ஏத்தேர்

வேதங்கள்

மார்மன் புஸ்தகம்

பொருளடக்கம்
முன்னுரையும் சாட்சிகளும்
1 நேபி
2 நேபி
யாக்கோபு
ஏனோஸ்
யாரோம்
ஓம்னி
மார்மனின் வார்த்தைகள்
மோசியா
ஆல்மா
ஏலமன்
3 நேபி
4 நேபி
மார்மன்
ஏத்தேர்
மரோனி

ஏத்தேர்

அதிகாரம் 1
ஏத்தேர் எழுதினவைகளை மரோனி சுருக்குதல் – ஏத்தேரின் வம்சவரலாறு கொடுக்கப்படுதல் – யாரேதியர்களின் பாஷை பாபேல் கோபுரத்தில் தாறுமாறாக்கப்படவில்லை – அவர்களைச் சிறந்த தேசத்திற்கு நடத்திச் சென்று, அவர்களைப் பெரிய தேசமாக ஆக்குவதாக கர்த்தர் வாக்குத்தத்தம் பண்ணுதல்.
அதிகாரம் 2
யாரேதியர்கள் வாக்குத்தத்தத்தின் தேசத்திற்கான பிரயாணத்திற்காக ஆயத்தப்படுதல் – அது ஒரு சிறந்த தேசம். அதிலே மனுஷர் கிறிஸ்துவை சேவிக்கவேண்டும், இல்லையேல் துடைக்கப்பட்டுப்போவார்கள் – கர்த்தர் யாரேதின் சகோதரனிடத்தில் மூன்று மணி நேரம் பேசுதல் – யாரேதியர்கள் தோணிகளைக் கட்டுதல் – தோணிகளுக்கு ஒளியேற்றுவது எப்படி என்று சொல்லும்படியாக யாரேதின் சகோதரனிடத்தில் கர்த்தர் சொல்லுதல்.
அதிகாரம் 3
கர்த்தர் பதினாறு கற்களைத் தொடும்போது யாரேதின் சகோதரன் அவருடைய விரலைக் காண்கிறான் – கிறிஸ்து தம்முடைய ஆவி சரீரத்தை யாரேதின் சகோதரனுக்குக் காண்பித்தல் – பூரண ஞானத்தைப் பெற்றிருப்போர் திரைச்சீலையினுள் வைத்திருக்கப்படமுடியாது – யாரேதியர்கள் பதிவேட்டினை வெளிச்சத்திற்குக் கொண்டுவரும்படியாக மொழிபெயர்ப்புக் கருவிகள் கொடுக்கப்பட்டிருத்தல்.
அதிகாரம் 4
யாரேதின் எழுத்துக்களை முத்திரையிடும்படி மரோனி கட்டளையிடப்படுதல் – மனுஷர் யாரேதின் சகோதரனைப்போல விசுவாசத்தைப் பெற்றிடும்வரைக்கும் அவைகள் வெளிப்படுத்தப்படாது – தம்முடைய வார்த்தைகளையும், தம்முடைய சீஷருடைய வார்த்தைகளையும் விசுவாசிக்கும்படி மனுஷருக்குக் கிறிஸ்து கட்டளையிடுதல் – மனந்திரும்பி, சுவிசேஷத்தை விசுவாசித்து இரட்சிக்கப்படும்படி மனுஷர் கட்டளையிடப்படுதல்.
அதிகாரம் 5
மூன்று சாட்சிகளும், பணியுமே மார்மன் புஸ்தகத்தின் சத்தியத்திற்குச் சாட்சியமாக நிற்கும்.
அதிகாரம் 6
யாரேதியர்களின் தோணிகள் வாக்குத்தத்தத்தின் தேசத்திற்கு காற்றினால் அடித்துச் செல்லப்படுதல் – ஜனங்கள் கர்த்தரை அவருடைய நன்மையினிமித்தம் துதித்தல் – அவர்கள்மேல் ராஜாவாக ஒரீகா நியமிக்கப்படுதல் – யாரேதும் அவன் சகோதரனும் மரணமடைதல்.
அதிகாரம் 7
ஒரீகா நீதியிலே ஆளுகை பண்ணுதல் – ஆட்சியைக் கைப்பற்றுதலுக்கும், பிணக்குகளுக்கும் மத்தியில், போட்டி ராஜ்யங்களான சியுலின் ராஜ்யமும், கோஹோரின் ராஜ்யமும் ஸ்தாபிக்கப்படுதல் – தீர்க்கதரிசிகள் ஜனங்களுடைய துன்மார்க்கத்தையும் விக்கிரக ஆராதனையையும் கண்டித்தல், அவர்கள் பின்பு மனந்திரும்புதல்.
அதிகாரம் 8
அங்கே ராஜ்யத்தைக் குறித்து விவாதங்களும் பிணக்குகளும் இருத்தல் – ராஜாவைக் கொல்ல உறுதிமொழியால் பிணைக்கப்பட்ட இரகசிய சங்கத்தை ஆகீஸ் உருவாக்குதல் – இரகசிய சங்கங்கள் பிசாசினுடையவை, தேசங்களின் அழிவை விளைவிக்கிறது. எல்லா இடங்கள், தேசங்கள், மற்றும் நாடுகளின், சுதந்திரத்தை வீழ்த்த வகைதேடும் இரகசிய சங்கத்திற்கு விரோதமாக தற்கால புறஜாதியார் எச்சரிக்கப்படுதல்.
அதிகாரம் 9
எதிர்ப்பாலும், சதியாலோசனையாலும், கொலையாலும், ராஜ்யம் ஒருவனிடமிருந்து மற்றொருவனுக்குப் போகுதல் – எமர் நீதியின் குமாரனைக் கண்டான் – அநேக தீர்க்கதரிசிகள் மனந்திரும்புதலுக்காக கூக்குரலிடுதல் – பஞ்சமும், விஷ சர்ப்பங்களும் ஜனத்தை வதைத்தல்.
அதிகாரம் 10
ஒரு ராஜாவை மற்றொரு ராஜா தொடருதல் – சில ராஜாக்கள் நீதிமான்களாயிருத்தல், மற்றவர்கள் துன்மார்க்கராயிருத்தல் – நீதி ஜெயம்பெறும்போது, ஜனங்கள் கர்த்தரால் ஆசீர்வதிக்கப்பட்டு விருத்தியடைதல்.
அதிகாரம் 11
யுத்தங்களும், பிரிவினைகளும், துன்மார்க்கமும் யாரேதியர்களின் வாழ்க்கையில் ஆதிக்கம் செலுத்தின – மனந்திரும்பவில்லையெனில் யாரேதியர்கள் முழுவதுமாய் அழிக்கப்படுவார்களென்று தீர்க்கதரிசிகள் முன்னறிவித்தல் – ஜனங்கள் தீர்க்கதரிசிகளின் வார்த்தைகளைப் புறக்கணித்தல்.
அதிகாரம் 12
ஏத்தேர் தீர்க்கதரிசி ஜனங்களை தேவனில் விசுவாசிக்கும்படி புத்தி சொல்லுதல் – விசுவாசத்தினாலே செய்யப்பட்ட அதிசயங்களையும், அற்புதங்களையும் மரோனி சொல்லுதல் – விசுவாசம் யாரேதின் சகோதரன் இயேசு கிறிஸ்துவைக் காணும்படியாய் உதவிற்று – மனுஷர் தாழ்மையாய் இருக்கவே கர்த்தர் அவர்களுக்கு பெலவீனங்களைத் தருகிறார் – யாரேதின் சகோதரன் விசுவாசத்தினாலே சீரின் மலையை நகர்த்துதல் – இரட்சிப்புக்கு விசுவாசம், நம்பிக்கை, தயாளத்துவம் ஆகியவை முக்கியமானவை – மரோனி இயேசுவை முகமுகமாய்க் காணுதல்.
அதிகாரம் 13
யோசேப்பின் சந்ததியினரால் அமெரிக்காவில் கட்டப்படும் புதிய எருசலேமைக் குறித்து ஏத்தேர் பேசுதல் – அவன் தீர்க்கதரிசனமுரைத்தல், வெளியே துரத்தப்படுதல், யாரேதியர்களின் வரலாற்றை எழுதுதல். மற்றும் யாரேதியர்களின் அழிவை முன்னறிவித்தல் – தேசமெங்கிலும் யுத்தம் பரவுதல்
அதிகாரம் 14
ஜனங்களுடைய அக்கிரமம் பூமியின் மேல் சாபத்தைக் கொண்டுவருதல் – கொரியாந்தமர் கீலேயாத்துடனும் பின்பு லிப்புடனும், பின்பு சிஸ்ஸூடனும் யுத்தங்களை மேற்கொள்ளுதல் – இரத்தமும், சங்காரமும் தேசத்தில் நிறைந்திருத்தல்.
அதிகாரம் 15
லட்சக்கணக்கான யாரேதியர்கள் யுத்தத்தில் வெட்டப்படுதல் – சிஸ்ஸூம் கொரியாந்தமரும் மரணப்போருக்காக ஜனங்கள் யாவரையும் கூட்டுதல் – கர்த்தருடைய ஆவி அவர்களோடு இருப்பதிலிருந்து நின்றுபோகுதல் – யாரேதிய தேசம் முழுவதுமாய் அழிந்துபோகுதல் – கொரியாந்தமர் மாத்திரம் உயிரோடிருத்தல்.