuarca, nishpa: Ricui! Ñuca ricushpa ricurcani tauca jatun llactacuna reinocunatapash.

2 Ángelca nihuarca: imata ricungui? Ñuca nircani: Ricuni tauca jatun llactacuna reinocunatapash.

3 Pai nihuarca: Caicunaca Gentilcunapaj jatun llactacuna reinocunapashmi can.

4 Yalishca jipa ñuca ricurcani Gentilcunapaj jatun llactacunapica shuj jatun iglesia tiarijta.

5 Ángelca nihuarca: Riqui shuj iglesia tiai callari, maijan ashtahuan millanayai tucui shuj iglesiatapash yalishcami, maijan Diospaj santocunata huañuchin, ari, paicunata macan paicunata nitin, yugonpash shuj hierro yugohuan, paicunata huatai tucushcashnaman apan.

6 Yalishca jipa ñuca ricurcani cai jatun millanayaipash iglesiata; ñuca ricurcani ayata paimi caipaca shayachij carca.

7 Yalishca jipa ñuca ricurcanipash, curi, culqui, sedacuna, escarlatacuna, lino fino ahuashcacuna, tucui laya juyailla churajunacunapash; ñuca ricurcani tauca rameracunatapash.

8 Ángelca parlahuarca, nishpa: Riqui curica, culquica, sedacunaca, escarlatacunaca, lino fino ahuashcacunaca, juyailla churajunacunapash, rameracunapash, cai jatun millanayai iglesiapaj munashcacuna can.

9 Cai pachapaj alicachimandapash Diospaj santocunata tucuchin, paicunata huatai tucushcashnaman apamun.

10 Yalishca jipa ñuca ricushpa ricurcani acha yacucunata; chaicuna Gentilcunata shicanyachirca ñuca huauquipaj cati aillucunamanda.

11 Yalishca jipa ángelca nihuarca: Riqui Diospaj fiñaica quiquinba huauquicunapaj cati aillucunapaj jahuapimi.

12 Ñuca ricushpa ricurcani shuj runata Gentilcunahuan, pimi ñuca huauquicunapaj cati aillucunamanda shicanyachishca carca acha yacucunahuan; ñuca ricurcani Diospaj Espírituca uriajumushpa paipi imalla rurarca; chai runaca acha yacucunata shamui callarirca, ñuca huauquicunapaj cati aillucunapaman, picunami cushapacha nishca alpapi carca.

13 Yalishca jipa ñuca ricurcani Diospaj Espírituta, imalla rurajta shuj Gentilcunapapi; paicunata huatashcashnamanda llujshimurca, acha yacucunaman.

14 Yalishca jipa ñuca ricurcani mashnachari Gentilcunata cushapacha nishca alpapi; ñuca ricurcani Diospaj fiñai, ñuca huauquicunapaj cati aillucunapi carca; paicuna Gentilcunapaj ñaupamanda shitai tucushca carca llaquichishcapash carca.

15 Ñuca ricurcani Apunchijpaj Espíritu, cai Gentilcunahuan carca, paicuna ali mirarca paicunapaj chasquina alpata japircapash; ñuca ricurcani paicuna yurajcuna carca, ninan juyaillagupacha juyaillapash, ñuca llactashna nara paicuna huañuchi tucushca cajpi.

16 Yalishca jipa ñuca, Nefi, ricurcani Gentilcunaca huatashcashnamanda llujshimushcacunaca Apunchijpaj ñaupapi shungu faquirirca; Apunchijpaj ushai paicunahuan carca.

17 Ñuca ricurcani paicunapaj Gentilcunapaj mama llacta tandanajushca carca yacupipash alpapipash, macanajungapa.

18 Ñuca ricurcani Diospaj ushaica paicunahuan carca, Diospaj fiñaipash tucui picunami paicunahuan macanajungapa tandanajushcacunapaj jahuapi carca.

19 Ñuca, Nefi, ricurcani Gentilcunaca huatai tucushcashnamanda llujshishca carca cacharichishca carca Diospaj ushaihuan tucui jatun llactacunapaj maquicunamanda.

20 Yalishca jipa ñuca, Nefi, ricurcani paicuna pambapi ali mirarca; ñuca ricurcani shuj quilcashcata, caica paicunahuan apashca carca.

21 Ángelca nihuarca: Yachanguichu quilcashca ima cajta?

22 Paita nircani: Na yachanichu.

23 Pai nihuarca: Riqui cai shuj Judíopaj shimimanda llujshimurca. Ñuca, Nefi, ricurcani caita, pai nihuarca: Quiquin ricushca quilcashca Judíocunapaj shuj tandachishpa quilcashcami can, Apunchijpaj conveniocunata charin, maijan Israelpaj huasiman rurashca carca; tauca achil villachijcuna villachishcacunata charin; cai shuj tandachishpa quilcashca bronce jirru fangacunapi quilcashcacunashnami, shinapash na tauca can; shina cajpipash, Apunchijpaj conveniocunata charin, maijan Israelpaj huasiman rurashca carca; chaimanda, Gentilcunapa jatun valishca can.

24 Apunchijpaj ángelca nihuarca: Can ricushcangui quilcashcata shuj Judíopaj shimimanda llujshimurca; Judíopaj shimimanda llujshishcaurasca Apunchijpaj tucuilla quishpiringapa villaicunata charirca; pimandami chunga ishcai apóstolcuna testimoniota cun; paicuna testimoniota cun na llullaihuan chaica Diospaj Llamagupapi can.

25 Chaimanda, cai cuzascuna Judíocunapamanda Gentilcunapaman na llullahuan shamun, imashna na llullahuan caica imami Diospi can.

26 Chaicuna Llamagupaj chunga ishcai apóstolcunapaj maquicunamanda yalishca jipa, Judíocunamanda Gentilcunaman, can ricungui chai jatun millanayai iglesia tiarijta, chaica tucui shuj iglesiatapash yalishca millanayaimi; riqui, paicuna Llamagupaj quishpiringapa villaicunata quichurca tauca pushtucuna imacunami na pandanalla punchalla juyaillapachapash can; Apunchijpaj tauca conveniocunatapash quichurca.

27 Tucui caita rurashca paicuna Apunchijpaj ali ñanda huaglichisha yashpa, runacunapaj huahuacunapaj ñavicunata ñausayachingapa shungucunata shinlliyachingapapash.

28 Chaimanda, can ricungui chai jatun millanayai iglesiapaj maquicunamanda quilcashca yalishca jipa, quilcashcamanda tauca punchalla juyaillapash cuzascunata quichurca, chaica Diospaj Llamagupaj quilcashca can.

29 Chai punchalla juyaillapash cuzascunata quichushca jipaca Gentilcunapa tucui jatun llactacunaman rin; Gentilcunapa tucui jatun llactacunaman rishca jipa, ari, acha yacucunata chimbashpapash can ricushcangui Gentilcunahuan huatai tucushcashnamanda llujshimushca, can ricungui—tauca punchalla juyaillapash cuzascunata quilcashcamanda quichushca caimanda, maijan runacunapaj huahuacunapaj yuyaipi punchalla carca, imashna punchallahuan cai can Diospaj Llamagupi—cai cuzascunata Llamagupaj quishpiringapa villaicunata quichushca caimanda, taucacunapacha nitijan, ari shina cashpaca Satanás paicunapaj jahuapi ushaita charin.

30 Shina cajpipash, can yachangui Gentilcuna huatai tucushcashnamanda llujshimurca, Diospaj ushaihuan tucui shuj jatun llactacuna cai alpamanda jahuayachishca carca, tucui shuj alpacunamanda ajllashca alpa can, Apunchijpaj alpa canda pactachirca quiquinba taita paipaj cati aillucunaman paicunapa chasquina alpa cachun; chaimanda, can ricungui Apunchij Diosca na saquinga Gentilcuna tucuchitapacha tucuchichun quiquinba cati aillucunahuan chapurishcata, caicuna quiquinba huauquicunahuan can.

31 Pai saquitapash na saquingachu Gentilcuna quiquinba huauquicunapaj cati aillucunata tucuchichun.

32 Apunchij Dios saquitapash na saquingachu Gentilcuna imaurapash na tucurinacaman catichun chai manllanayai ñausalla caipi, can ricungui paicuna chaipi can, punchalla juyaillapachapash pushtucunata Llamagupaj quishpiringapa villaicunamanda chai millanayai iglesia quichuimanda, paipaj tiarishcata quiquin ricushcangui.

33 Chaimanda Diospaj Llamaguca nin: Ñuca llaquij casha Gentilcunata, Israelpaj huasimanda puchushcacunatapash ricugrishapashmi jatun llaquicunahuan.

34 Yalishca jipa Apunchijpaj ángel parlahuarca, nishpa: Riqui, Diospaj Llamagu nin, Israelpaj huasimanda puchushcacunata ricugrishca jipa—cai puchushcacuna picumanda ñuca parlarcani quiquinba taitapaj cati aillucuna can—chaimanda, paicunata llaquicunahuan ricugrishpa, Gentilcunapaj maquihuan paicunata chugrichishpa, Gentilcuna ninandapacha nitijashcapash jipa, ashtahuan punchalla juyaillapash pushtucuna Llamagupaj quishpiringapa villaicunamanda quichushca caimanda chai millanayai iglesiahuan, paica rameracunapaj mama can, Llamagu nin—chai punllapi Gentilcunata llaquishami, shinaca ñuca paicunaman chayachisha, ñucapaj ushaihuan, acha quishpiringapa villaicunata, chaica punchalla juyaillapash canga, Llamagu nin.

35 Riqui, Llamagu nin: Ñucamanda ricurigrisha quiquinba cati aillucunaman, paicuna tauca cuzascunata imatami ñuca paicunaman achil yachachishcata quilcanga, chaica punchalla juyaillapash canga; quiquinba cati aillucuna tucuchi tucushca jipa, na crishpa asha asha chingarishpa, quiquinba huauquicunapaj cati aillucunapash, riqui, cai cuzascuna pacashca canga, Gentilcunaman ricuchingapa, Llamagupaj donhuan ushaihuanbash.

36 Chaicuna pimi ñucapaj quishpiringapa villaicuna quilcashca canga, Llamagu nin, ñuca rumi ñuca quishpirina.

37 Paicuna achilyachishca can pimi chai punllacunapi Sión tiarichun munan, paicunaca donda Espíritu Santopaj ushaitapash charinga; paicuna tucuri punllacunacaman catiriashpaca chai tucuri punllapi vichai achil jatarichishca canga, Llamagupaj mana tucurina reinopi quishpichishca canga; picunami sumaj causaita villajpica, ari, jatun cushijui villaicuna, juyaillacunamari canga urcu jahuacunapica.

38 Yalishca jipa ñuca ricurcani ñuca huauquicunapaj cati aillucunapaj puchushcacuna, Diospaj Llamagupaj quilcashcatapash, Judíocunapaj shimimanda llujshimushca carca, Gentilcunamanda chayamurca ñuca huauquicunapaj cati aillucunapaj puchushcacunaman.

39 Paicunapaman chayashca jipaca, ricurcani shuj quilcashcacunata shamurca Llamagupaj ushaihuan Gentilcunamanda paicunaman, Gentilcunata crichingapa ñuca huauquicunapaj cati aillucunapaj puchucunatapash, Judíocunatapash picunami tucui alpa jahualla chajchurishca carca, achil villachijpa Llamagupaj chunga ishcai apóstolcunapaj tandachishca quilcashcacunaca na llulla cajta.

40 Ángelca parlahuarca, nishpa: Cai tucuri tandachishca quilcashcacunaca, can ricushcangui Gentilcunapi, callaricunapaj na llullata ricuchinga, chaicunaca Llamagupaj chunga ishcai apóstolcunapami can, yachaj chayachinga punchalla juyaillapash cuzascunata chaicunaca maijan quichushca carca; ricuchinga tucui reinocunaman, shimirimaicunaman, llactacunamanbash, Diospaj Llamaguca Mana Tucurin Taitapaj Churi cajta, cai pachapaj Jatun Quishpichij; tucui runacuna paipaman shamunapacha, na cashpaca paicuna na quishpirishca canga.

41 Paicuna shamunapacha shimi nishcashna Llamagupaj shimihuan churashca canga; Llamagupaj shimicunaca ricuchishca canga quiquinba tandachishca cati aillucunapaj tandachishca quilcashcacunapi, Llamagupaj chunga ishcai apóstolcunapaj tandachishca quilcashcacunapipash; chaimanda ishcandi shujllapi tandachishca canga; imashpa Shujlla Dios shujlla Achil michij tucui cai pachapa tian.

42 Punllaca shamungami pai ricurimungami pai tucui jatun llactacunaman, ishcandiman Judíocunaman Gentilcunamanbash; pai Judíocunapaman Gentilcunaman ricurimushca jipa, shinashpa pai ricurimunga Gentilcunaman Judíocunamanbash, tucuricunaca callari canga, callaricunaca tucuri canga.