1 Hom ntsie Jesus Christ, hom Pomfo no ndze, Okokroko ^aEmi Mara no, nyia ^bn’ehumbɔbɔr abasa ^cabɔ werdam dze etua hom bɔn no;

2 Ɔno na ^aɔbɔboaboa no nkorɔfo ano mpo tse dɛ mbrɛ akokɔ baatan boaboa ne mba ano hyɛ ne ntsaban ase, dodowara a wobetsie me ndze na ^bwɔabrɛ hɔnho adze wɔ m’enyim, na wɔafrɛ me wɔ mpaabɔ dzendzen mu no.

3 Hwɛ, nokwar, nokwar, mese hom dɛ, wɔdze hom bɔn ^aakyɛ hom wɔ aber yi mu, dɛm ntsi na hom nsa akã dɛm ndzɛmba yinom; na mbom hom nkaa, amma hom annyɛ bɔn bio, mma mbusu ammba hom do.

4 Nokwar, mese hom dɛ wɔasan mu eyi hom efi wiadze mu dɛ hom mfa enyigye ndze a ɔtse dɛ ^atotorobɛnto ndze mbɔ m’asɛmpa no dawur.

5 Hom mma hom akoma do na hom enyi ngye, osiandɛ mowɔ hom ^afinimfin, na emi nye hom ^bdzimafo wɔ Egya no enyim; na ɔyɛ ne pɛ pa dɛ ɔdze ^cahenman no ma hom.

6 Na dɛ mbrɛ wɔakyerɛw no—Biribiara a hom ^abebisa wɔ ^bgyedzi mu no, hom ^cyɛ kor wɔ mpaabɔ mu dɛ mbrɛ mahyɛ hom no a, hom nsa bɛkã.

7 Na wɔafrɛ hom dɛ hom ^amboaboa ^bm’apamufo ano; osiandɛ m’apamufo ^ctsie me ndze na wommpirim hɔn ^dakoma;

8 Dɛm ntsi, ɔmom no fi Egya no hɔ aba dɛ ^awɔbɔboaboa hɔn ano wɔ bea kor do wɔ asaase yi enyi do, ama ^bwoeesiesie hɔn akoma na woeesiesie hɔnho wɔ adze nyinara mu dze atweɔn da no a wɔdze ^cabɛbrɛsɛ nye amamfoyɛ bɛba emumuyɛfo do no.

9 Na dɔn no abɛn, na da no rosõ ber a asaase ne twaber edu; na hɔn a wɔyɛ ^aahantan nye emumuyɛfo nyinara bɛyɛ dɛ ^bmburonan; na ^cmebɛhyew hɔn, Dɔm Ewuradze na ɔse; amma emumuyɛ annka asaase yi do;

10 Na dɔn no asõ, na dza m’asomafo ^akãe no wɔ dɛ ɔhyɛ mã; na dza wɔkãe no dɛmara so na ɔbɛba.

11 Na medze tum nye enyimnyam kɛse bɛda moho edzi efi sor, na menye sor ^adɔm-tutuw a wɔwɔ hɔ nyina, na yɛnye nyimpa abɛtsena asaase do wɔ ^btsenenee mu ^cmfe apem, na emumuyɛfo nnkotum egyina ano.

12 Na bio, nokwar, nokwar, mese hom dɛ, ɔnam Egya ne pɛ do, na ɔmom ne pi si do no, dɛ ^am’asomafo, Duebien no a wɔkã moho wɔ me ɔsomdwuma mu wɔ Jerusalem no, begyina m’enyimfa wɔ ^bogya fadum mu wɔ da a mebɛba no mu, wɔahyehyɛ hɔn tsenenee ntar, wɔdze ahenkyɛw ahyehyɛ hɔn tsir, wɔ ^cenyimnyam mu dɛ mara so mpo, na ^dwoebobu Israel fifo nyina atsɛn, dodowara mpo a wɔdɔɔ me na wodzii me mbrasɛm do no, na obiara nnkã ho bio.

13 Na wɔbɛhɛn ^atotorobɛnto dzendzenndzen akyɛr, tse dɛ Bepɔw Sinai do mpo, na asaase nyina bɔwosow, na ^bwɔaba kan—nyew, hɔn a ^cwowui wɔ mo mu no benya tsenenee ^dahenkyɛw, na wɔahyɛ hɔn ntar ^edɛ mara so mpo, na wɔabɛkã moho, ama yaayɛ kor.

14 Mbom, hwɛ, mese hom dɛ ansaana dɛm ^ada kɛse yi bɔsõ no, ^bewia bɛdan sum, na bosoom adan bɔgya, na nworaba befi sor atotɔ, na ^cnsɛnkyerɛdze akɛse besisi wɔ sorsor no sor nye asaase n’ase;

15 Na sũ nye ^ankekamu besi nyimpa dɔm mu;

16 Na wɔbɛma ^aɔsor-bo abɛsɛɛ asaase do ndɔbaa.

17 Na ɔbɛba dɛ, osian wiadze n’emumuyɛdze ntsi, mibedzi ^aemumuyɛfo hɔn ^bwer, osiandɛ worunnu hɔnho; na m’ebufuw kɔɔpow no ayɛ mã; na hwɛ, sɛ woenntsie me a, mo ^cbɔgyaa no renntsew hɔn ho.

18 Dɛm ntsi, emi Ewuradze Nyankopɔn mobɔsoma nwansema ma wɔaba asaase enyi do, na wɔbɔfɔr hɔn a wɔwɔ do nyina, na wobedzi hɔn honam, na wɔama wɔadɔr nsaamaa;

19 Na hɔn tɛkyerɛma bɛfam ma worunntum ^annkasa nntsia me; na hɔn honam bodwuruw efi hɔn mbiew ho egu, na hɔn enyiwamba botutu efi hɔn enyiwa mu;

20 Na ɔbɛba dɛ ^ahaban mu mbowa nye wimu ntumbowa bɔwe hɔn.

21 Na ^aogyatanaa bɛhyew ^bmbusu asɔr kɛse no, a ɔyɛ asaase nyina do ^cedwaman no, egu famu, dɛ mbrɛ Ezekiel nkɔnhyɛnyi no dze n’ano kãe no, ɔno na ɔkãa dɛm ndzɛmba yi a ɔmmbaa mu yi, na mbom dɛ metse ase yi, ^dotwar dɛ ɔba mu, osiandɛ dza ɔyɛ mbusu nnkotum edzi hen.

22 Na bio, nokwar, nokwar, mese hom dɛ, sɛ ^amfe apem no ba ewiei a, na nyimpa hyɛ ase bio pow hɔn Nyame a, mibegyaa asaase bɛyɛ ^bmber kakra;

23 Na ^aewiei no bɛba, na sor nye asaase bɛhyew na ^bwoetwa mu akɔ, na sor fofor nye ^casaase fofor bɛba.

24 Na ndzɛmba dadaw nyinara ^abotwa mu akɔ, na ndzɛmba nyinara abɛyɛ fofor, sor nye asaase mpo, nye ne mãhyɛ a ɔwɔ hɔ nyinara, nyimpa nye mbowa nyinara, wimu ntumbowa, nye po mu nam nyinara;

25 Na ^atsinhwi kor, anaa duaba rennyew, osiandɛ ɔyɛ me nsaano edwindze.

26 Mbom, hwɛ, nokwar, mese hom dɛ, ansaana asaase botwa mu akɔ no, ^aMichael a ɔyɛ mo ^bɔbɔfopanyin no bɛhɛn no ^ctotorobɛnto, na nkyii ewufo nyinara ^dbɔsoɛr, osiandɛ obobuebue hɔn owumaa, na ^ewobefifi mu epue—nyew, hɔn nyinara mpo.

27 Na wɔbɔboaboa ^aatseneneefo no ano wɔ me ^bnsa enyimfa dze hɔn akɔ onnyiewiei nkwa mu; na ɔbɛyɛ me enyimguase dɛ mebɛfa emumuyɛfo no a wɔwɔ me nsa bankum no ayɛ medze wɔ Egya n’enyim;

28 Dɛm ntsi, mebɛse hɔn dɛ—Hom ^amfi me nkyɛn nkɔ, hom a ndom akã hom, hom nkɔ ^bogya a ɔwɔ hɔ daapem a woesiesie ama ^cabɔnsam nye n’abɔfoe no mu.

29 Na afei, hwɛ, mese hom dɛ mimmfii m’ano nnkãa no pɛn dɛ wɔbɛsan hɔn ekyir aba, osiandɛ ^abea a mowɔ no, wonnkotum aba hɔ, osiandɛ wonnyi ho tum biara.

30 Na mbom hom nkaa dɛ wɔmmfaa m’atsɛmbu nyina mmaa adasa; na dɛ mbrɛ nsɛm no efi m’anomu epue no, ɔbɛba mu dɛmara so, na dɛ ^aedzikamfo bedzi ekyir, na edziekyirfo so ebedzi kan wɔ biribiara a menam mo tum asɛm a ɔyɛ mo Sunsum no tum do bɔe no mu.

31 Na menam mo Sunsum no tum do ^abɔɔ hɔn; nyew ^bsunsum nye honam mu ndzɛmba nyina—

32 Odzi kan, ^asunsum mu, ɔtɔ do ebien, honam mu, dza a ɔyɛ m’edwuma ahyɛse; na bio, odzi kan, honam mu, na ɔtɔ do ebien, sunsum mu, dza ɔyɛ m’edwuma a odzi ewiei—

33 Merekasa dɛm kyerɛ hom ama hom aatse ase dɛmara; na mbom mara dze minyim dɛ mo ndwuma nnyi ^aewiei, na onnyi ahyɛse; mbom wɔdze ama hom ama hom aatse ase, osiandɛ hom ayɛ kor ebisa me ho asɛm.

34 Dɛm ntsi, nokwar mese hom dɛ ndzɛmba nyinara yɛ sunsum ma me, na aber biara nnyi hɔ a medze honam mu mbra ama hom; nna me mmaa nyimpa biara, anaa adasamba; anaa Adam, hom egya no a mobɔɔ no no.

35 Hwɛ, memaa no ho kwan dɛ ^aɔnyɛ dza noara pɛ; na memaa no mbrasɛm, na mbom nnyɛ honam mu mbrasɛm na medze maa no, osiandɛ me ^bmbrasɛm yɛ sunsum mu dze; na wɔnnyɛ asaase do dze anaa honam mu dze, nna wɔnnyɛ honam su dze, anaa akɔndɔdze.

36 Na ɔbaa dɛ ^aabɔnsam sɔɔ Adam hwɛe—na, hwɛ, abɔnsam wɔ hɔ ansaana Adam reba, osiandɛ ^bɔtseew mo do etua, see dɛ, fa ^cw’enyimnyam ma me, a ɔyɛ mo ^dtum no; na osian hɔn ^epɛ ntsi, ^fsor dɔmtutuw no mu ^gnkyɛmu ebiasa mu kor fii me nkyɛn kɔr n’afã;

37 Na wɔtoow hɔn kyeen famu, na dɛm na ɔmaa ^aabɔnsam na ^bn’abɔfoe bae;

38 Na, hwɛ, woesiesie beebi ama hɔn fi ahyɛse no, na bea no nye ^ahɛl.

39 Na ɔwɔ dɛ abɔnsam ^asɔ adasamba hwɛ, sɛ ɔnntse dɛm a, nna nnyɛ hɔnara wɔdze hɔn pɛ; osiandɛ sɛ woennya dza ɔyɛ ^bwen a, wonnkohu dza ɔyɛ dɛw—

40 Dɛm ntsi, ɔbaa dɛ Abɔnsam sɔɔ Adam hwɛɛ, na odzii ^aeduaba no a wɔabra no ntsi ɔtõo mbrasɛm no, na ɔmaa ^bɔbɛhyɛɛ abɔnsam ne pɛ ase, osiandɛ ogyaa noho mu maa nsɔhwɛ.

41 Dɛm ntsi, emi, Ewuradze Nyankopɔn, memaa kwan ma ^awɔpaam no fii ^bEden Ture no mu, dze fii m’enyim, osian ne mbrato ntsi, ɔno mu na ɔmaa ^cowuu sunsum mu, dza ɔyɛ owu a odzi kan no, na dɛm owu kor yi ara so mpo nye ^dowu a odzi ewiei no, dza ɔyɛ sunsum mu owu, a mebɛkã egu emumuyɛfo do ber a mebɛse dɛ: Hom mfi ha, hom a ^endom akã hom.

42 Mbom, hwɛ, mese hom dɛ, emi, Ewuradze Nyankopɔn mehyɛɛ Adam nye n’asefo dɛ mma ^awonnwu honam mu owu, kesi dɛ emi, Ewuradze Nyankopɔn mobɔsoma ^babɔfo dɛ wɔmbɛkã ^cnnuho nye ^dɔpon, a ɔnam gyedzi wɔ me ^eBa a Wɔwoo no Kortoo no ne dzin mu no ho nsɛm nkyerɛ hɔn.

43 Na dɛm na emi, Ewuradze Nyankopɔn mehyehyɛe maa nyimpa wɔ ne ^ansɔhwɛber mu—dɛ sɛ owu honam mu a, ^bwoeenyan no wɔ ^cbɛkyebo mu dze no akɔ ^donnyiewiei nkwa mu, na iyi wɔ hɔ ma dodowara a wɔbɛgye edzi;

44 Na hɔn a wɔnngye nndzi no, bɔkɔ onnyiewiei ^aafɔbu mu; osiandɛ wonnkotum apon hɔn efi bɔn sunsum asehwe mu, osiandɛ woennu hɔnho;

45 Na wɔdɔ sum sen kan, na hɔn ^andwuma yɛ bɔn, na wonya hɔn ^bakatua fi nyia wɔpɛ dɛ wotsie no no hɔ.

46 Mbom hwɛ, mese hom dɛ, ^ambofra nkakraba no dze, wɔnam nyia me Woo no Kortoo no no do ^bapon hɔn fi wiadze ne fapem;

47 Dɛm ntsi, wonnkotum ayɛ bɔn, osiandɛ wɔmmaa Satan tum dɛ ^aɔnsɔ mbofra nkakraba nhwɛ, kesi dɛ wobodu ber a wobotum ^bebu hɔnho nkontaa wɔ m’enyim;

48 Na wɔdze ama hɔn dɛ ma mepɛ mpo tse, sɛ mankasa mepɛ a, mimbisa dɛm ndzɛmba akɛse no mfi hɔn ^aegyanom nsamu.

49 Na, bio, mese hom dɛ, ana mennhyɛɛ obiara a ɔwɔ nyimdzee dɛ onnu noho?

50 Na nyia onnyi ^antseasee no, ɔyɛ m’ahyɛdze dɛ meyɛ dza wɔakyerɛw no. Na afei, merennkã hwee nnkyerɛ hom bio ber yi mu. Amen.