မော်မုန်

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

မော်မုန်

အခန်းကြီး ၁
အမ္မရုန်သည် မော်မုန်အား သန့်ရှင်းမွန်မြတ်သောမှတ်တမ်းများအကြောင်းကို သွန်သင်၏—နီဖိုင်းအမျိုးသားတို့နှင့် လာမန်အမျိုးသားတို့ကြား၌ စစ်တိုက်ခြင်းစတင်၏—နီဖိုင်းအမျိုးသားသုံးဦးကို ခေါ်ဆောင်သွား၏—ဆိုးညစ်ခြင်း၊ မယုံကြည်မှု၊ နတ်ဝိဇ္ဇာအတတ်များနှင့် စုန်းလုပ်သောအတတ်များပျံ့နှံ့၏။ အေဒီ ၃၂၁–၃၂၆ ခန့်။
အခန်းကြီး ၂
မော်မုန်သည် နီဖိုင်းအမျိုးသားတို့၏တပ်များကို ဦးဆောင်၏—အသွေးသွန်းလောင်းခြင်းနှင့် သိမ်းရုံးသတ်ဖြတ်ခြင်းတို့သည် ထိုပြည်ကို ပယ်ရှား၏—နီဖိုင်းအမျိုးသားတို့သည် အပြစ်စီရင်ခံရသောသူတို့၏ ဝမ်းနည်းခြင်းကြောင့် မြည်တမ်း၍၊ ငိုကြွေးမြည်တမ်းကြ၏—သူတို့၏ကျေးဇူတော်ကာလ ကုန်လွန်၏—မော်မုန်သည် နီဖိုင်း၏ပုရပိုက်ပြားများကို ရရှိ၏—စစ်တိုက်ခြင်းများ ဆက်၍ဖြစ်၏။ အေဒီ ၃၂၇–၃၅၀ ခန့်။
အခန်းကြီး ၃
မော်မုန်သည် နီဖိုင်းအမျိုးသားတို့အား နောင်တရခြင်းကို ဟစ်ကြော်၏—သူတို့သည် ကြီးစွာသော အောင်နိုင်ခြင်းကို ရရှိ၍၊ ကိုယ့်ခွန်အားကို ချီးမွမ်းကြ၏—မော်မုန်သည် သူတို့ကို ဦးဆောင်ရန် ငြင်းပယ်၏၊ သူတို့အတွက် သူ၏ဆုတောင်းခြင်းများမှာ ယုံကြည်ခြင်းမပါဘဲရှိ၏—မော်မုန်ကျမ်းသည် ဣသရေလမျိုးနွယ်စု တစ်ဆယ်နှစ်စုတို့အား ဧဝံဂေလိတရားတော်ကို ယုံကြည်ရန် ဖိတ်ခေါ်၏။ အေဒီ ၃၆၀–၃၆၂ ခန့်။
အခန်းကြီး ၄
စစ်တိုက်ခြင်းနှင့် သိမ်းရုံးသတ်ဖြတ်ခြင်းတို့ ဆက်၍ဖြစ်၏—ဆိုးညစ်သောသူတို့သည် ဆိုးညစ်သောသူများကို အပြစ်ဒဏ်ပေးကြ၏—ဣသရေလအမျိုးတို့၏သမိုင်းတစ်လျှောက်၌ ရှိဖူးသည်ထက် သာ၍ကြီးသော ဆိုးညစ်ခြင်း ပျံ့နှံ့၏—မိန်းမများနှင့် ကလေးများကို ရုပ်တုဆင်းတုများသို့ ယဇ်အဖြစ်ပူဇော်ကြ၏—လာမန်အမျိုးသားတို့သည် နီဖိုင်းအမျိုးသားတို့ကို သူတို့ရှေ့မှ သုတ်သင်ပယ်ရှင်းစပြုကြ၏။ အေဒီ ၃၆၃–၃၇၅ ခန့်။
အခန်းကြီး ၅
အသွေးသွန်းလောင်းခြင်းနှင့် သိမ်းရုံးသတ်ဖြတ်ခြင်းတို့ပြုရာ တိုက်ပွဲများ၌ မော်မုန်သည် နီဖိုင်းအမျိုးသားတို့၏တပ်များကို တစ်ဖန်ဦးဆောင်၏—မော်မုန်ကျမ်းသည် ဣသရေလအမျိုးခပ်သိမ်းတို့ကို ယေရှုသည် ခရစ်တော်ဖြစ်တော်မူကြောင်း နားသွင်းရန် ပေါ်ထွက်လာလိမ့်မည်—လာမန်အမျိုးသားတို့သည် သူတို့၏မယုံကြည်မှုကြောင့် ကွဲပြားပြန့်ကျဲကြလိမ့်မည်။ ဝိညာဉ်တော်သည်လည်း သူတို့ကို ပဲ့ပြင်ဆုံးမခြင်းမှ ရပ်တန့်တော်မူလိမ့်မည်—သူတို့သည် နောက်ပိုင်းကာလများ၌ ဧဝံဂေလိတရားတော်ကို တပါးအမျိုးသားတို့ထံမှ လက်ခံရရှိကြလိမ့်မည်။ အေဒီ ၃၇၅–၃၈၄ ခန့်။
အခန်းကြီး ၆
နီဖိုင်းအမျိုးသားတို့သည် နောက်ဆုံးတိုက်ပွဲအတွက်၊ ကူမော်ရတောင်ကုန်းသို့ စုဝေးကြ၏—မော်မုန်သည် သန့်ရှင်းမွန်မြတ်သော မှတ်တမ်းများကို ကူမော်ရတောင်ကုန်း၌ ဝှက်ထား၏—လာမန်အမျိုးသားတို့သည် အောင်မြင်ကြ၏၊ နီဖိုင်းပြည်ပျက်စီး၏—ရာပေါင်း၊ ထောင်ပေါင်းမျာစွာသောသူတို့သည် ဓားဖြင့် ကွပ်မျက်ခံရ၏။ အေဒီ ၃၈၅ ခန့်။
အခန်းကြီး ၇
မော်မုန်သည် နောက်ပိုင်းကာလလာမန်အမျိုးသားတို့အား ခရစ်တော်ကို ယုံကြည်ရန်၊ သူ၏ဧဝံဂေလိတရားတော်ကို လက်ခံရန်၊ ထို့အတူ ကယ်တင်ခြင်းသို့ ရောက်ကြစေရန် ဖိတ်ခေါ်၏—သမ္မာကျမ်းကို ယုံကြည်သောသူခပ်သိမ်းတို့သည် မော်မုန်ကျမ်းကိုလည်း ယုံကြည်ကြလိမ့်မည်။ အေဒီ ၃၈၅ ခန့်။
အခန်းကြီး ၈
လာမန်အမျိုးသားတို့သည် နီဖိုင်းအမျိုးသားတို့ကို လိုက်၍ရှာပြီးလျှင် ဖျက်ဆီးကြ၏—မော်မုန်ကျမ်းသည် ဘုရားသခင်၏တန်ခိုးတော်အားဖြင့် ပေါ်ထွက်လာလိမ့်မည်—ကိုယ်တော်ရှင်၏အမှုတော်တို့ကို ဆန့်ကျင်၍၊ ပြင်းစွာအမျက်ထွက်၍၊ ရန်တွေ့ကြသောသူများအပေါ်သို့ အမင်္ဂလာကို သက်ရောက်စေ၏—ဆိုးညစ်ခြင်း၊ အကျင့်ပျက်ခြင်းနှင့် ဖောက်ပြန်သင်းကွဲခြင်းတို့ရှိရာကာလ၌ နီဖိုင်းလူမျိုး၏မှတ်တမ်း ပေါ်ထွက်လိမ့်မည်။ အေဒီ ၄၀၀–၄၂၁ ခန့်။
အခန်းကြီး ၉
မော်ရော်နိုင်းသည် ခရစ်တော်ကို မယုံကြည်သောသူတို့ကို နောင်တရရန် တောင်းပန်၏—သူသည် အလွန်တရာအံ့ဩဖွယ်အမှုတို့၏ဘုရားသခင်၊ သစ္စာရှိသောသူတို့အား ဗျာဒိတ်တော်များပေး၍၊ ဆုကျေးဇူးများနှင့် နိမိတ်လက္ခဏာတို့ကို သွန်းလောင်းတော်မူသည့်သူ အကြောင်းကို ကြေညာ၏—အလွန်တရာအံ့ဩဖွယ်အမှုများသည် မယုံကြည်ခြင်းကြောင့် ရပ်တန့်သွား၏—ယုံကြည်သောသူတို့၌ နိမိတ်လက္ခဏာများ ဖြစ်လာ၏—လူသားတို့ကို ဉာဏ်ပညာရှိရန်နှင့် ပညတ်တော်များကိုစောင့်ထိန်းရန် တိုက်တွန်း၏။ အေဒီ ၄၀၁–၄၂၁ ခန့်။