1 Енді міне дәл солай болды, мен, Нефи, мыстан жасалған парақтарға ойып жазылған нәрселерді оқығаннан кейін, бауырларым маған келіп, былай деді: Сенің оқығандарың нені білдіреді? Міне, оларды тәндік емес, рух арқылы жүзеге асатын рухани нәрселерге байланысты түсіну керек пе?

2 Мен, Нефи, оларға былай дедім: Міне олар пайғамбарға Рухтың дауысы арқылы ашылды; өйткені тәнге сай адам балаларының басына келетін нәрсенің барлығы пайғамбарларға Рух арқылы мәлім болады.

3 Сондықтан мен оқыған нәрселер уақытша нәрселерге де және рухани нәрселерге де қатысты; өйткені Исраил үйі ерте ме, кеш пе бүкіл жер бетіне, сондай‑ақ барлық ұлттар арасында бытырап кететін сияқты.

4 Ал міне, Иерусалимдегілер туралы білімнен әлдеқашан ада болып қалғандар көп. Иә, барлық тайпалардың көп бөлігі айдалып кетті; міне олар теңіз аралдарында жан‑жаққа бытырап кеткен; ал олардың қайда екенін ешкім білмейді, тек олардың айдалып кеткенін білеміз.

5 Ал айдалып кеткендіктен, олар туралы, сондай‑ақ Қасиетті Исраил үшін болашақта бытырап, масқара болатындардың барлығы туралы пайғамбарлық айтылды; өйткені олар оған қарсы жүректерін қатал етеді; сондықтан олар барлық ұлттардың арасында бытырап кетеді және барлық адамдардың алдында жек көрінішті болады.

6 Соған қарамастан, кейін өзге ұлттар оларды тойдырғаң соң және Иеміз өзге ұлттарға қолдарын жайып, оларды ту етіп орнатады және олар олардың балаларын қолдарында, ал қыздарыңды иықтарына көтеріп алатын болады, ал енді бұл айтылғанның бәрі уақытша; өйткені Жаратқан Иенің біздің әкелерімізбен жасаған келісімдері осылай; міне бұл болашақта бізді де, Исраил үйінен шыққан біздің барлық бауырларымызды да білдіреді.

7 Міне бұл бүкіл Исраил халқы бытырады және масқара болғаннан кейін, Құдай Жаратқан Ие өзге ұлттардың арасынан, иә, тіпті осы жердің үстінен де құдіретті ұлтты тудыратын уақыт келеді дегенді білдіреді; міне солардың арқасында біздің тұқым бытырайтын болады.

8 Міне біздің ұрпақ бытырап кеткеннен кейін, Құдай Жаратқан Ие өзге ұлттардың арасында керемет іс жасайды, бұл біздің тұқым үшін өте құнды болады; сондықтан оларды өзге ұлттардан нәр алды және қолдары мен иықтарына көтеріп алып алғанға ұқсас.

9 Міне бұл өзге ұлттар үшін де құнды болады; міне өзге ұлттар үшін ғана емес, сонымен бірге бүкіл Исраил үйі үшін, сондықтан Көктегі Әкенің Ыбырайыммен жасаған келісімдері белгілі болады, онда былай делінген: Сенің тұқымың арқылы жер бетіндегі барлық тайпалар батаға ие болады.

10 Ал мен, бауырларым, сендердің білгендеріңді қалаймын, егер ол өзінің қолын жайып ұлттардың көз алдында ашық көрсетпесе жер бетіндегі барлық тайпалар батаға ие бола алмайды.

11 Сондықтан Құдай Жаратқан Ие өзінің келісімдері мен Інжілін Исраил үйіне жататындарға жеткізу үшін барлық ұлттардың көз алдында қолын ашық көрсететін болады.

12 Сондықтан ол оларды қайтадан тұтқыннан шығарады және олар өздерінің мұрагерлік жерлеріне жиналады; міне олар қараңғылық пен түнектен шығарылатын болады; әрі олар Жаратқан Ие өздерінің Құтқарушысы мен Өтемшісі, Құдіретті Исраил екенін білетін болады.

13 Ал бүкіл жер бетіндегі жезөкше болып табылатын сол үлкен және жиіркенішті шіркеудің қаны өздеріне айналады; өйткені олар бір‑бірімен шайқасады және өз қолдарымен жасаған семсер өздерінің басына түседі және олар өз қандарына мас болады.

14 Міне саған қарсы соғысатын әрбір ұлт, Уа Исраил үйі, бір‑біріне қарсы шығады және олар Жаратқан Иенің халқын тұзаққа түсіру үшін қазған шұңқырына өздері түседі. Міне Сионға қарсы күрескендердің бәрі жойылады, ал Жаратқан Иенің адал жолдарын бұрмалаған ұлы жезөкше, иә, сол ұлы және жиіркенішті шіркеу топыраққа құлайды және оның құлауы зор болады.

15 Міне, пайғамбар былай деді, Шайтанның адам балаларының жүрегіне бұдан былай билік етпейтін уақыты келеді; өйткені тәкаппарлар мен зұлымдық жасайтындардың бәрі сабандай болатын күн жақын арада келеді; міне олардың өртелетін күні міндетті түрде келеді.

16 Өйткені, жақын арада Құдайдың қаһарының бар күші барлық адам баласына төгілетін уақыты жақындап келеді; өйткені ол зұлымдардың әділдерді жойып жіберуіне жол бермейді.

17 Сондықтан ол әділдерді өз күшінің арқасында сақтап қалады; тіпті оның барлық қаһары төгіліп, тіпті олардың жауларын отпен жойса да, міне әділдер аман қалады. Сондықтан әділдер қорқудың қажеті жоқ; себебі пайғамбар былай дейді: тіпті ол отқа оранса да олар құтқарылатын болады.

18 Міне, бауырларым, сендерге айтамын, мұның бәрі жақын арада орындалады; иә, тіпті қан мен от және бұрқыраған түтін келетін болады; міне бұл жер бетінде міндетті түрде болады; міне бұл адамдардың тәніне май болады, егер олардың жүрек қалаулары Қасиетті Исраилге қарсы бағытта болатын болса.

19 Міне, әділдер жойылмайды; өйткені Сионға қарсы соғысқандардың бәрі аластатылатын уақыт міндетті түрде келеді.

20 Жаратқан Ие өз халқына Мұсаның айтқан сөздерінің орындалуына жол дайындайтын болады: сендердің Құдайың Жаратқан Ие сендерге мен сияқты пайғамбар шығарады; ол сендерге не айтса да, барлығында тыңдайсыңдар. Міне сонда бұл орындалады, сол пайғамбарға құлақ түріп тыңдамағандар халықтың арасынан аластатылатын болады.

21 Ал енді мен, Нефи, сендерге жария етемін, осы Мұса айтқан пайғамбар Қасиетті Исраил; сондықтан ол әділдікпен үкім шығаратын болады.

22 Ал әділдер қорқудың қажеті жоқ, өйткені олар масқара болмайды. Бірақ бұл шайтан патшалығы адам балалары арасында құрылатын болады, ал ол патшалық тәндегілердің арасында орнатылады.

23 Өйткені пайда табу үшін салынған барлық шіркеулер және тәннің үстінен билік ету үшін құрылғандардың барлығы және дүниенің көз алдында танымал болу үшін құрылғандар және тәндік нәпсіқұмарлар мен дүниелік нәрселерді іздеп, әр түрлі зұлымдық жасайтындар жақын арада келеді: иә, басқаша айтқанда, сол шайтан патшалығына жататындардың барлығы, олар сол қорқатын және үрей алып, қалтырайтындар; олар сол жердің қойнына қайтарылатындар; міне сол сабан сияқты өртенетіндер және бұл пайғамбардың айтқан сөздеріне сай.

24 Ал әділдер семіз өгіз сияқты көтерілетін уақыт тез жақындап келеді және Қасиетті Исраилдің үстемдікте және құдіретте әрі билік пен ұлы даңқта билік жүргізетін болады.

25 Міне ол өз балаларын жердің төрт жағынан жинайды; ол қойларын санайды, ал олар оны таниды және онда бір отар мен бір қойшы болады және ол өз қойларын бағады, ал олар одан жайылым табады.

26 Міне оның халқы әділ болғандықтан шайтан күшін жоғалтты; сондықтан ол көптеген жылдар бойы бостандыққа шыға алмайды; өйткені ол адамдардың жүрегіне билік ете алмайды, өйткені олар әділдікте өмір сүреді, ал Қасиетті Исраил билік етеді.

27 Ал енді міне, мен, Нефи, сендерге айтамын: мұның бәрі тәнге сай келуі тиіс.

28 Бірақ міне, егер барлық ұлттар, тайпалар, тілдер мен халықтар тәубеге келсе, Қасиетті Исраилде қауіпсіз өмір сүретін болады.

29 Ал енді мен, Нефи, аяқтаймын; өйткені мен бұл туралы әзірге бұдан әрі айтуға батылым бармады.

30 Сондықтан, бауырларым, мыстан жасалған парақтарда жазылған нәрселер шындық екенін ескергендеріңді қалаймын; міне адам Құдайдың өсиеттеріне мойынсұнуы керек екеніне олар куәлік етеді.

31 Сондықтан бұл туралы мен және менің әкем ғана куәлік етті және оларға тәлім берді деп ойлаудың қажеті жоқ. Сондықтан, егер өсиеттерге мойынсұнып, міне соңына дейін шыдамдылық танытсаңдар, соңғы күні құтқарылатын боласыңдар. Міне бұл солай. Әумин.